20130929T055054Z 001. Tell Me the Story of Jesus

Kabibiag ni Jesu-Cristo
Isalaysaymo caniac–
Sarita a kasam-itan
Iti pusoc isurat.
Idi ni Jesus naypasngay
Anganghel kinantada,
“Dayaw ’ti Dios ’diay cangatoan
Ken talna iti daga.”

     Kabibiag ni Jesu-Cristo
     Isalaysaymo caniac–
     Sarita a kasam-itan
     Iti pusoc isurat.

Idi Isu nagayunar
Nga is-isu ’diay let-ang,
Linasatna ti sulisog
Ket inna nagballigian.
Iwarnac ti aramidna,
Panagbannog ken liday;
Ni Jesu-Cristo naumsi
Ken naidadanes pay.

Idi Isu inlansa da,
Ti tuoc inibtorna.
Saoem ti pannacatayna
Ken ti panagungarna.
Silalawag a makitac,
Nasudi nga ayatna;
Gapu caniac nagsagaba–
Sumurotac Kencuana.

tune→ (English 1)
]]> 20130929T055053Z 20130929T055053Z 002. Jesus Now and Jesus Ever

Ni Jesus laeng ti damag
Nga intay isalaysay;
Isu la ti itandudo,
Canayon matmatantay.

     Ni Jesus a cancanayon
     Ti icancantatayo;
     Isut’ Manangisalacan
     Ken Ari nga umayto.

Ni Jesus la ti Mannubbot–
Basoltay binaclayna;
Kinalinteg ken pigsatay
Agtaudda Kencuana.

Ni Jesus laeng ti bileg
’Ti sipapakumbaba;
Ditay agbuteng, agduadua
Ta parabur itdenna.

Ni Jesus laeng ti Apo–
Kencuana agtulnogtay;
Agpasaclaw, agservitay
A pudno ti pusotay.

tune→ (English 10)
]]> 20130929T055052Z 20130929T055052Z 003. More About Jesus

O maammoac nga ad-adda
Ni Jesus ken ti ayatna;
Ti naruay a paraburna
Innac coma ipakita.

     Ad-adda pay coma
     Nga innac makita
     Ni Jesus ken ti ayatna
     Ken panangisalacanna.

O masursuroc pay coma
Ti nasantoan a panggepna–
Isuro ti Espiritu
Ti maipapan ken Cristo.

Daytoy pannakicadcaddua
Ken Jesus ad-adda coma,
Ket imdengac ti timecna
Ken pagtalcac ti saona.

Makitac pay nga ad-adda
Ni Jesus iti tronona,
Ken iti iyuumayna
A cas Principe ti cappia.

tune→ (English 2)
]]> 20130929T055051Z 20130929T055051Z 004. Speak to My Soul

Agsaoca cad, Apo,
Ket innac imdengan
’Yarasaasmo caniac,
“Dicanto baybay-an.”
Lucatam cad toy pusoc
Ket dumngegac Kenca
Tapno siraragsacac
Nga agdayaw Kenca.

     Iti naalumamay
     Ibagam cad ita,
     “Sica ket agballigi
     Ken agwayawaya.” a a a
     Inaldaw-aldaw, Jesus,
     O caasiannac man,
     Ket ipangngegmo caniac,
     “Dicanto baybay-an.”

Iti dalanmo, Apo,
Antabayannacam;
Ti napudno a ragsac
Ket innacam iccan.
Bayat ti panagbiagmi,
Idatonmi Kenca
Sibubukel a biagmi
Ingganat umayca.

Saoem ti pagayatam
A cas idi damo,
Ket dagiti rebbengec
Inca cad isuro.
Innac ngarud tungpalen
Amin a bilinmo
Tapno maidayawca
Babaen ti biagco.

tune→ (English 231)
]]> 20130929T055050Z 20130929T055050Z 005. We Love the Perfect Way

Patgentay ti dalan ti Dios
A nagnaan ngad ni Jesus;
Datayo ket agpagpagna
Agturong iti taengna.

     Nasaracantay ken Jesus
     Dalan a mapan iti Dios,
     Ket ditay coma sumina
     Bayat ti biag it-itedna.

Mangmangngegtay ti timecna,
Paidalantay Kencuana;
Ket idiay pagtaenganna
Agnanayon ti inana.

Manangngaasi ti Diostay;
Idi nasipngetantay pay
Ti biagtay linawaganna–
Agdaydayawtay Kencuana.

Ti tackiagna ket napigsa;
Ditay ngad agbuteng coma,
Ta innatay salacniban
Agingganat panungpalan.

tune→ (English 32)
]]> 20130929T055049Z 20130929T055049Z 006. Was It For Me?

Siac la aya ti gapuna
Ni Jesu-Cristo bimmaba,
Ket langit pinanawanna
Tapno siac isalacanna?

     Wen, siac ngarud ti gapuna
     A ni Jesus nagsagaba.
     Nacascasdaaw nga ayat!
     Isu natay gapu caniac.

Inted ti anghel ti damag
A ni Jesus naiyanac;
Siac ngad aya ti gapuna
Pinanggep daytoy ni Ama?

Nasged panagcararagna,
Basbasolco binaclayna;
Siac ngad aya ti gapuna
Ti tuoc ket inibtorna?

Ni Jesus ket inlansada,
Imbucbocna ti darana;
Siac ngad aya ti gapuna
A ni patay linac-amna?

tune→ (English 8)
]]> 20130929T055048Z 20130929T055048Z 007. Sitting At The Feet of Jesus

Iti saca’nan ni Jesus
Ket situtugawtayo;
Sidududog ti pusotay
Bayat dumdumngegtayo
Cadagiti sasaona
A macaited rago,
Ket mapno ti pusotayo
Ti ayat cas ken Cristo;
Ket mapno ti pusotayo
Ti ayat cas ken Cristo.

Masapul iti inaldaw
Iti intay pannagna,
Itden ken Jesus ti tiempo
Ket dumngegtay Kencuana;
Nabileg iti dangadang,
Puso ket mapabaro,
Iti kinamapagtalcan
Ket agballigitayo;
Iti kinamapagtalcan
Ket agballigitayo.

Agtulnogtay kenni Jesus
Ket Isu maay-ayo:
Punnoennatay ti parabur
Ken Espiritu Santo;
Mangngegtayo ti timecna
A siaalumamay;
Adda pudno a bendicion
No Isu ket cadduatay;
Adda pudno a bendicion
No Isu ket cadduatay.

tune→ (English 61)
]]> 20130929T055047Z 20130929T055047Z 008. God’s Word Is So Pure

Sao ti Dios napateg ken nadalus;
Balacadna ay-ayatec–
Silaw iti sacac ken ’ti dalanco,
Agnanayon a surotec.

     Naim-imbag ngem pirac ken balitoc,
     Ken batbato a napateg,
     Ti agtugaw iti saclang ti Apo
     Tapno Kencuana agdengngeg.

Macaparag-o ti dalan ti Apo
No biagco iturayanna;
Ti saona ket espiritu ken biag–
Nagsam-it itoy cararua.

Denggec, tungpalec ti bilin ti Ari,
Ket mawayawayaannac;
Dagiti saona salimetmetac,
Ket Kencuana agdayawac.

Apo, toy pusoc pabilgem cad Kenca;
Lintegmo ti pagragsacac.
Ti saom ipamatmatmo cad caniac–
Daytoy ti imutectecac.

tune→ (English 29)
]]> 20130929T055046Z 20130929T055046Z 009. We Have Found Him

Dacay amin a mangsapsapul
Kenni Jesus nga Ari,
Makipagragsaccay cadacam;
Isu nasaracanmi.

     O, nasaracanmi ni Cristo!
     Ket ita siraragsaccami;
     Isu ti damag dagiti mammadto–
     Ari dagiti ari.

Dacay a mawaw ken mabisin
Iti nabiag a Sao,
Ken dacay nga agpadpadaan,
Makipagragsaccayo.

Isu a nanursuro idi
Agtaeng iti tao;
Iti kinapacumbabana
As-asitgannacayo.

“O, nasaracanmi ni Cristo!”–
Daytoy iracuracyo
Inggat dagiti agsapsapul,
Talna magun-oddanto.

tune→ (English 30)
]]> 20130929T055045Z 20130929T055045Z 010. Incline Your Ear

Umaycay ket denggenyo
Ti timec ni Cristo.
Ti ruangan ket silulucat,
Itan, sumreccayo.

     Incay ipangag
     Panangayabna,
     Ta iti di mabayag
     Ruangan ket recpanna.

Iti ayan ti ubbog
Ur-urayennacay;
Ni Jesus, pudno a gayyem
Ket dinto mangpaay.

Inana ken ayatna
Macapnec a pudno;
Biag ni Jesus ti mangpunno
Iti cararuayo.

Innacay pacawanen
Iti basbasolyo;
Natay Isu ’diay Calvaryo
Gapu cadacayo.

tune→ (English 155)
]]> 20130929T055044Z 20130929T055044Z 011. I’ve A Friend

Adda Gayyemco a naayat,
It-itedna ti casapulac;
Ket iti pacadadaelan
Ilisina daytoy cararuac.

     Degdegam cad ti ayatco,
     Patgec unay ti pannakigayyemmo;
     Iti lubong panecnecac
     Nga agnanayon cucuanac.

Wen, gapu Kencuana pinilic
Ti sumurot iti dalanna;
Manipud iti basbasolco
Toy pusoc ket ug-ugasanna.

Daytoy Gayyemco a naayat
Ket pumatpateg ngarud caniac.
Kencuana amin italecco;
Agnanayon Isu ti cucuac.

tune→ (English 75)
]]> 20130929T055043Z 20130929T055043Z 012. If All Things Were Mine

No matagicuac amin a banag
Ket awan ti Mannubbot caniac,
Dagiti banbanag nga aglabas
Macaliwliwa aya caniac?
Uray no innac macupicupan
Ti naylubongan a ragrago,
Dida pumadpad iti panagbiag
A pinunno ni Jesu-Cristo.

Biagco ket anian a nagladingit
No ti Mannubbot awan caniac;
Ket iti tengnga ti kinasipnget
Agmaymaysaac a lumasat!
No agbiagac nga awan Mannubbot
Ania ngata ti gun-odecto?
Awan namnama daytoy cararuac–
Agnanayon a madusanto.

Ken Jesus naan-anay ti rag-o–
Ti malmalday liwliwaenna;
Ti managbasol pacawanenna;
Nasugatan paimbagenna.
No ni Cristo la ti adda caniac
Uray pay awan ti sanicuac;
Adda kinawadwad kenni Jesus,
Ket Kencuana sipepennecac.

tune→ (English 49)
]]> 20130929T055042Z 20130929T055042Z 013. Who Is He The King of Kings?

Sinnot’ Ari ti amin
A mangted ti namnama?
Iti ipapatayna
Cararuam inispalna.
Ti mayat agtaengda
’Diay langit a cadduana.

Sinno ti agmulmula,
Dita pusom itatta,
Ti sibibiag a sao
A mangted ti biag kenca?
No Isu ti agari,
Cucuamto ti balligi.

Sinnot’ Ari ’ti tao
Nga inwacsi ti lubong?
Ti silaw ken namnama
Itedna a canayon.
Talna ken pagarianna
Ket iyas-asidegna.

Ni Jesus ngad ti Ari,
Isu awatem ita;
Ti pusom ti tronona,
Ket iturayannaca
Tapno ’ti pagarianna
Ket macapagtaengca.

tune→ (English 55)
]]> 20130929T055041Z 20130929T055041Z 014. There Is a Kingdom

Adda pagarian, a saanto a lumbes,
Ti kinalinteg, ti rag-o ken talna;
Ti kinaimnasna dinto manasanas–
Daytoy a pagarian asideg kenca.

     Daydiay agar-ari bendicionannaca;
     Kencuana agtulnog, agdaydayawca.

Adda Ari iti daytoy a pagarian;
’Ta pusom cayatna a pagturayan;
Isu maicari ken napno ti sirib.
Ti pannacabalin innaca iccan.

Ita, ti Ari agsapsapul ti trono
Tapno inna punnoen ti paraburna;
Dayta pusom ket isu daytoy a trono–
Ipangagmo ngarud ti ararawna.

tune→ (English 51)
]]> 20130929T055040Z 20130929T055040Z 015. Sow the Word

Sao ni Jesus pudno, nasantoan–
Casla ti bin-i ket imulam;
Isalaysaymo damagna caniac
Tapno agbiag ngad daytoy cararuac.

     O imulam ti saona–
     Macaited biag itoy cararua.

O siaanusca nga agmula
Ti napateg a sasaona;
Ibagam caniac damag ni Jesus,
Ket agbalinac nga anac ti Dios.

Ti Evangelio inca iwarnac
Tapno mawaya-wayaanac;
Innac ngad pilien ni Jesu-Cristo
Tapno agari itoy a puso.

tune→ (English 62)
]]> 20130929T055039Z 20130929T055039Z 016. God’s Salvation

Ti Dios canayon nga isalacanna
Ti tao manipud iti basolna;
Awan sabali nga idiaydiayana:
Ti biag ni Jesus ket makita kenca.

     Ti panangisalacan ti Dios,
     Ket agtaeng kenca ni Jesus;
     Ti Apo ipaduyacyacmo
     Babaen iti saom ken ’ti biagmo.

Ipagpagarup dagiti dadduma
No nasingpetda, langit maragpatda,
Ngem ti biag a di binaliwan ti Dios
Dinto makipagtaeng kenni Jesus.

Gayyem, no dayta pusom ket napudno,
Aramidem ngad nga Apom ni Cristo;
Di agbuteng awitem ti naganna–
Pigsa itdenna no agpasaclawca.

tune→ (English 35)
]]> 20130929T055038Z 20130929T055038Z 017. Follow Me

“Sumurotca Caniac,”
Awis ni Jesus caniac,
“Kibinen ken idalanca–
Agbalin nga ama kenca
No la ket surotennac.”

“Sumurotca Caniac;
Magun-odmot’ inanac.
Pannacapnec, kinabacnang
Itedco a di makedngan
No la ket surotennac.”

“Sumurotca Caniac,
Ket coma ipangagnac;
Ti immulam ket apitem,
Anianto ngad ti awatem?
Anacco, surotennac.”

Sumurotac Kenca–
Casano nga idianca?
Sinapul ken sinubbotnac,
Ken siac ti inca inawat;
O Jesus, surotenca.

tune→ (English 84)
]]> 20130929T055037Z 20130929T055037Z 018. Yesterday, Today, Forever

O, nagsam-iten ti damag ti Evangelio:
Ni Jesus di agbalbaliw uray caano;
Dagiti managbasol ket ay-ayatenna;
Dagiti lumlumdaang ket liwliwaenna!

     Ti amin agbalbaliw malacsid ti Apo;
     Idi calman, ita, agnanayon ni Cristo.

Ti Gayyem ti managbasol sapulennaca–
Umasidegca Kencuana, agdaydayawca;
Dinacanto ocomen, basolmo panawam;
Awatem idiaydiayana a pammacawan.

Ti nagna idiay baybay bayat agbagbagio,
Mamagtalna cadagiti puspusotayo;
Ti nagcararag a nasged ’diay Minuyongan,
Makipagricna cadatay a marigatan.

tune→ (English 16)
]]> 20130929T055036Z 20130929T055036Z 019. Abundant Life

Nagadu dagiti malmalday
Gapu ’ti basol a naruay;
Ti agpasaclaw kenni Cristo
Ket lac-amenna ti rag-o.

     Agnanayon a biag–
     Ni Jesus ti paggapuanna;
     Wen, nawadwad a biag–
     Magun-od laeng Kencuana.

Apay nga inca agbacbaclay
Liday ken pannacapaay?
Dayta pusom luc’tam Kencuana,
Ket ti biag itdenna kenca.

Ragragsac ti basol panawam;
Ti dalanna ket pagnaam.
Iti Puon ti biag mapanca,
Ket agservica Kencuana.

tune→ (English 48)
]]> 20130929T055035Z 20130929T055035Z 020. Come, Follow Me

Ti Mannubbot umaw-awag,
“Umayca, surotennac–
Gapu kenca nagibtorac
Ken intedco daytoy biag.
Ammoc nacapuy ti lasag,
Susuot innac linasat–
Iti nam-ay wenno rigat,
Umayca, surotennac.”

“Iti basol dalusanca–
Umayca, surotennac;
Iti dakes luc-atanca–
Umayca, surotennac.
Siac ngad ti inca pagtalcan;
Ti naglabas ket lipatam–
Punasec dagiti luluam;
Umayca, surotennac.”

“Ti amin a pagdanagam
Ket itaclinmo Caniac;
Pacadagsenam awitec–
Umayca, surotennac.
Ket iti amin a biagmo
Siac ngad ti Dios ken Bagnosmo,
Ket magun-odmo ti rag-o–
Umayca, surotennac.”

tune→ (English 82)
]]> 20130929T055034Z 20130929T055034Z 021. Jesus is Passing This Way

Adda cad maysa a puso
Pammacawan cayatna?
Inca timuden ti damag–
Adtoy ni Jesus ita.

     Lumablabas ni Jesus
     Ditoy ita;
     Lumablabas ni Jesus,
     Lumablabas itatta.

Adda cad maysa a puso
A napnoan ti dadagsen?
Ni Jesus umar-araraw–
Isu inca awaten.

Adda cad maysa a puso
Cayatna ti inana?
Agsadagca kenni Jesus–
Sagrapem ti liwliwa.

Umayca iti Mannubbot–
Nanamem ti ayatna;
Umasidegca ’ti ruangan
Agturong ’diay taengna.

tune→ (English 86)
]]> 20130929T055033Z 20130929T055033Z 022. Jesus Alone Can Save Me

Sadinot’ pagcamangac
No adda ti bagio,
Ken ti pacasaracac
Ti talna a pudno?

     Ni Jesu-Cristo laeng:
     Manangisalacanco,
     Natibker a camangco,
     Ken talnac a pudno.

Nangngegco ti awagna,
“O Caniac umayca
Tapno iti ayatco
Ket aginanaca.”

Macapadagsen caniac
Ti aw-awit ti biag;
Nasam-it ti cunana,
“Itaclinmo Caniac.”

Agtuloyac a magna
Cacuyog ni Jesus
Inggat macadanonac
Iti taeng ti Dios.

tune→ (English 153)
]]> 20130929T055032Z 20130929T055032Z 023. Do Not Fear To Follow Jesus

Saancayo nga agamac
A sumurot ken Cristo,
Ta Isu ti mangidalan
Iti amin a biagyo.

     Saancayo nga agamac
     A sumurot ken Cristo,
     Ta inton malpas ti lumba,
     Gongona masagrapyo.

Saancayo a mabannog
Nga agawit ti cruzyo;
Uray nabara ti suot,
Pagballigiennacayto.

Saancayo nga agsanud;
Sumurotcay Kencuana.
Ti makicaddua ken Jesus,
Magun-odna ti gloria.

Agtaray a siaanus
Tapno magun-odanyo
Balangat a di agrupsa
Nga itedto ni Cristo.

tune→ (English 80)
]]> 20130929T055031Z 20130929T055031Z 024. Have You Any Room for Jesus?

Adda ngata ti pagyanan
Ni Jesus dita biagmo?
Umaw-awag, mangnamnama–
Pastrekem cad ti Apo?
Ti managayat nga Ari
Adda cad pagyananna?
Ipangagmo ti timecna
Ket pastrekem itatta.

Adda lugar iti pusom
Dagiti aramidmo
Ngem awan la ti pagyanan
A maypaay ken Cristo.
Isu naylansa iti cruz
Tapno maysalacanca;
Pastrekem cad dita pusom
Ti natay gapu kenca?

Adda ngata tiempom ita
Nga agpaay ken Jesus,
Bayat umaw-awag kenca
A siaasi ti Dios?
Ni Jesus awatem coma;
Tungpalem ti saona.
Pusom lucatam Kencuana
Tapno sumrec itatta.

tune→ (English 139)
]]> 20130929T055030Z 20130929T055030Z 025. Give Me Jesus

Cuam laeng daytoy a lubong–
Ni Jesus ti cayatco;
Ti lubong manangallilaw,
Ngem ni Cristo napudno.
Nagsam-it a panunoten
Nasudi nga ayatna
Ta daytoy dinto agcupas
Iti awan inggana!

Cuam laeng daytoy a lubong–
Ni Jesus ti cayatco;
Isu ti liwliwa caniac
Iti tengnga ti bagio.
Iti panagdalyasatco
Bayat adda pay toy biag,
Silawna ket agnanayon
Mangmangted lawag caniac.

Cuam laeng daytoy a lubong–
Ni Jesus ti cayatco;
Iti cruzna ti namnamac
Ken ti idaydayawco.
Ket agtulnogac Kencuana
Inggat innac makita
A rupan-rupa ni Cristo
Iti kinadayagna.

tune→ (English 146)
]]> 20130929T055029Z 20130929T055029Z 026. Jesus With You

No cayatmo a cacuyog
Ni Jesus iti biagmo,
Masapul ipasaclawmo
’Ta pusom kenni Cristo.

     Timudem ti Apo
     Ta aw-awagannaca,
     Surotem ni Jesus
     Bayat biag adda kenca.

Lucatam ita ’ta pusom;
Awatem ti saona;
Lucatannanto ti langit
A maipaay kenca.

No irikepmo ’ta pusom,
Supringem ti saona,
Masaracamto ti langit
A siririkep kenca.

Awatem ita ni Cristo,
Ket pacawanennaca;
Agpasaclawca Kencuana
Ket maay-ayo kenca.

tune→ (English 157)
]]> 20130929T055028Z 20130929T055028Z 027. Oh, the Love That Sought Me

Iti asi, ni Jesus,
Ket sinapsapulnac;
Iti uneg ti arban,
Isut’ nangyeg caniac;
Dagiti anghel nagragsac
Idi a nasaracannac.

     O, anian nga ayat
     A nangsapul caniac!
     O, naindaclan a parabur,
     Iti arban, ket inturongnac!

Darana imbucbocna
Idi nailansa–
Daytoy ti pammanecnec
Ti panagayatna.
Aniat’ nakitana caniac
Nga inibtorna ti rigat?

Ti horas aglablabas,
Addan ti inana;
Ket innac ur-urayen
Baro nga agsapa,
Inton siac ket awaganna
Nga agtaeng ’ti dennana.

tune→ (English 23)
]]> 20130929T055027Z 20130929T055027Z 028. I Hear Him Call

Ti tarigagay toy puso,
Sumurotac iti Apo.
Ti awagna mangmangngegac;
Siraragsac, agtulnogac.

     Awag ti Dios mangmangngegac,
     Ket dalanco paglicudac;
     Magnaac iti dalanna,
     Ket sumurotac Kencuana.

Uray lubong uyawennac,
Ni Jesus liwliwaennac;
Ket badangannac a magna
Inggat innac aginana.

Babaen iti datonna,
Naaddaanac namnama.
Ti tarigagay toy puso:
Idaton toy biag ken Cristo.

Nupay amin busorendac,
Iti Dios sitatalgedac;
Mapagtalcan ti saona–
Adda balligi Kencuana.

tune→ (English 77)
]]> 20130929T055026Z 20130929T055026Z 029. God In Tender Love

Ti Dios imbaonna ti Anacna
Tapno subbotennaca;
Ni Jesus awatem dita pusom–
Wayawayaannaca.

     Siaanus unay ni Jesus,
     Agpadpadaan kenca;
     Sigagagar unay a mangtagicua
     ’Ti biag ken pusom ita.

Itedna kenca biag ken namnama
A saan nga agrupsa;
Awan ti maallilaw Kencuana
Ta pudno ti carina.

Dica recpan ti pusom ken Jesus
A natay gapu kenca;
Inna imparucpoc ti darana
Tapno subbotennaca.

Makicappiaca ngarud ken Jesus–
Nagtuoc gapu kenca;
Isu awatem ket magun-odmo
Ti talna ken ragsacna.

tune→ (English 134)
]]> 20130929T055025Z 20130929T055025Z 030. Satisfied

Idi pay nga agsapsapul
Toy mawaw a cararuac
Ti danum a mangted bang-ar
Ken pannacapnec caniac.

     O, nasaracac ni Cristo,
     Toy pusoc pinennecna!
     Isu ti nangsubbot caniac
     Babaen ’ti darana.

Ditoy lubong pinadasco
Ti amin a banbanag,
Ngem awan ti nacapennec
’Ti mawaw a cararuac.

Napanglawac, sinapulco,
Sanicua ditoy daga,
Ngem amin a naurnongco
Ladingit ti intedda.

Ubbog ti danum a nabiag,
Tinapay ti cararuac,
Ken gameng a di agrupsa–
Castoy ni Jesus caniac.

tune→ (English 45)
]]> 20130929T055024Z 20130929T055024Z 031. Is There No One To Help Us?

Adda agalla-alla
Iti casipngetan,
Ti lawag ken liwliwa
Tartarigagayan;
Iti pannacapaay
Awan ti liwliwa–
Castat’ awanan Cristo,
Awan Mangliwliwa.

Awan cad tumultulong
Ken mangan-antabay?
Awan makipagricna
’Ti biag a naliday?
No puso nasugatan
Gapu ’ti dangadang,
Adda cad pagcamangan,
Adda cad asitgan?

Adda ngad agur-uray
Kenca, mangsaranay
Cadagiti awitmo
Ken amin a liday;
Maysa a mapagtalcan,
Mapangnamnamaan
A cas cabsat ken gayyem,
Inca pagcamangan.

Apay dica talawan
Ti sipnget ken let-ang?
Apay ti ladingitmo
Ket dica panawan?
Ti Silaw ket surotem,
Ur-urayennaca;
Isu ket sigagagar
A mangsacruy kenca.

tune→ (English 68)
]]> 20130929T055023Z 20130929T055023Z 032. Distant Land of Famine

Tawidco dinadaelco,
Nadagsen ti basolco;
Nagpait a panunoten
Daytoy kinapanglawco!
Napaay, awan namnamac,
Gapuna agsubliac,
A cas maysa nga adipen,
Iti balay ni Amac.

     Basolco a di mabilang
     Amin pinacawannan;
     Anacnac a nayaw-awan
     Nga inna kinaasian.

Uray nagadayoac pay,
Ni Amac sinabatnac;
Inawat, pinacawannac
Uray managbasolac.
Innac kinuna Kencuana,
“Dakes ti panagbiagco
Saanac a maicarin
A managan anacmo.”

Saanna nga incancano
Basbasolco Kencuana;
Siraragsac, inawatnac
Iti pagtaenganna.
Kinabacnang iniccannac,
Ket kinawesannac pay
Ken nanganac a cadduana–
Ti rag-oc dackel unay.

tune→ (English 117)
]]> 20130929T055022Z 20130929T055022Z 033. Nothing Matters But Salvation

Ti Dios aw-awisennaca
Iti biag a nadiosan;
Umasideg ket awatem
Ti pannacaysalacan.

     Awan ti napatpateg pay
     Ngem pannacaysalacan,
     Ita ken ’ti mapasungad,
     Ken uray caanoman.

Denggem dagiti mammadto
’Ti panamagbagada;
Bayat asideg pay ti Dios,
Kencuana umawagca.

Dawatem ti pammacawan
Ket daytoy maawatmo;
Ken Cristo awan pannusa–
Isu la ti camangmo.

Ti Dios aw-awisennaca;
Umasidegca ita.
Ti cawes ti kinalinteg
Ket ipaayna kenca.

tune→ (English 37)
]]> 20130929T055021Z 20130929T055021Z 034. He’s the One

Adda aya ti tumulong
No marigrigatantay
Ken no ti pusotay ket nasugatan?
Ket sinno ti mangipaay
Iti casapulantay
Maygapu iti ayatna cadatay?

     Wen adda, ni Jesus–
     Awan ti maipadis ken Jesus!
     No adda marigatan
     Wenno madagsenan,
     Sidadaan a tumulong ni Jesus.

Adda aya ti tumulong
Ken mangited ti talna
Iti managbasol a sililiday?
Sinno ti mangiparucpoc,
Napateg a darana
Tapno mapunas dagiti basoltay?

Adda aya ti tumulong
Ken mangsacruy cadatay
Intono sumangotay kenni patay?
Sinnot’ manglawag cadatay,
Mangpucaw ’ti butengtay
Inggana ’diay langit ket macagtengtay?

tune→ (English 47)
]]> 20130929T055020Z 20130929T055020Z 035. Hear the Voice of Jesus

Ni Jesus ket umaw-awag,
Imdengam coma;
Isu natay ’diay Calvaryo
Agpaay kenca.

     Denggem, denggem,
     Timec ni Cristo;
     Ipasaclawmo Kencuana,
     Pusom ken biagmo.

Ubbog ti ragsac ti lubong
Ti imminumam,
Ngem ti rigat ken ladingit
Inca linac-am.

Ni Jesus a mapagtalcan
Supringem aya?
Isu ti pudno a gayyem–
Saluadannaca.

Agpasaclawca ken Jesus
Basol panawam;
Isut’ agtaeng ’ti biagmo
Ken mangidalan.

tune→ (English 127)
]]> 20130929T055019Z 20130929T055019Z 036. My Heart Was Sad

Naladingitac idi,
Awan ti inanac;
Nagnaac iti sipnget,
Nagalla-allaac;
Adipennac ti basol,
Awan wayawayac;
Sinapulco ti Apo
Ket linuc-atannac.

     Ragsacco nagdanunan
     Ta dimteng ti Apo;
     Basolco pinunasna,
     Talna nagun-odco.

Biniruccot’ gamgameng
Agraman ragragsac,
Ngem ti pannacapaay
Ti intedda caniac.
Awananac namnama
Ken rag-o iti biag
Ta ladingit ken rigat
Ti natda la caniac.

Kinasipnget limmanlan;
Awan ti namnamac
Idin, ni Jesus dimteng,
Timecna nangngegac.
Iti naalumamay,
Daytoy kinunana:
“Basolmo binaclayco
Tapno subbotenca.”

tune→ (English 107)
]]> 20130929T055018Z 20130929T055018Z 037. Jesus is Still the Same

Ni Jesus ’di ugma,
Isu met la ita,
Agnanayon;
Napanglaw, naemma,
Ken napacumbaba,
Imbaon ti Ama
Ditoy lubong.

“Agarica Cristo
Iti daytoy biagco–
Adtoy cucuam;
Tulongannac coma
Agpasaclaw Kenca,
Ket tungpalec ita
Pagayatam.”

Ti aldaw umayto
Ti buyot ni Cristo
Agtacderda
Iti sangoananna,
Ket icancantada
Ti panangsubbotna
Cadacuada.

tune→ (English 11)
]]> 20130929T055017Z 20130929T055017Z 038. Time Is Passing

Panawen ket lumablabas–
Daytoy apagcanito;
Gundawayam ti aldawmo
Ta sica manungpalto.
Ababa laeng daytoy biag,
Dinto agsubli manen;
Iti sanicua ti lubong,
Pigsam dimo rariten.

     Gumatangca ti balitoc
     Ken ti cawes a puraw;
     Parparmata, silalawag–
     Magnaca nga inaldaw.

Panawen napartac unay–
Awan ti macalapped;
Aniniwan mangpacdaar
Um-umayen ti sipnget.
Inca ngarud gundawayan
Tiempo nga adda kenca;
Sapulem pudno a gameng
A saan nga agrupsa.

Cayat ti Dios mayaspingca
Ken Jesus nga Anacna;
Isu dimo paldaangen
Ken lapdan aramidna.
Ni Jesus ti kinapudno–
Napno ti kinaemma,
Agsursuroca Kencuana;
Magun-odmot’ inana.

tune→ (English 103)
]]> 20130929T055016Z 20130929T055016Z 039. Have Thine Own Way

Matungpal, Dios, ti pagayatam–
’Toy biag, cas pitac dita imam;
Iti langam ket damiliennac–
Siuuray, situtulocac.

Pagayatam matungpal coma;
Sukimatennac O Dios, ita.
Dalusam cadi daytoy biagco
Bayat Kenca idatdatonco.

Matungpal, Dios, ti pagayatam–
Nabannogac ken nasugatan;
Pannacabalinmo pagtalcac–
Sagidennac ket umimbagac.

Pagayatam matungpal caniac;
Iti Espiritum punnoennac
Tapno maypanayag ni Cristo
Nga agnanaed ditoy biagco.

tune→ (English 58)
]]> 20130929T055015Z 20130929T055015Z 040. Life’s Short Day

Nagsam-iten a maammoan
Ti Naimbag a Damag!
Dayawec ni Jesu-Cristo
Gapu ta inayatnac.

     Inton aggibus daytoy biag,
     Ti Dios intay makita;
     ’Diay langit awan inggana
     Tipannakicadcaddua.

No dalanmo masipngetan,
Matmatam ti Calvaryo;
Ti Anac ti Dios nagtuoc
A gapu cadatayo.

Inca pay aya itantan
Ti panggep ti Dios kenca?
Ti biag ket ababa laeng,
Tungpalem ti cayatna.

No sumaclangtay iti Dios
Ket agwaywayastayo,
Mayparangarang cadatay
No siasinotayo.

tune→ (English 105)
]]> 20130929T055014Z 20130929T055014Z 041. The Pages Of Life

Bayat aldaw ket lumablabas,
Ket aggibgibus ti biagtayo;
Denggentay dagiti balbalacad
Ti Manangisalacantayo.

     No ammotay la ti tungpal ti biag,
     Surotentay ti pagayatanna,
     Ket ditay umsien ti gongona
     Nga isagsaganana.

Tunggal addangtay mang’yasideg
’Ti ungto ti panagpagpagna:
Daytoy ket palagip cadatayo
’Diay bangir a biag ti turongna.

Adu ti biag a mapucpucaw
Iti ginget ti panagduadua;
Ti nanumo a dalan ti Apo
Um-umsien ken liclicudanda.

Umas-asideg ngad ti aldaw,
Ti Ari intayo makita;
Adda iti imana ti setro–
Awatenna ti pinilina.

tune→ (English 106)
]]> 20130929T055013Z 20130929T055013Z 042. Come Unto Me

“O umayca,” ti awis ni Jesus,
“Itdec ti rag-o a di mabubos,
Uray pay no madagdagsenanca,
Umayca tapno aginanaca.”

     “O umayca caniac ita,
     Umayca ket itdec ti biag kenca,
     Agraman talna ken ti inana.”

O cararua nga agsagsagaba
Ti Mannubbot ay-ayabannaca–
Ti panagduaduam ket waknitanna:
“Umayca ket talna itdec kenca.”

Biag, inana ken pudno a talna
A laclac-amentayo itatta,
Ket mangiladladawan ti rag-o
Nga idiay langit masagraptayto.

tune→ (English 59)
]]> 20130929T055012Z 20130929T055012Z 043. There Is Rest

Timec ti Pastor umaw-awag kenca;
Ti gameng idiaydiayana.
Apay agalla-allaca ’ti basol?
Iti arban adda inana.

     Inana ken talna:
     Masaracan iti arbanna.

Dagiti ragsac ti basol agcupas;
Mabiit a mapucawda.
Gamgameng sadi langit di agrupsa;
Umasidegca ’ti arbanna.

Timec ti Pastor umaw-awag manen,
Di masapul agbisinca
Ta adda nawadwad a saganana;
Sumrecca ngad iti arbanna.

tune→ (English 116)
]]> 20130929T055011Z 20130929T055011Z 044. Jesus Trod the Pathway

Nagnaan ni Jesus ti nalinteg a dalan;
Surotentay ti imbatina nga ulidan.
Agibangbangontay iti rabaw ti Bato
No Kencuana ket agtulnogtayo.

     O iti pagayatam sumurotac, Apo;
     Inaldaw ipasaclawco Kenca toy biagco.
     Gapu ta macaanay caniac ti paraburmo,
     Pagservianca iti cabaelac.

Indaton ni Jesus ti napateg a biagna,
Inwacsina ti bain, cruz inibtoranna,
Nakicaddua iti Dios, lubong binay-anna,
Ket inay-ayona ti Amana.

Ditay coma maisin iti pannagnatay
Nupay ti lubong inaldaw nga umsiennatay.
No mapagtalcantayo, ken Jesus mangngegtay,
“Caimbaganyo incay impaay.”

tune→ (English 363)
]]> 20130929T055010Z 20130929T055010Z 045. The Tender Shepherd’s Voice

Ti timec ti Pastor
Ti nangtignay caniac;
Basol ken kinadakesco,
Ita, paglicudac.

     O, awatennac;
     Apo, umayac;
     Biag, parabur, ayatmo,
     Maypanayag caniac.

Ti amin a biagco
Ipaspasaclawco;
Ti tarigagay toy pusoc:
Inana a pudno.

Pastor a naayat
Cadduaannac ita,
Ket iti dakes a lubong
Saluadannac coma.

Nanipud ’ti sipnget
Ket inayabannac;
Biagna cucuac ket cucuanac,
Ket sitatalgedac.

tune→ (English 145)
]]> 20130929T055009Z 20130929T055009Z 046. The Saviour With Me

Masapulco ti Mannubbot–
Diac macapagmaymaysa;
Masapulcot’ caaddana
Ken panangliwliwana.

     Saanac nga agbuteng
     Ta Isut’ mangidalan,
     Ket sumurotac Kencuana
     Ingganat panungpalan.

Masapulco ti Mannubbot–
Bassitanac pammati;
Saona macaliwliwa
Ket awanen sabali.

Masapulco ti Mannubbot
Iti panaglasatco,
Iti linac wenno bagio
A dumteng iti biagco.

Masapulco ti Mannubbot
A mangiturong caniac
Ingganat macadanonac
Iti paginanaac.

tune→ (English 85)
]]> 20130929T055008Z 20130929T055008Z 047. Out Of Christ

No awan kenca ni Cristo,
Awan Mannubbotmo,
Ket awan ti mangidalan
Cadagiti addangmo.

     No awan kenca ni Cristo,
     Biagmo nacaay-ay-ay;
     O maituredmo aya
     Ti sumango ken patay?

No awan kenca ni Cristo,
Nagsipnget ti dalan;
Awan namnama ken silaw
Mangsilnag ’ti pagnaam.

Panagdalyasat nasipnget
No awan ni Cristo;
Isut’ inca pagcamangan
Iti tiempo ti bagio.

Umasidegca ken Cristo
Ket pusom itedmo,
Sacbay ibagana kenca,
“Sica ket umadayu.”

tune→ (English 137)
]]> 20130929T055007Z 20130929T055007Z 048. Passing Onwards

Nagpartaken a lumabas
Ti biag nga adda kenca!
Saludsudem ti bucodmo,
No agturongca aya
Iti pagtaengan ti Dios
Nga ayan ti inana?

Nagpartaken a lumabas
Dagiti al-aldawmo!
Nagsam-it a panunoten
Adda sumagmamano
Nga agturturong ’diay langit–
Dalanda ket ni Cristo!

Nagpartaken a lumabas
Tawtawenmo ken pigsa!
Nagadu ti mapucpucaw
Gapu ta naliwayda;
Dida ipangag ti Apo,
Darana payatenda.

Nagpartaken a maturpos
Daytoy panagpagpagna!
Ket intay pay la mangmangngeg
Naayat nga awisna,
“Umaycay ket awatenyo
Ti balligi ken talna.”

tune→ (English 100)
]]> 20130929T055006Z 20130929T055006Z 049. Passing By

Naalumamay a timec
Cunana, “Agriingca;”
Ti mangisalacan kenca
Ket lumablabas ita.

     O umasidegca–
     Ni Jesus ket lumablabas;
     Nalabit maudin daytoy
     Nga inna ilalabas.

Isu agpacpacaasi,
“Basol inca panawan.”
Ragragsac daytoy a lubong,
Ket macapaleddaang.

Cadagiti agpasaclaw,
Talna ket ipaayna;
Di mabubos nga ayatna
Ti mangantabay kenca.

Di mapagtalcan ti tao,
Ngem ni Cristo napudno;
Gundawayam ti aldawmo–
Sumurotca ken Cristo.

tune→ (English 162)
]]> 20130929T055005Z 20130929T055005Z 050. We Are Building

Iti rigat ken ragsac, mangbangbangontay–
Saan a makita a templo,
Ket ammotayo a mataginayon daytoy
No ibangontay iti bato.

     Mangibangbangontayo
     Iti tunggal canito,
     Ti nasantoan a templotayo;
     Tunggal balligitayo
     Babaen kenni Cristo,
     Maisangal itoy a templo.

Tunggal aramidtay ’ti nagan ni Cristo
Ket paset daytoy templotayo;
Gapu iti ayattayo iti sabali,
Ti Dios gongonaannatayo.

Agmasiribtay iti panangibangon
Iti daytoy a templotayo–
Di coma iti cadaratan a mayanud,
Ngem iti nalagda a bato.

tune→ (English 128)
]]> 20130929T055004Z 20130929T055004Z 051. When The Saviour Calls

Inton awagannatay ni Cristo
Datay aya ket nacasagana?
Mangngegtay ngata ti saona,
“Iti inana ket sumrecca?”

Mangbangbangontay aya ti balay
’Ti rabaw ti nalagda a bato?
Di marba uray adda bagio
Ta nabangon daytoy ken Cristo.

Mangbangbangontay aya ti balay
Iti maisin a cadaratan?
Pannacarba ti tungpalnanto,
Ladingit ti intay malac-am!

Mangibangontay ngarud ken Cristo–
Isu laeng ti Pangulotayo;
Uray no mauy-uyawtayo,
Surotentay latta ti Apo.

tune→ (English 129)
]]> 20130929T055003Z 20130929T055003Z 052. Be In Time

Ababa laeng ti biag
Cas bulong nga agtinnag;
Inca ngad agsalucag–
Darasem;
Lumabas ti aldawtay,
Dakes nga aldaw umay,
Ket patgem ti gundaway–
Darasem!

     Umayca, darasem
     Ta agay-ayab ni Jesus,
     Darasem!
     Dica agtactac coma
     Di la ket maladawca,
     Iti ruar mabatica,
     Darasem!

Sabsabong malaylayda;
Kinapintas ken pigsa,
Mabiit mapucawda–
Darasem!
Ti horas lumablabas,
Ni patay lumaslaslas,
Ken biag ngannganin malpas–
Darasem!

Denggem ti pacdaarna,
Piliem ni Cristo ita,
Agtulnogca Kencuana–
Darasem!
Kinasipnget panawam,
Lawagna pagnaedam,
Dalanna ti pagnaam–
Darasem!

tune→ (English 102)
]]> 20130929T055002Z 20130929T055002Z 053. Do Not Resist

Dica supringen ti Espiritu;
Inca ngad pilien ni Jesu-Cristo,
Ket lac-amem ti rag-o
Iti pagarian ti Dios.

     Dimo panggepen ti agbati iti ruar
     Iti pagarian ti Dios;

Dica agtactac, ngem agdarasca
Bayat ti biag ket adda pay kenca,
Di la ket mabatica
Iti ruar ti Pagarian.

Apay ipalubusmo ti biagmo
A mapucaw ken maiyadayu,
Ket masaracancanto
Iti ruar ti Pagarian?

Ipangagmo ita ti timecna;
Agpasaclawca ngarud Kencuana
Tapno sitatalgedca
Iti pagarian ti Dios.

tune→ (English 142)
]]> 20130929T055001Z 20130929T055001Z 054. God Will Bring

Ti Dios ocomennacanto
Inton malpas ti biagmo;
Inca timuden ken patien
Sao ni Jesu-Cristo.
Umasidegca Kencuana
Ta ur-urayennaca;
Basolmo pacawanenna
No la ket mamatica.

Ti Dios ocomennacanto
Inton malpas ti biagmo;
Nagpartac ti ilalabas
Dagiti al-aldawmo.
Dimo rariten ti tiempo,
Timec ni Jesus denggem;
Addaancat’ pagcamangan
No ti Apo ti piliem.

Ti Dios ocomennacanto;
Dimonto maliclican
Ti isasangom Kencuana–
Isu a naglicudam.
No agtuloyca ’ti basol,
Mapucaw ti cararuam;
Ti ruangan ti asi ti Dios,
Silulucat– sumreccan.

tune→ (English 135)
]]> 20130929T055000Z 20130929T055000Z 055. Teach Me How To Choose

Jesus, isuronac cadi
Nga agpili a naannad,
Ta adda ti pagtungpalan
Tunggal pili itoy a biag.
Bayat ti kinaubingmo
Nagadu ti kapadasam,
Gapu itoy tulongannac
Agpili nainsiriban.

     Jesus, isuronac cadi
     Tapno agpiliac ita
     A cas iti panagpilic
     Inton biagco ket mamingga.

Isuronac nga agpili
Agsipud ta ubingac pay,
Ket addaac ditoy lubong–
Napnot’ palimed ken liday.
Naylubongan a pagwadan
Ken ragragsac ditoy daga,
Naglicudam amin ida–
Agbalinac a cas Kenca.

Isuronac nga agpili
Agsipud ta maawatam
Pannacasuot iti biag
Ken ti pannakidangadang.
Uray diac pay maawatan,
Ammoc innacto maammoan
No apay nga inturongnac
Iti akikid a dalan.

tune→ (English 130)
]]> 20130929T054959Z 20130929T054959Z 056. Jesus Calls Me

Ni Jesus ket umaw-awag–
Kencuana sumurotac;
Saan coma a malapdan
Gagar daytoy cararuac.

     Panangumsi ket ibtorac
     Gapu ken Jesu-Cristo;
     Isu ket umaw-awag pay–
     Sumurotac a pudno.

Ni Jesus ket umaw-awag–
Imdengac ti timecna.
Pagrag-oenna daytoy pusoc;
Butengco pacsiatenna.

Ni Jesus ket umaw-awag–
Makipagsagabaac
Cadagiti tutuocna
Bayat biag adda caniac.

Isu umaw-awag kenca,
Tumacder, sumurotca;
Dayta ngarud pagsilawam
Ket parayrayem coma.

tune→ (English 131)
]]> 20130929T054958Z 20130929T054958Z 057. Only One Life to Live

Maymaysa laeng daytoy biagco–
Iti mabiit mapucawto.
Agserviac ken Jesu-Cristo
Aggingganat tungpal toy biagco.

     Maymaysa ti biagco
     Ken Cristo ipaayco daytoy;
     Maymaysa ti biagco,
     Ket diac coma pucawen daytoy.

Daytoy ngarud biagco itatta
Aramatec iti naganna;
Rinibo ti magongonana,
Ket macaay-ayo Kencuana.

Maymaysa laeng daytoy biagco–
Ti anien maim-imatangac,
Gapuna makipaganiac
Uray bassit ti cabaelac.

tune→ (English 93)
]]> 20130929T054957Z 20130929T054957Z 058. Is There No Light

“Awan ngata ti silaw ditoy lubong,”
Ti unnoy ti maysa a cararua,
“Tapno ti pagnaac ket lawaganna?
Ta daytoy biag ket awanan talna.”

Ken Jesus ti silaw ket siraraniag;
Ti cunana kenca, “Siac ti Dalan.”
O cararua agtalecca Kencuana
Agsipud ta dinaca baybay-an.

Bayat adda pay Silaw ti biag kenca,
Surotem ti panangidalanna;
Di agtactac di la ket maudica–
Nagladingiten no mabatica!

tune→ (English 36)
]]> 20130929T054956Z 20130929T054956Z 059. Oh, What Shall It Profit?

Maminsantay la nga agbiag
Ditoy rabaw ti daga;
Di mabayag ket malpasto
Daytoy panagpagpagna.

     Ania ti gongona
     Uray matagicuatay
     Ti kinabacnang ken ragsac
     No mapucaw ti biagtay?

Ti dayag ken kinaimnas
Dagiti bibiagtayo
Ket cas sabong nga agcupas–
Malaylay, mapucawto.

No cadagiti basolmo
Ket madagdagsenanca,
Agpasaclawca ken Jesus
Ket isalacannaca.

Ti panagservi ken Cristo
Piliem coma itatta;
No Isut’ agari kenca
Ket maisalacanca.

tune→ (English 99)
]]> 20130929T054955Z 20130929T054955Z 060. Close Thy Heart No More

O dica recpan ’ta pusom–
Basol panawam;
Ragsac ti lubong adaywam–
Pusom lucatam.

     Bayat biag adda pay kenca,
     Ti Dios ur-urayennaca,
     Umasidegca Kencuana–
     Dica agtactac.

Ti Mannubbot umaw-awag,
Inca imdengan;
Ararawna ipategmo–
Pusom lucatam.

Ti awis ti Evangelio
Dimo baybay-an
Tapno maisalacanca–
Pusom lucatam.

Iti nadiosan a rag-o,
Pusom lucatam,
Ken iti pudno a talna,
Pusom lucatam.

tune→ (English 141)
]]> 20130929T054954Z 20130929T054954Z 061. The Saviour Is Calling

Aw-awagannaca; Isu ket imdengam.
Adayuca iti pangenna,
Ket magmagnaca iti dalan ni patay–
Pusom awanan namnama.

     Ti Mannubbot umaw-awag,
     Ket agpadpadaan kenca;
     Gapu ’ti ayat, biagna intedna
     Tapno isalacannaca.

Napnoan peggad ti dalan a pagpagnaam,
Ket dita awan pagcamangam;
Ti Apo ti denggem ket inca agtuloc
’Ti inna panangidalan.

Wacnitennat’ sipnget a nanglacub kenca
Tapno biagmo ket malawagan;
Dagiti basbasolmo pacawanenna,
Ket ti ayatna maammoam.

Ti cararuam ket inna paginanaen–
Ilalaem ti gundawaymo;
Agturongca ’ti agnanayon a dusa
No awan kenca ni Cristo.

tune→ (English 121)
]]> 20130929T054953Z 20130929T054953Z 062. For You and For Me

Naalumamay ti awag ni Jesus
Caniac casta met kenca.
Isu ket agbanbantay iti ruangan;
Datay ur-urayenna.

     “O umaycan,
     Sica a nabannogan;”
     Ni Jesus ket innaca ay-ayaban,
     “Umayca, agawidcan!”

Apay pagur-urayentay ni Jesus–
Isu gumawgawawa?
Apay di icancano ti asina
Caniac casta met kenca?

Horas ken canito lumablabasen,
Kenca casta met caniac,
Ket ti kinasipnget agsacsacnapen,
Kenca casta met caniac.

O, anian a naindaclan nga ayat
Cadatay incarina!
Uray pay sipupunnotay ti basol,
Adda pammacawanna.

tune→ (English 113)
]]> 20130929T054952Z 20130929T054952Z 063. Why Not?

No maminsan otobem–
Ti Dios ket alaenna
Ti maymaysa a biagmo
Nga impabulodna.

     Apay, dimo
     Ited ti biagmo Kencuana?
     Umayca ket awatem ti Dios;
     Agbalinca a cucuana.

Masansan a panggepem
Ti agservi Kencuana
Ngem dagiti ragragsac
Caycayawandaca.

Ti tarigagay ti Dios
Ket isalacannaca;
Agservica Kencuana,
Ket pabilgennaca.

Saanca nga agtactac
Nga agservi Kencuana;
Pammacawan ken talna
Ket itedna kenca.

tune→ (English 133)
]]> 20130929T054951Z 20130929T054951Z 064. Why Should I Walk?

Apay nga innac pagnaan
Ti dalan ti casipngetan
Sadiay ti talna ket awan?
Ni Jesus la ti Dalan.

     Nacayawan daytoy pusoc
     Ti kinapudno ngad ti Dios;
     Idiay langit, ditoy daga
     Awan ti cas ken Jesus.

Ti kinasirib ti tao
Mang’yeg ti pannacariro;
Naragsac ti macaammo
A ni Jesus ti Pudno.

No siac awan cabaelac
A basol mapagballigiac;
Ti la pudno a namnamac
Ket awatec ni Cristo.

Uray basol lacubennac,
Ken Jesus mangnamnamaac;
Isu nasudi, nadayag,
Gayyem ti managbasol.

tune→ (English 72)
]]> 20130929T054950Z 20130929T054950Z 065. Jesus My Saviour King

O Jesus nga Aric,
Siac ket cucuam;
Sica la ti captac,
Siac ket cucuam.
Dayaw a nataoan,
Biag a naylubongan,
Innac paglicudan–
Siac ket cucuam.

Bay-ac ti sabali,
Siac ket cucuam;
Sica ti pagserviac,
Siac ket cucuam.
Ragsac ken sanicua,
Dagitoy mamingga,
Paglicudac ida–
Siac ket cucuam.

Pagayatam caniac
Anamungac;
Dagiti rigrigat
Ket anusac.
Pusoc tagicuaem,
Butengco iccatem;
’Ti tunggal panawen
Ket cucuanac.

tune→ (English 163)
]]> 20130929T054949Z 20130929T054949Z 066. Close to the Kingdom

Iti pagarian, asidegcan
Ngem addaca pay iti ruangan;
O agpasaclawca
Ken Jesus itatta;
Palintegennaca–
Agdarasca.

Iti pagarian, asidegcan
Ngem adda pay ti panagduaduam;
Daytoy piliem coma:
Agservi Kencuana,
Ket itan sumrecca
Iti ruangan.

Iti pagarian, asidegcan;
Sumrecca tapno maysalacan.
Awatem ni Cristo;
Idalannacanto,
Ket magun-odmonto
Ti gongona.

tune→ (English 168)
]]> 20130929T054948Z 20130929T054948Z 067. I Am Trusting Thee

O Jesus, sicsica laeng
Ti pagtaltalcac;
Ti panangisalacanmo,
Namnamac.

O Jesus, sicsica laeng
Ti pagtaltalcac
Tapno ti pammacawan mo,
Maragpat.

O Jesus, sicsica laeng
Mangan-antabay;
Ti casapulac itedmo
A naruay.

Sica laeng ti mangmangted
Umdas a pigsac;
Saom a mamagballigi,
Imdengac.

O Jesus, sicsica laeng
Ti pagtaltalcac;
Saannac cad a baybay-an,
Maabac.

tune→ (English 165)
]]> 20130929T054947Z 20130929T054947Z 068. A Hand Held Out

Adda ima a si’unnat
Iti asi ken ayat
Tapno datay kibinenna
Agingga iti Ama.

     Ima ni Jesu-Cristo,
     Si’unnat cadatayo;
     ’Ti tunggal capadasan,
     Imana mapagtalcan.

Bay-ac aya daytoy ima
Nga umaw-awis ita?
Paldaangec cad ti Apo
A nangsubbot toy biagco?

Cumuyogac ngad ken Cristo–
Manangisalacanco;
Isut’ gayyem ken bagnosco
Inggat tungpal toy biagco.

tune→ (English 90)
]]> 20130929T054946Z 20130929T054946Z 069. My Wayward Heart

Nagun-od ti Dios toy pusoc;
Ayat, panggepna naammoac
’Di imbaonna ni Cristo
Tapno agbiag gapu caniac.

     Ulidan impakitana
     Tapno panagbiag maammoac;
     Isu natay; sinubbotnac–
     Manipud ita cucuanac.

’Ti pannakipagsagaba
Iti rigrigat ni Jesus
Ket macaited ti talna
Ken rag-o a di mabubos.

Ditoy lubong, casapulac
Ti gayyem a mangidalan;
Ken Jesus ket sumurotac
Agingganat panungpalan.

tune→ (English 91)
]]> 20130929T054945Z 20130929T054945Z 070. I Have Made My Choice

Nalpasen ti panagpilic–
Ken Jesus sumurotac.
Diacto sumina Kencuana;
Ti saona pagtalcac.
Uray no agsagabaac,
Pagnaac ti dalanna;
Uray pay no maumsiac,
O Jesus, surotenca.

     Ni Jesus ti mangidalan
     Cadagiti addangco;
     No Isu ket awan caniac,
     Naliday daytoy biagco.

Uray innac sagabaen
Uy-uyaw ken rabrabac,
Uray sipnget ken ladingit
Ti manglacub ngad caniac,
Awan ti innac pagbutngan
Ta mannacabalinca.
No la ket no idalannac,
O Jesus, surotenca.

Uray agsipnget ti init,
Agkintayeg ti daga,
Ken napigsa ti cabusor,
Agtalecac la Kenca.
Uray pay no agballangan
Ti cruz iti dalanco,
Ken uray pay iti peggad,
Surotenca, O Apo.

tune→ (English 132)
]]> 20130929T054944Z 20130929T054944Z 071. Apart With Thee

Dios, iti nagan ni Jesus,
Naguurnongcami;
Iti sao ken cararag,
Tulongannacami.

     O Amami,
     Iti sacaanam,
     Siuuraycami Kenca;
     Iti naruay bendicionannacam.

O, Dios, anian a nagsam-it
Caaddam cadacam!
Iti puso ken panunot,
Kenca, agrucnoycam.

Dios, casapulanmi unay
Ti panangdalusmo
Iti capanunotanmi
Babaen ken Cristo.

O Dios, Kenca ipaaymi
Daton a sibibiag;
Cancanta ti panagyaman,
Inca cad ipangag.

tune→ (English 172)
]]> 20130929T054943Z 20130929T054943Z 072. In The Name Of Jesus

Adtoycam a naguurnong
Iti nagan ni Jesus;
Papigsaennacam cadi
Ti Espiritum, O Dios.

     Dios, liwliwaennacam;
     Isuronacam cadi,
     Agcararag a napasnec;
     Timecmo, imdenganmi.

No awanca cadacami,
Amin awan pategna;
Adda biag ken wayawaya
No cadacam addaca.

Agmaymaysacam ’ti puso
’Ti lubong simminacam,
Adtoycam iti sangoanam,
Ama, pabilgennacam.

No casano iti poon
Naicamang ti sanga,
Castoycam met, Apo, Kenca
Tapno incam agbunga.

tune→ (English 174)
]]> 20130929T054942Z 20130929T054942Z 073. Come Ye Yourselves Apart

“Pumacnicayo ket aginana;
Ammoc awanancayon ti pigsa.
Incay lipaten ti banbannogyo;
Caniac, mapabaro ti pigsayo.”

“Manipud lubong, pumacnicayo
Ket adda pannakicadcadduayo;
Cadduadac ken casta met ti Ama,
Pudno a dicayo agmaymaysa.”

“Saoen Caniac ti inaramidyo,
Ti namnama ken panagamacyo,
Panagballigi, pannacaabac,
Yantangay amin ket maawatac.”

“Manipud ’ti gimong a nasantoan,
Incay agbannog a naimpusoan.”
Di caylala ti panagsursuro
Ken panaginana iti Apo.

tune→ (English 175)
]]> 20130929T054941Z 20130929T054941Z 074. Thou Sweet Beloved

Dios, pagayatam nasam-it–
Pagtaengac, pagsanggirac;
Sumalsalinongac Kenca
Ket natalged toy cararuac.

Pagimbagac ti panggepmo.
Sicat’ mangibagnos caniac.
Ti talecco naan-anay.
Kenca ngarud sumurotac.

Nasam-it a pagayatam
Nangcayaw a pudno caniac;
Iti lugar ti parabur,
Nupay balud, naragsacac.

Ti sangolmo a nalag-an
Mangparegta itoy puso;
Ti panagturaymo, O Dios,
Ti wayawayac a pudno.

Nadaeg a pagayatam
Ita innac tagicuaen;
“Wen”, ti isungbatco Kenca–
Bilinmo innac tungpalen.

tune→ (English 263)
]]> 20130929T054940Z 20130929T054940Z 075. Fellowship

Iti gimongmi,
Makiaddaca
Ta masapulmi
Tulongmo, Ama.

Iti cararag,
Dawdawatenmi
Ti paraburmo,
Mangted pigsami.

’Ti pammanecnec,
Naggapu Kenca
Ipanayagmi,
Panggepmo, Ama.

Ti tunggal saom
Tinapay ti biag,
Pudno a daton–
Mangted biag caniac.

’Ti ipapanaw
Iti gimongmi,
Napudno Kenca–
Toy ti panggepmi.

Dagiti biagmi,
Tenglem cad, Ama,
Tapno sabali
Mayturong Kenca.

tune→ (English 178)
]]> 20130929T054939Z 20130929T054939Z 076. As We Gather

Apo, aguurnongcami,
Agparicnaca;
Espiritum itdem cadi
’Ti tunggal maysa.

     Apo, iti ulidanmo,
     Sumurotcami
     Ta daytoy ti mangiturong
     Iti balligi.

Iti panagcararagmi,
O denggennacam;
Iti pannakidangadang,
Pabilgennacam.

Ti butengmi iti tao
Iccatem, Apo,
Bayat agtungtungpalcami
Iti bilinmo.

Nupay cumapcapsutcami
Ket mataycamto,
Pabaroennacami, Apo,
A caaspingmo.

tune→ (English 179)
]]> 20130929T054938Z 20130929T054938Z 077. God Is Here

Adtoy ti Dios agtataeng
Cadagiti annacna;
Natay ni Jesus iti cruz
A gapu cadacuada.

     Innacam cadi saluadan
     Iti dalan ni Jesus,
     Ket iti ngad kinapudnom
     Kibinennacam, O Dios.

Adtoy ti Dios agsapsapul
No sinnot’ maybaonna;
Agpasaclawtay Kencuana
Tapno intay agbunga.

Adtoy ti Dios cadatayo,
Dinatayo paayen;
No ayatentay ti Dalan,
Innatay papigsaen.

Adtoy ti Dios no nasipnget
Ken mariribucantay;
Isut’ mangibin cadatay
Uray no mapaaytay.

tune→ (English 173)
]]> 20130929T054937Z 20130929T054937Z 078. O Help Us Lord

O Dios, tulongannacami
Iti panagcararagmi;
Ti cabusor ket napigsa–
Paraburmo masapulmi.

     Nacapsutcam unay, O Dios,
     Ngem ti dalanmo patgenmi; a a a
     Sica laeng ti pigsami
     Ken Sica ti namnamami.

Pannacaawat itedmo
Tapno maibabaetmi
Dagiti adda ’ti sipnget
Ket Kenca inda agsubli.

Puspusomi tagicuaem
Ket punnoem iti siribmo
Tapno iti panagbiagmi
Sica ti makitadanto.

Dita langit, ditoy daga
Awan ti pumadpad Kenca–
Manangngaasi, naayat,
Nasantoan ken napudnoca.

tune→ (English 202)
]]> 20130929T054936Z 20130929T054936Z 079. Lord We Love Thy Habitation

O Dios, ti ay-ayatenmi
Ket dayta pagnaedam;
Dita adda rag-omi, namnamami,
Ken dagiti cararuami
Ket matartaraonan
Bayat saom im-imutectecanmi.

Masansan a nagcurangcam
Nanipud nangrugicam
A magna iti nalinteg a Dalan;
Iti panawen ti suot,
Kenca, nagcararagcam
Tapno balligi incam magun-odan.

Palucnengem ti pusomi
Bayat dumdumngegcami
Cadagiti sasaom a nasantoan;
Ket incami paglicudan
Daytoy kinataomi–
Agbiagcami a pacaidayawam.

tune→ (English 181)
]]> 20130929T054935Z 20130929T054935Z 080. Where All Is Peaceful

Iti caaddac ken Cristo,
Toy pusoc natalna;
Ti panagtulnog Kencuana
Mangted ti inana.

     O, anian a nagsam-it
     Ti inana ti Dios!
     Timecna macaliwliwa;
     Ayatna di mabubos.

Daytoy biagco nailemmeng
A caddua ni Cristo;
Surotec ti nagnaanna–
Cucuanac a pudno.

Iti tengnga ti rigrigat
Ken leddaang ti biag,
Agtuloyac a cadduana
Ket sitatalgedac.

Isu ti mangibin caniac
’Ti innac pannagna
Agingganat madanonco
Ti pagtaenganna.

tune→ (English 313)
]]> 20130929T054934Z 20130929T054934Z 081. Master Speak

Apo, agsaoca caniac–
Adtoy ti adipenmo;
Saom a macaliwliwa
Ur-urayen toy puso.
Siiimdengac Kenca–
Ania ti ibilinmo?

Apo, agsaoca caniac–
Sica ti Mannursuroc;
Ket maawatam la unay
Casasaad toy pusoc.
Ti bendicionmo caniac
Inca cad iparucpoc.

Isagananac, O Apo,
Dumngegac ’ti timecmo
Tapno agtulnogac Kenca
A buyugen ti rag-o.
Siiimdengac Kenca
Ta siac ti adipenmo.

tune→ (English 255)
]]> 20130929T054933Z 20130929T054933Z 082. I Am Now a Child of God

Anacnac itan ti Dios–
Sinubbotnac ni Jesus;
Basolco pinunasna
Babaen ’ti darana;
Iti Dios ipaayco
Sibubukel a biagco.

O Ama, tulongannac
Inaldaw paglicudac
Ti bucodco a dalan,
Ket biagco iturayam;
O Dios, a managayat
Agnaedca cad caniac.

Luctam ti pagdengngegco,
Timudec ti timecmo
Tapno kinasukirco
Mapucaw ditoy puso;
Ti pagayatam, Apo,
Matungpal iti biagco.

Kinawesannac, Ama,
Ti kinapacumbaba;
Dumackelca cad caniac
Ket ita bumassitac;
Damiliennac cad, O Dios,
A caasping ni Jesus.

tune→ (English 393)
]]> 20130929T054932Z 20130929T054932Z 083. Lord Speak To Me

Apo, agsaoca caniac
Tapno macapagsaoac
Cadagiti naiwawa–
Agsublida coma Kenca.

Idalannac cadi, Apo,
Iti casta mayturongco
Dagiti agalla-alla
Ket inda agnaed Kenca.

Ita, Apo, isuronac
Tapno macaisuroac
Cadagiti nasipngetan
No ania ti pagayatam.

Ipaaymo caniac, Apo,
Ti talnam ken paraburmo
Tapno innac pabang-aran
Dagiti marigrigatan.

Aramatennac cad, Apo,
Sadinoman cas panggepmo
Ingganat makiranudac
Iti ragsacmo ken dayag.

tune→ (English 225)
]]> 20130929T054931Z 20130929T054931Z 084. Break Thou the Bread

Itdem ti tinapay ti biag, Apo,
Tapno mataraonan toy puso;
Siuuray Kenca toy cararuac
Ta iti saom sibibisinac.

Itdem ti tinapay ti biag, Apo,
Tapno mapnec coma daytoy puso;
Daytoy panunotco ket pabaroem,
Dagiti addangco palintegem.

Ilawlawagmo ti Kinapudno
Tapno maawatac ti panggepmo;
Iti pannakicadcadduac Kenca,
Ti ladawam caniac ket makita.

Bendicionam cad ti Kinapudno
Cas ti tinapay nga imbunongmo;
Iti kinadakes, warwarannac
Tapno talna ket innac maragpat.

tune→ (English 171)
]]> 20130929T054930Z 20130929T054930Z 085. Lord Be Not Silent

O Apo, iti caasim
Agsaoca cadi caniac;
Mawaw unay ti cararuac
Casla daga a naticag.

     Apo, adda laeng Kenca
     Ti inana ken namnamac;
     No masnaayan toy pusoc,
     Pudno a liwliwaennac.

Uray no pacdaarannac
Daytoy ket bendicion caniac
Ta Sica a mangbabalaw
Ket mangay-ayat met caniac.

Apo, dalusannac cadi;
Ti panggepco patibkerem,
Toy cararuac paimbagem,
Ket pigsac inca pabaroen.

Cayawam cad daytoy biagco
Iti pagayatam, Apo;
Naragsacac nga agtulnog
Iti panangidalanmo.

tune→ (English 227)
]]> 20130929T054929Z 20130929T054929Z 086. An Offering I Would Bring

O Jesus a Saserdotec,
Kenca, ti datonco itdec
Nupay napanglaw, nanumo
Daytoy la ti mabalinco–
Coma ket macaay-ayo.

     O awatem
     Toy biag a datonco Kenca,
     Kenca laeng
     Inggana iti inggana.

Ti kaimbagam, O Apo,
Gapu caniac impaaymo;
Idiay cruz inca nagtuoc,
Nagibtorca situtuloc
Tapno Amam maam-ammoc.

Manipud ita ti biagco,
Aramatem cas panggepmo;
Iti sacaanam, Apo,
Isu-amin idatonco–
Daytoy coma ket nabanglo.

Daytoy biagco aramatem:
Nayaw-awan ket sapulen
Tapno dumackel ti rag-o
Inton dagiti carnero
Saggaysa masaracanto.

tune→ (English 286)
]]> 20130929T054928Z 20130929T054928Z 087. Lord, in Our Need

Apo, umaycami Kenca;
Agsaoca cadi.
Ti timecmo timudenmi
Iti puspusomi.

     Apo, agsaoca
     Cadagiti puspusomi,
     Ket inaldaw coma,
     Kenca, dumngegcami.

Iti bucodmi a pigsa
Ket nacapuycami
Ngem babaen laeng Kenca
Agballigicami.

No Sica ti mangidalan,
Awan pagbutnganmi;
Isurom ti pagayatam
Ket agtungpalcami.

Apo, iti aramidmo,
Aramatennacam;
Canayon agpasaclawcam
Iti pagayatam.

tune→ (English 230)
]]> 20130929T054927Z 20130929T054927Z 088. I’m Satisfied in Jesus Now

Mapnecacon kenni Jesus
Ket natalnan toy cararua;
Ti nariribuc a pusoc
Nacasarac ti inana.
Ti Apo dayawec itan
Ta cararuac naluc-atan;
Kencuana ket sumurotac
Agingganat panungpalan.

     Nagsam-iten ti ayatna
     Ken pannakicadcadduana!
     Biagco ket pagtaengannan–
     Isu cucuac, cucuac itan.

Naguyugoy daytoy pusoc
Iti dackel nga ayatna;
Ti basol ket pinanawac
Ket nagcamangac Kencuana.
Ti saona mangmangngegco,
Ti dayagna makitkitac,
Caaddana maricricnac–
Itan, ni Jesus ket cucuac.

Sumurotac kenni Jesus–
Awan pacapilawanna;
Isu ti pagulidanac
Ket mayaspingac Kencuana.
Balligi ket magun-odco
No dumtengac iti calat;
Ti isasangoc Kencuana,
O, anian a rag-o caniac!

tune→ (English 253)
]]> 20130929T054926Z 20130929T054926Z 089. God Is Faithful

Mapagtalcan unay ti Dios
’Ti panangidalanna
Cadagiti pinilina
Bayat agpagpagnada.

     Binigat a pabaroenna
     Ti asina cadatay;
     Agpannuraytay Kencuana
     Ket paraburannatay.

Mapagtalcan unay ti Dios
Iti panangispalna
Cadagiti pinilina
No masulsulisogda.

Mapagtalcan unay ti Dios
Iti panangtungpalna
Ti amin a carcarina
Cadagiti annacna.

Mapagtalcan unay ti Dios
’Ti pannakicadcaddua
Cadagiti pinilina
Agingganat inggana.

tune→ (English 232)
]]> 20130929T054925Z 20130929T054925Z 090. How Precious Is the Word

Sao ti Dios nagpategen
Iti mapagtalcan,
Ket dagiti carcarina
Mapangnamnamaan.

     Masapul unay
     A bumassitac
     Tapno ni Cristo
     Dumackel caniac.

Mapunno ti pannacapnec
Dagiti cararua
A mangsapul kenni Cristo
Ken ti paraburna.

Ti napasnec a cararag
Dumanon Kencuana
Casla daton a nabanglo–
Pacaay-ayoanna.

Nagwadwaden ti bendicion
Nga itden ti Ama
Cadagiti naimpusoan
Ti panagservida.

tune→ (English 249)
]]> 20130929T054924Z 20130929T054924Z 091. Moments of Blessing

Ti pammendicion ni Jesus
Nagbacnang a canito;
Ti asina agay-ayus
Agpaay iti biagco.

     Isut’ canayon a cadduac;
     Lawagna ket nasilnag
     A mangmangted ti namnama
     No agladladingitac.

Ti pammendicion ni Jesus
Nagsam-it a canito,
Macaited ti inana
Iti panagbannogco.

Apay a mabannogac pay?
Apay maupayac pay?
Saanna cad nga incari
Ti pigsa nga umanay?

Uray masansan naulep,
Dalanco masipngetan,
’Ti pannakicadcadduana,
Liwliwac nagdanunan.

tune→ (English 228)
]]> 20130929T054923Z 20130929T054923Z 092. Our Hearts O’erflow

Jesus, iti panagdayaw
Pusomi agliplipyas
Maygapu iti ayatmo
A saan a ma’yebcas;
Iti biag ken ipapatay,
Iti panagungarmo.
Namnamami a sibibiag
Ket adda Kenca, Apo.

Daytoy pannakicadcaddua
A nangreppet cadacam
Sumamsam-it, umun-uneg,
Mamatibker cadacam.
Pagsisinggalutennacam
Iti pudno nga ayat
Tapno ti ayatmi Kenca
Ket incam ipamatmat.

Iti lubong a nasipnget
Ken napnot’ panagduadua–
Apo, babaen cadacam
Ket agraniagca coma.
Suroannacam a tumulong
Iti madagdagsenan,
Agcucuyogcam a magna
Ingganat pagtaengam.

Iti panagpagpagnami,
Apo, saluadannacam
Nga agbiag a mapagtalcan
Ingganat panungpalan.
Manipud iti adayo,
Umilim ket urnongem;
O Apo Jesus, umayca,
Pinilim tagicuaem.

tune→ (English 239)
]]> 20130929T054922Z 20130929T054922Z 093. Let Us Draw Near

Umasidegtayo–
Adtoy ti Diostayo;
Ket iti Espirituna,
Coma mapnotayo.

     Umasidegtayo
     Iti Amatayo
     Babaen ken Jesu-Cristo;
     Agcararagtayo.

Umasidegtayo–
Pacawanennatay:
Gapu ’ti dara ni Cristo
Ket awatennatay.

Umasidegtayo
Iti Amatayo,
Ket Isu ti cancanayon
A dayawentayo.

tune→ (English 185)
]]> 20130929T054921Z 20130929T054921Z 094. Evermore Consider Jesus

Ni Jesus a mapagtalcan
Inca imutectecan;
Cararuam paimbagenna,
Pusom ket pabilgenna.

     Ni Jesus nga Anac ti Dios
     Dinacanto baybay-an;
     Makipagibtor Kencuana,
     Innaca balangatan.

Basol a naduma-duma
Ti manglaplapped kenca;
Pusom ket napudno coma,
Sumurotca Kencuana.

Biagna nga awan tulawna
Iti Dios, indatonna,
Sibubukel nga intedna–
Naayayo ti Ama.

Kinasipnget paglicudam,
Lawag ti Dios pagnaam,
Lubong ken basol guraem,
Kinalinteg ayatem.

tune→ (English 331)
]]> 20130929T054920Z 20130929T054920Z 095. Bow Down Thine Ear

Daytoy ararawco,
Apo, denggem coma;
Awan ti paginanaac,
Iccannac cad ita.

Denggennac cad, Apo,
Silaladingitac;
Napno ti basol toy biagco,
O pacawanennac.

Nabayagac idi
A nagalla-alla;
Kinaubbaw paglicudac,
Agsubliac Kenca.

Ragragsac toy lubong,
Apagdaricmatda,
Iti biagco ken cararuac
Awan naitedda.

Sumipsipnget, Apo;
Dinac cad baybay-an.
Pusoc sipapacumbaba,
Dinac paglicudan.

tune→ (English 14)
]]> 20130929T054919Z 20130929T054919Z 096. Let Us Consider Jesus

Matmatantay ni Jesus–
Ti Cordero ti Dios;
Maigapu cadatayo
Naylansa idiay cruz.

     Mapagtalcantay coma
     A casla ken Jesus;
     Sipupudno ti panggeptayo,
     Agtaeng iti Dios.

Ti Dios ti mangibagnos
Iti pagnaantay
Tapno inna ipanayag
Ayatna cadatay.

Dalan napno ti peggad,
Agsalucagtayo,
Agpuyat, agcararagtay
A casla ken Cristo.

Ti langit asidegen,
Sumrectayo aya
Wenno mataytay iti ruar
Nga awan namnama?

tune→ (English 364)
]]> 20130929T054918Z 20130929T054918Z 097. Dear Saviour Lead Me

Manangisalacan, idalannac
Ingganat maturpos ti pannagnac;
Ditoy daga ket gangannaetac–
Ti panangibinmo casapulac.

     Apo, saluadannac coma
     Ta panggepco ti agtaeng Kenca;
     No asidegca, ket maragragsacanac;
     Diac nga agbuteng no idaldalannac.

Ti kinasipnget ket agsacsacnap
Iti dalan a paglaslasatac;
Pinanggepmo, Apo, daytoy caniac
Tapno panangibinmo maricnac.

Apo Jesus, innac cad idalan
Tapno pammatic dinto agcurang;
Antabayan, kibinennac cadi,
Tulongannac cad nga agballigi.

tune→ (English 302)
]]> 20130929T054917Z 20130929T054917Z 098. Teach Us How to Pray

Apo, masapulmi unay
Asim cadacam;
Addacami iti peggad,
Ispalennacam.

     Isuronacam
     Nga agcararag
     Ket dagiti ararawmi
     Inca ipangag.

Apo, isagananacam
Iti dangadang;
Sica laeng ti pigsami,
Pabilgennacam.

Cadagiti cabusormi,
Saluadannacam;
Manipud silo ken peggad,
Ilisinacam.

O Apo, ti Espiritum
Itdem cadacam;
Ti nasged a cararagmi
Inca imdengan.

tune→ (English 190)
]]> 20130929T054916Z 20130929T054916Z 099. My Heart O’erflows

Inaldaw nga aglipyas toy puso
Iti panagdayaw iti Apo.
Paraburna it-itedna caniac
Tapno ti dangadang pagballigiac.
Anian nga inana ta naammoac
Ipapaayna ti casapulac!

Iti nabara a capadasan,
Itudtudona caniac ti ruangan
A pagsercac tapno agcararag
Ket mapabileg daytoy cararuac;
Sadiay ket maiccat ti butengco,
Pigsa ken namnamac mapabaro.

Iti kinalintegmo, magnaac;
Ti paraburmo ket ipakitac
Tapno dagiti gumawgawawa
Magun-odda Kenca ti namnama;
Ket manipud cadagiti lulua
Agdanunan coma ti ragsacda.

tune→ (English 236)
]]> 20130929T054915Z 20130929T054915Z 100. Teach Me To Pray, Lord

Isuronac nga agcararag–
Daytoy, Apo, ti ararawco;
Ket cayatco a masursuro
Ti pagayatam ken dalanmo.

Mannacabalin ti cararag
Iti tengngat’ basol ken liday;
Pannacabalin ’ti cararag,
Apo, caniac inca ipaay.

Isuronac nga agcararag
Ket Sica Apo ti pagwadac;
Kinatalgedco adda Kenca–
O suroannac nga agcararag.

Sica ti agtataeng caniac,
Ket Kenca, Apo, agbibiagac;
Toy ti nasged nga ararawco:
Pannacabalin itdem caniac.

tune→ (English 197)
]]> 20130929T054914Z 20130929T054914Z 101. Praying Always

Agcararag a canayon
Tapno ditay maupay;
Ni Jesus mannacabalin–
Isu ti agturturay.

     Agcararag a canayon,
     Umilina denggenna,
     Patgenna ti cararuada,
     Salacnibanna ida.

Agtuloy nga agcararag
Uray nagballigitay;
Ditay sumina Kencuana–
Ti lumba turposentay.

Agcararag a napasnec
Uray adda ladingit;
Agtuloy nga agcararag
Uray lumnec ti init.

Agcararag a canayon
Tapno maibilangtay
Cadagiti mapagtalcan
Inton dumteng ni patay.

tune→ (English 192)
]]> 20130929T054913Z 20130929T054913Z 102. How Fresh and Green

Naglasbang ti pagaraban
Agpaay iti arbanna,
Ket ti naimbag a Pastor
Ken dagiti carnerona
Adayu iti ririboc–
Sadiay agin-inanada.

     Ti naimbag ngad a Pastor
     Ken dagiti carnerona,
     Agcaycaysa, naragsacda
     Gapu ta ti Dios, cadduada.

Nagsam-it ti sayamusom
Idiay nagcararaganna,
Tuladentayo ni Jesus
Iti panagcararagna
Tapno ti cararagtayo
Maca’y-ayo iti Ama.

Manipud pacaringgoran
Ken Jesus umasidegtay;
Dagiti casapulantay
Naruay nga inna ipaay;
Ti panagdengngeg Kencuana
Mangan-anay ti rag-otay.

Nupay rigat sagabaen,
Saantay a mapucawan;
Addaantay pannacapnec
Ta Isu ti mangidalan;
Ti ayat ken ti naganna
Ket intay iparangarang.

tune→ (English 309)
]]> 20130929T054912Z 20130929T054912Z 103. My Soul’s Desire

Dios, Sicat’ tarigagayac
Iti panagpagpagnac;
Sicat’ innac sapsapulen
O Ama, ipangagnac.
No awanca iti biagco,
Naliday toy cararuac;
Agsaoca cadi caniac
Bayat agur-urayac.

Dios, Sicat’ tarigagayac
Ket Sica ti ragsacco;
Ipakitam cadi caniac
Ti imnas ken dayagmo.
Iti basol yadayonac,
Dalusan, pasudiennac;
Dawatec a pagsantoennac–
Macaanayca caniac.

Dios, Sicat’ tarigagayac,
Sicat’ macapnec caniac;
Naindaclan nga aramid
Ti inrugim ditoy biag.
Ipalubosmo cad, Ama,
A Kenca, mayaspingac
Ket surotec ti lintegmo;
Cas anacmo, acoennac.

tune→ (English 252)
]]> 20130929T054911Z 20130929T054911Z 104. Holy Spirit

Nasantoan nga Espiritu
Marcaannacam
Aginggana iti aldaw
A masubbotcam.

     O Dios, dalusannacami
     Tapno ti Manangliwliwa
     Ket agtaeng iti biagmi,
     Ken aginana.

Nasantoan nga Espiritu
Tulongannacam;
Iti Ama a naayat
’Yasidegnacam.

Nasantoan nga Espiritu
Lawagannacam
Tapno ni la Jesu-Cristo
Incam matmatan.

Nasantoan nga Espiritu,
O punnoennacam;
Ti bunga ti mangpanecnec
Iti caaddam.

tune→ (English 207)
]]> 20130929T054910Z 20130929T054910Z 105. Gently the Holy Spirit

Ti Espiritu Santo
Agsasao caniac;
Iti tunggal agsapa
Ken Cristo iturongnac.
Awagna ket sungbatac–
Innac agcararag
Tapno iti sulisog,
Macapagballigiac.

Ti Espiritu Santo
Ket babalawennac;
Iturongnac ken Jesus
A natay gapu caniac.
Adda panagpasaclaw
Iti pusoc coma;
Iti panagcappiami,
Maammoac ti ayatna.

Ti Espiritu Santo
Inna isursuro,
“Dagiti pagdanagam
Ken Jesus itaclinmo.”
Cararuac agtalnaca,
Ti ayatna pudno;
Iti Ari ’diay langit
Ti amin italecmo.

tune→ (English 210)
]]> 20130929T054909Z 20130929T054909Z 106. Precious Thought

O, anian a nagpategen
A panunoten
Amin a panggep ni Amac
Ket pagimbagac!
Cayatna a mapadasco
Liday ken ragsac
Iti casta ket makitac
Ayatna caniac.

O, anian a nagpategen
A panunoten
Nga aywanannac ni Amac
No masuotac!
Uray ti pannacapaay
Umapay caniac,
Kencuana ket agtalecac–
Isu ti captac.

Panagtalecco Kencuana
Ad-adda coma;
Ti panagayat ni Amac
Ket pacapnecac.
Iti rigat wenno nam-ay
Innac maricna
Ti inana ken ti talna
Nga it-itedna.

tune→ (English 276)
]]> 20130929T054908Z 20130929T054908Z 107. Approved and Faithful

Inayat ken pinilinac–
Nagsam-iten, O Apo;
Mamabileg caniac daytoy
Iti isusurotco.

     Agbalinac a napudno,
     Maca’y-ayo iti Dios:
     Dagitoy tarigagayac
     Inggat biagco maturpos.

O, anian a nagsam-iten
A ti Dios inawisnac!
Talna, inana, liwliwa,
Napaaddada caniac.

Ti Dios inna paca’y-ayoan
Dagiti pagtaengan
A sadiay ni Jesu-Cristo
Ti silaw ken ulidan.

tune→ (English 365)
]]> 20130929T054907Z 20130929T054907Z 108. We Are Fading

Datayo ket cas iti sabong
A malaylay ken manasanas;
Ti aniniwan ngad ni patay
Iti dalantay ket lumablabas.

     Datayo ket agpagpagna,
     Agturong iti panungpalan;
     Nagladingit a panunoten
     Bibiag nga awanan capapay-an!

Biagtay ket casla aniniwan;
Ginget ni patay ti turongtay;
Ragsac ken namnama toy lubong,
Dagitoy bareng-bareng cadatay.

’Ti tiempot’ kinaagtutubo
Ti Namarsua intay lagipen;
Biagtay adda ti patinggana–
Dinto maisublin ti panawen.

Iti panawen ti ladingit,
Ni Jesus matmatantay coma;
Isu nagtuoc, nagsagaba–
Awan cad ti pateg ti ayatna?

tune→ (English 97)
]]> 20130929T054906Z 20130929T054906Z 109. I Never Can Forget

Saanco a malipatan
Ti idadateng ni Jesus;
Daytoy biagco pinunnona
Ti pudno a gameng ti Dios.

     Saanco a malipatan
     Idi kinunana caniac,
     “No sica ngad ti adalac,
     Cruz baclayem, surotennac.”

Saanco a malipatan
Ti dungngo nga impaayna;
Pinanawanna ti langit
Ket siac, inimatanganna.

Naglawagen caniac ita
Ti pagayatan ni Amac;
Ti kinapudno ni Jesus
Nagsam-it a canta caniac.

Saanco a malipatan
Panangrugi ti pannagnac;
Ti addang ti panagtulnog
Isut’ nangbalbaliw toy biag.

tune→ (English 284)
]]> 20130929T054905Z 20130929T054905Z 110. My Saviour’s Love

Ti Manangisalacanco
Di agcupas ti ayatna
Inggat maisalacanac
Ken agtaeng a cadduana.

     Ti ayat ti nangidalan
     Ken Jesus inggat Calvaryo;
     Isu natay gapu caniac–
     Ayatna ket nabigbigco.

No man pay diac maicari,
Langit ket insaganana;
Sadiay dagiti nasubbot
Dinto lumbes ti ragsacda.

Nagcawes ti kinalinteg,
Makitada ti rupana
Ket awitda ti naganna,
Sitatarnaw, agtacderda.

Liwliwaennanto ida
Ket indanto isalaysay,
“Adtoy ti pudno nga ayat
Gapu caniac, Isu natay.”

tune→ (English 217)
]]> 20130929T054904Z 20130929T054904Z 111. Love Thee More

Apo, ti ararawco
Inca imdengan;
Daytoy ayatco Kenca
Inca nayonan.
Sica laeng ti biagco,
Coma pagtaengannac;
Ad-adda pay nga ayat,
Parsuaem caniac.

     Ayatenca, Apo;
     Daytoy ayatco Kenca,
     Degdegam coma.

Pinanawam ti langit
A gapu caniac,
Nanipud iti basol
Ket sinubbotnac.
Ti tuocmo sadiay cruz,
Nangtignay itoy puso–
Daytoy ayatco Kenca,
Degdegam, Apo.

Aginggat ipapatay
Ket inayatnac;
Idatonco daytoy biag
Nga adda caniac.
Uray mairanudac
Iti ladladingitmo,
Dayawco nga awiten,
Naganmo, Apo.

Ti daram ti nangsubbot
’Ti biagco, Apo;
Di matucod nga ayat
Impanayagmo.
Toy pusoc ken cararuac
Mailiw unay Kenca;
Ayatco Kenca, Apo,
Ket umad-adda.

tune→ (English 219)
]]> 20130929T054903Z 20130929T054903Z 112. More Love to Thee

Nayonam cad, Apo, ti ayatco
Ken inca imdengan ararawco;
Dumackel pay coma
Ti ayatco Kenca–
Ayatenca nga ad-adda.

Rigat ken ladingit anamungac
Ket Sica laeng ti pagsanggirac;
No agsagabaac,
Daytoy ti icantac:
“Ayatenca nga ad-adda.”

Inton aggibusen toy angesco
Agdayawacto pay Kenca, Apo;
Dumackel pay coma
Ti ayatco Kenca–
Ayatenca nga ad-adda.

tune→ (English 220)
]]> 20130929T054902Z 20130929T054902Z 113. Teach Me Thy Way

Dios, isurom caniac
Ti dalanmo,
Kibinennac coma
Ken isuro
A mapalintegco
Dagiti addangco;
Inca cad isuro
Ti dalanmo.

No adda ti liday
Ditoy puso,
Isurom cad caniac
Ti wagasmo;
No agballigiac
Wenno mapaayac,
Isurom cad caniac
Ti dalanmo.

No adda ti duadua
Wenno bagio,
Isurom cad caniac
Ti dalanmo.
’Ti pacarigatan
Ken pagleddaangan
O Dios, isurom man
Ti dalanmo.

Bayat sibibiagac
Isuronac
Nga iti lugarco
Ket mapnecac
Inggat maturposco
Panagdalyasatco;
Dios, iti dalanmo
Ket suroannac.

tune→ (English 60)
]]> 20130929T054901Z 20130929T054901Z 114. O Teach Me How to Love

O Dios, isuronac,
Agayat a pudno
A cas ti panagayatmo
Caniac idi damo.

O Dios, tulongannac,
Agpasaclaw Kenca,
Ket iti kinasukirco
Luc-atannac coma.

O Dios, itdem caniac
Ti sirib a pudno
Tapno adayoac ti basol–
Diac macaiculbo.

O Dios, tulongannac
Tapno mamacawan;
Cas ti panamacawanmo–
Innac mamacawan.

O Dios, agbalinac
A matalec coma
Tapno toy saoc ken biagco
Maca’y-ayo Kenca.

tune→ (English 226)
]]> 20130929T054900Z 20130929T054900Z 115. Longings

Dios, tarigagayco nga ad-adda
Iti inaldaw maam-ammoca;
Imdenganca no agcararagac
Ket piliec ti pagayatam caniac.

Tarigagayco pay nga ad-adda
Nga agservi a napasnec Kenca;
Ti pannacabalinmo pagtalcac–
Dagiti carcarim cupicupac.

Tarigagayco pay nga ad-adda
Umasideg, agdaydayaw Kenca;
Natalingenngen, aginanaac
Iti panarawidwidmo caniac.

Dios, tarigagayco nga ad-adda,
Kinaimnas ’ti saom makita
Ngem cangronaan tarigagayac
Rupan-rupa Sica ket makitac.

tune→ (English 362)
]]> 20130929T054859Z 20130929T054859Z 116. Love Is The Kingdom’s Banner

Wagayway ti Pagarian
Ket ayat ni Cristo;
Idiay pagbabacalan,
Ibayogtayo;
Uray adda ti peggad,
Iwagayway latta–
Namnama ti pagilian,
Dayaw Kencuana.

Wagayway ti Pagarian
Ket ayat ni Cristo;
Isu ti pacaammoan
Ilinatayo.
Agiinnayan-ayat,
Cas panagayatna;
Datay ket nagcaycaysa
Iti ayatna.

Ti panggep ti cabusor
Perdiennat’ wagayway.
Iti ayat ken Cristo,
Agballigitay;
Paraburna a naruay
Ti mangted ti pigsa.
Ti ayatna cadatay,
Awan inggana.

tune→ (English 218)
]]> 20130929T054858Z 20130929T054858Z 117. Just Cling

No dayta pusom maragragsacan
Ket addaancat’ namnama,
No ti balligi ket adda kenca
Ken calat inca makita...

     Cumpetca iti Anac ti Dios
     Ken paidalanca;
     Iti nasantoan a panagbiag,
     Turposem pannagna.

No dayta pusom madagdagsenan,
Casta met cumapcapuycan,
No agmulmulaca a silulua
Pannacaabac makitam...

Pannakidangadangmo malpasto
Ket pudno nga agyamanca
Iti pannuboc a nangisuro
Tapno patgem ti dalanna.

tune→ (English 350)
]]> 20130929T054857Z 20130929T054857Z 118. God In Heaven

Ti gameng ti Dios ’diay langit
Saan a magatadan–
Ti Anacna a dungdungoen
Inna pacaay-ayoan.
Gameng ti Dios ditoy lubong,
Pudno a patpatgenna–
Cristo nga ipanpanayag
Dagiti pinilina.

Babaen iti damili
A napnot’ paraburna,
Iti malmalday a puso,
Simmilnag ti lawagna.
Nanumo a pagcargaan
Nangyeg a sirarag-o
Ti naindaclan a sagut–
Anac ti Dios, ni Cristo.

Uray pay no nasuotca,
Nadayag ti awagna;
Nadalus tapno punnoenna
Nadiosan nga ayatna.
Uray um-umsien ti lubong
Damili a nanumo,
Napno ti pudno a gameng–
Ti dayag ngad ni Cristo.

Agbalintay a naemma,
Nasantoan, di am-ammo,
Iti Dios sisasagana
A punnoenna ken Cristo.
Silaw di coma malingdan
Ti banag a nataoan
Tapno kabibiag ni Jesus
Ti maiparangarang.

tune→ (English 351)
]]> 20130929T054856Z 20130929T054856Z 119. We Thank Thee Lord For Weary Days

Dios, yamanenmi ’di aldaw
Nabannogcam unay
Ket incami naawatan
Ayatmo umanay.
Cadagidi nga al-aldaw
Narigat ti dalan,
Ni Jesus ti nangidalan
Cadacam ’diay let-ang.

O Dios, yamanenmi unay
Inana ken Cristo;
Ti kinamanangngaasim
Incam masursuro.
Ti pannakipagpagnami
Cacuyog ni Jesus
Ti mangiturong cadacam
Iti tronom, O Dios.

Rag-o a dinto agbaliw
Uray masipngetan–
Ti Dios a mannacaawat
Ket adda cadacam.
Inton addacam ’diay gloria
Iti sangoananna
Ket rigat malaglagipmi,
Agdayawcam latta.

Laglagipenmi ’di aldaw,
Nakidangadangcam,
Danum ti biag ti intedna
Ket napapigsacam.
Ita ket magmagnacami
’Ti dalan ni Jesus
Ket incami masursuro
Ti panggepmo O Dios.

tune→ (English 240)
]]> 20130929T054855Z 20130929T054855Z 120. I Will Journey All The Way

Agpagpagnaac caddua ti Mannubbotco;
Sinapulnac ket nasaracannac;
Pinacawanna dagiti basolco
Ken iti dalanna inturongnac.

     Awan ti gayyemco a casla ken Jesus
     Agpagpagnaac ngad a cacuyogna.
     Awan ti macapagsina cadacami
     Idiay langit wenno ditoy daga.

Awan ti gayyemco a casla ken Jesus;
Gapu caniac dayaw binay-anna
Tapno ita ken iti agnanayon
Ket makipagragsacac Kencuana.

Ay-ayatennac ngad a pudno ni Jesus;
Ti kinalinteg ken paraburna
Mamagbalin caniac a maicari
A makipagtaeng ’diay taengna.

Agpagpagnaac a cacuyog ni Jesus
Nupay Isu ket paglicudanda;
Awan pumadpad ’ti kinaimnasna,
Mangantabay caniac ti ayatna.

tune→ (English 345)
]]> 20130929T054854Z 20130929T054854Z 121. I Cannot Now Go Back

Apo, ti tarigagayco,
Toy biag, Kenca, idatonco;
Daytoy caric Kenca, Apo,
Diac maibabawin.

     Nagcariac, Apo,
     Daytoy ket nangngegmo;
     Caric Kenca ket napudno,
     Diac maibabawin.

Sumursurotac Kencuana;
Amin toy biag ken cararua,
Ipaspasaclawco ida–
Diac maibabawin.

Daytoy biagco ket cucuana
Ket toy pusoc ti tronona,
Ipapaayco Kencuana–
Diac maibabawin.

Agtuloyac umagawa
Uray innac agsagaba:
Daytoy caric, Apo, Kenca,
Diac maibabawin.

tune→ (English 346)
]]> 20130929T054853Z 20130929T054853Z 122. So Strange It Seems

Nacascasdaaw unay
Aramidmo caniac;
Iti idadatengmo,
Nabaliwan toy biag
Ta inca pinalinteg
Dagiti addangco.
“Ragragsac, paglicudam”
Ti arasaasmo.

     O naimpusoan coma
     Ti innac pannagna;
     Makitac ti gongona
     Nga insaganana.

Cabusor ti cararua
Manglaplapped caniac;
Panggepna a makitac
A caylala toy biag,
Ngem ti nadadaeg pay,
Caniac, impakitam,
Balangat siuuray
Iti mapagtalcan.

Apo, aywanam cadi
Daytoy panagkitac
Tapno ti pagayatam,
Inaldaw, makitac;
Diac coma icancano
Dagiti ragragsac;
No umapay ti buteng,
Timecmo imdengac.

tune→ (English 359)
]]> 20130929T054852Z 20130929T054852Z 123. I Have Overcome

“Pinarmecco toy lubong,”
Kinuna ni Cristo;
No Isut’ surotentay
Maluc-atantayo.

     O makipagnaac
     Kenni Jesu-Cristo;
     Inayatnac la unay–
     Cucuanac a pudno.

Iti dara ni Cristo
Ket agtaltalecac;
Basolco pinunasna
Ket pinacawannac.

Ti ayat a nadiosan
Mangantabay caniac;
Panangisalacanna–
Daytoy ti icantac.

Ti agayat Kencuana
Inggat panungpalan
Ket makipagglorianto
Iti masacbayan.

tune→ (English 360)
]]> 20130929T054851Z 20130929T054851Z 124. Seeking For A Better Country

Naim-imbag a pagilian
Tartarigagayantay;
Gangannaet ditoy lubong,
Awag ti Dios, denggentay.
Panggepna a sumurottay
Iti addang ti Apo;
Ti nasudi nga ayatna,
Tumulong cadatayo.

No lasatentay ti let-ang
Ti liday, mapadasan
Ngem ti pagragsacantayo
Ket ammona ti dalan.
Cadagiti inibtorna
Makipagsagabatay;
Ti pannakicadcadduana
Mangted ti biag cadatay.

Pannaca’yasping ken Jesus,
Tartarigagayantay;
Dagiti biagtay cucuana–
Kencuana agtulnogtay.
Amin a pagayatanna
Ti kasasayaatan;
Inton malpasen ti rigat,
Ti ragsac agdanunan.

tune→ (English 348)
]]> 20130929T054850Z 20130929T054850Z 125. Not My Will, but Thine

No maminsan nasipnget ti dalan,
Narigat a maawatan
Ngem ammoc sikikitaca caniac
Ket Sica ti mangidalan.

     Tulongannac cadi, O Dios,
     A Kenca agpasaclawac;
     Matungpal coma ti pagayatam,
     Saan a ti pagayatac.

Ti panangpalinteg ’ti addangco
Saanco a cabaelan;
Saluadannac cadi iti dalan
Tapno diac a mayaw-awan.

Daytoy biagco pagbalinem coma
A cas naganus a mula
Tapno ’ti tunggal panangtignaymo
Ket innac agtuloc Kenca.

Makitac coman a silalawag
Ti adda ’ti masangoanac,
Ket agtarayac a sipipinget
Inggat magongonaanac.

tune→ (English 261)
]]> 20130929T054849Z 20130929T054849Z 126. Not Unto Men I Labour

Saan nga iti tao
Nga agserserviac,
No di iti Dalanmo,
Apo, magmagnaac;
Diac ngad nga icancano
Ti sao ti tao;
Pangngeddengmo nalinteg
Agpaay ’ti biagco.

     Panagservic agpaay Kenca
     Nupay adda ti lulua;
     Magongonaan wenno saan,
     Agserviac la Kenca.

Dayta coma ayatmo
Mangidalan caniac,
Ket iti ulidanmo,
Apo, sumurotac;
Uray no iti sipnget
Wenno iti lawag,
Inana toy cararua,
Ipaaymo caniac.

Managbasol ti puso,
Saan a pagtalcan;
Di malinteg ti tao
Bucodna nga addang.
Ti addaan ti sirib
Ken Jesus cumita,
Magna iti lawagna,
Sumurot Kencuana.

tune→ (English 325)
]]> 20130929T054848Z 20130929T054848Z 127. Let Not My Soul

Dica cad bay-an a mapno toy pusoc
Ti ladingit a di casapulan;
Sicat’ mangted ti pigsac ken namnamac
No nasipnget ti innac dalanan.

     Dios, canayon cad a tulongannac
     A Kenca, agtalecac.

Pagtalinaedem iti altarmo
Toy biag nga idatdatonco Kenca;
Dimo ipalubos nga agsanudac
Iti innac panagservi Kenca.

Di maisin coma ti inanamac
Ken Cristo ket agtalinaedac;
Uray pay no matayac, pagbiagennac
Intono ti Apo ket subliennac.

tune→ (English 340)
]]> 20130929T054847Z 20130929T054847Z 128. Counted In

Sirib wenno gameng diac tarigagayan
Tapno dayaw innac malac-am;
Ti tarigagayco ket maibilangac
Cadacuada a mapagtalcan.

     Maibilangac ngarud iti ilina–
     Cadagiti mamaingel, mapagtalcan;
     Innac maibilang
     Cadacuada a mapagtalcan.

Uray ti pamarang ti gubat diac saad,
Ti pacasapulan ket punnoec;
Agbiagac a mapagtalcan ken napudno,
Ken tacderac ti kinalinteg.

Mapnecac la unay no innac maammoan
A maay-ayo ti Dios caniac;
Ket iti lugarco agtalinaedac;
Iti Apo ket sumurotac.

tune→ (English 337)
]]> 20130929T054846Z 20130929T054846Z 129. It Pays To Serve Jesus

Magongonaantay no agservitay
A sipupudno kenni Jesu-Cristo;
Talna ken ragsac ti magun-odtayo
No mapagtalcannatayo ti Apo.

Magongonaantay no agurnongtay
Cadagiti gameng a di agrupsa
A dinto matacaw ti siasinoman,
Di madadael ti lati ken sanga.

Magongonaantay no idatontay
Ti sibubukel a biagtay Kencuana.
Iti inaldaw ket sapulentayo
Dagiti banag a paca’y-ayoanna.

Magongonaantay no mataytayo
Iti bucodtayo a kinatao.
Nacasaganatay cad a sumabat
Intono agsubli ni Jesu-Cristo?

tune→ (English 108)
]]> 20130929T054845Z 20130929T054845Z 130. Give Of Your Best

Ipaaymo iti Apo
Kaimbagan ’ti biagmo;
Pigsat’ kinaagtutubom
Kencuana, idatonmo.
Biagna ti pagulidanan–
Maingel ken napudno;
Ibucbucmot’ cabaelam
Daytoy umdas ken Cristo.

     Ipaaymo iti Apo
     Kaimbagan ’ti biagmo;
     Sicacawescat’ cabalna
     Ket makidangadangca.

Ipaaymo iti Apo
Kaimbagan ’ti biagmo;
Cangronaan iti pusom
Kencuana ket itedmo.
Insagut ti Dios cadatay
Dongdongoenna nga anac;
Ken Cristo ket agservica
Nga addaan ti ragsac.

Ipaaymo iti Apo
Kaimbagan ’ti biagmo;
Pinanawanna ti langit,
Sinubbotna ti biagmo.
Inna indaton ti biagna
Tapno maysalacanca;
Panagdayaw, panagraem,
Ipaaymo Kencuana.

tune→ (English 33)
]]> 20130929T054844Z 20130929T054844Z 131. I Love the Perfect Way

Ay-ayatec unay
Ti dalan ni Jesus–
Ti dalan a naananay,
Agturong iti Dios.

     Ti pudno a Pastor
     Isut’ ay-ayatec
     Ket ti la pagayatanna,
     Inaldaw tungpalec.

Napnoac ti basol
’Di nasaracannac;
Pinacawannac ti Apo
Ken liniwliwanac.

Biag ni Apo Jesus
Mamapigsa caniac;
Ay-ayatec ti Dalanna
Ket isut’ pagnaac.

Ti napakumbaba
Inna iturayan,
Ket ti nadudog a puso
Inna paca’y-ayoan.

tune→ (English 254)
]]> 20130929T054843Z 20130929T054843Z 132. Lord How Good

Dios, anian a nagsayaat
Ilim ket agmaymaysa;
’Ti ayat naysinggalutda
Iti Anac ken Ama.
Agrucrucnoycami Kenca,
Itdem ti wayawaya;
Pusomi ket bendicionam
Iti panagmaymaysa.

     Bayat agdaydayawcami
     A sipapacumbaba,
     Ket ipaaymo cadacam,
     Biag nga awan inggana.

Dios, anian a nagsayaat
Ilim ket agmaymaysa;
Babaen ti aramidmo,
Pinagcaycaysam ida.
Ti Espiritum cad, Apo,
Cas linnaaw bumaba,
Si’alumamay itedna
Cadacami ti talna.

Dios, anian a nagsayaat
Ilim ket agmaymaysa
Inggat balangat magun-od,
Agsisinnaranayda.
Iti ayat naysinggalut,
Umasidegda Kenca;
Puspusoda agliplipyas
’Ti panagdayaw Kenca.

tune→ (English 332)
]]> 20130929T054842Z 20130929T054842Z 133. May They All Be One

“O agmaymaysada coma,”
Incararag ni Jesus
Bayat Isu ket cadduada
Sacbay natay iti cruz.

     Makipagcaycaysatay
     Caddua ti umilina,
     Ken Jesus a Mannubbottay
     Iti awan inggana.

“Dagiti intedmo Caniac
Pagcaycaysaem ida,”
Nupay sumagmamanoda,
Agbalin a sacsina.

“Pagcaycaysaem cad ida
A mamatinto Caniac
Tapno maiparangarang
A Sica imbaonnac.”

“O agmaymaysada coma”
Ti iyar-ararawna–
Cayatna, iti ayatna,
Agsisinninggalutda.

tune→ (English 333)
]]> 20130929T054841Z 20130929T054841Z 134. Hidden

Anian a nagsam-iten
O Dios a panunoten
A caniac ket intedmo
Ti talna a napudno!
Toy biag adda ken Jesus–
Naylemmeng Kenca, O Dios.

Dios, cadagita imam
Toy biag ket maaywanan
Manipud iti buteng;
Pusoc, natalingenngen–
Toy biag adda ken Jesus–
Naylemmeng Kenca, O Dios.

Ni Cristo la ti biagco
Ken ti talnac a pudno;
Iti ipapatayna,
Cararuac sinubbotna–
Toy biag adda ken Jesus–
Naylemmeng Kenca, O Dios.

tune→ (English 258)
]]> 20130929T054840Z 20130929T054840Z 135. Thou Thinkest, Lord, of Me

Iti tengnga ti ladingit
Ken panagbiag a nasiit,
O Dios, daytoy ket nagsam-it:
Panpanunotennac.

     Panpanunotennac
     Ken laglagipennac;
     Ania ti innac pagbutngan
     No addaca caniac?

Uray adda pagdanagan
Ken adut’ pacasuotan,
Iti pusoc patalgedam,
Panpanunotennac.

Uray pay no mapadasac
Ti liday ken rigat ti biag
Ket mapnecac ta naammoac,
Panpanunotennac.

tune→ (English 289)
]]> 20130929T054839Z 20130929T054839Z 136. All the Way

Makicuyogac ken Jesus–
Saanac a sumina;
Uray adda ti manglapped,
Sumurotac Kencuana.

     Ingganat inggana
     Sumurotac Kencuana.

Ti lubong ket paglicudac,
Ni Jesus ti pagtalcac;
Patgec unay ti ayatna–
Kencuana, sumurotac.

Makicuyogac ken Jesus
Awan pacaan-anoac;
Asina umanay caniac–
Kencuana sumurotac.

Umun-uneg, lumaglagda,
Incam panagmaymaysa–
Saancami nga agsina
Agingganat inggana.

tune→ (English 290)
]]> 20130929T054838Z 20130929T054838Z 137. Mine the Privilege

Insaganaannac ti Dios
Ti bagi ditoy daga–
Ipasaclawco Kencuana
Tapno pagtaenganna.

     Privilegioc ti agservi
     A cacuyog ni Jesus,
     Cas cadagiti immuna
     A napudno iti Dios.

Impasaclawcon ken Jesus
Ti pusoc ken cararuac;
Ti inna pacaay-ayoan
Ket tungpalenna caniac.

Kaimbagan iti biagco
Idatonco Kencuana;
Nasged a tarigagayco,
Gun-odec, paraburna.

Innac ngad makipaglac-am
Iti panagrigatna,
Iti pannacaumsina,
Iti kinadayagna.

tune→ (English 353)
]]> 20130929T054837Z 20130929T054837Z 138. My Heart is Resting

Dios, pusoc agin-inana
Ket agdaydayawac;
Ti ubbog ti bendicionmo,
Isut’ nasaracac.
Sica laeng ti mangmangted
Pannacapnec, ragsac;
Ti idiaydiaya toy lubong
Macapaay caniac.

Agsapsapul daytoy pusoc
Ti danum a nabiag
Ken gameng iti ayatmo,
Adtoy nasaracac.
Adda ti baro a cantac
A pagdayaw Kenca
Gapu iti paraburmo–
Diac pay natagicua.

Agdayawac latta Kenca
Nupay nacapuyac;
Maricnac ti adu unay
A pacasapulac.
Naitalimeng pay caniac,
Tawidco a rag-o;
Daytoy, Apo, ay-aywanam
Inggat maragpatco.

Dios, pusoc agin-inana
’Ti panangsaluadmo;
Innac ngarud mangmangngegan
Ti timec ti rag-o.
“Sica, O Dios, ti apagco”
Ti canta ti adu;
Ti samiweng ti cantada
Mataginayonto.

tune→ (English 244)
]]> 20130929T054836Z 20130929T054836Z 139. Heart It Is the World Requires

Masapul daytoy a lubong
Puspuso a natalec,
Sumursurot iti Apo,
Panggepda ket nalinteg;
Puspuso a mamaingel
Pudno a managparbeng,
Ti Dios lat’ inda dayawen,
Ayaten, ken tuladen.

     Puspuso a situtured
     Iti paggugubatan,
     Dida mabuteng a matay,
     Ti Dios inda imdengan.

Puspuso a mapagtalcan
Ken mannakipagricna,
Saan a manangallilaw,
Napnoda ti ayatna.
Puspuso a naparucma,
Uray patay sangoenda;
“Pagayatam ti matungpal”:
Daytoy ti cararagda.

Puspuso a siaayat
Cadagiti napucaw;
Naasi iti nabacnang,
Uray iti napanglaw.
Puspuso a nagpasaclaw
Cas ti puso ni Jesus;
Naragsac a makiranud
Iti rigat ken ’ti cruz.

tune→ (English 321)
]]> 20130929T054835Z 20130929T054835Z 140. My Heart Has One Desire

Ti panggep toy pusoc ita
Ket agtulnog iti Ama;
Diacto sumina ken Jesus;
Aginanaac Kencuana.

     Ipasaclawco ti biagco
     Tapno idalan ni Ama;
     Aywanannac ti imana
     Inggat magtengcot’ taengna.

Ti dalan a nagnaanna,
Pagnaac a siraragsac;
Pusoc ket ipasaclawco
Tapno magun-odco ti biag.

Apay ibusec ti pigsac
Iti awan mamaayna?
Ni Jesus ket sinubbotnac;
Mapnecac unay Kencuana.

tune→ (English 358)
]]> 20130929T054834Z 20130929T054834Z 141. A Tender Heart

Itdem caniac cad ti puso
A nalucneng ken napudno;
Maiyasping Kenca, Apo,
Iti aramid ken sao.
Iccatem cad caniac, natangken a puso;
Iccannac ti puso, napnoan paraburmo,
Napno iti asi ken pannacaawat–
Daytoy ti itedmo caniac, Apo.

Itdem caniac cad ti puso
Iti basol naluc-atan;
Nupay biagco di maycari,
Espiritum cad ti agyan.
Innac ngad lipaten biddut ti sabali,
Ket ti kinaemmam isut’ ipakitac;
Nadalus a puso ken manamacawan–
Daytoy ti itedmo, Apo, caniac.

Itdem caniac cad ti puso:
Napalungdo, mapagtalcan,
Ken puso a mannaranay
Cadagiti madagsenan.
Makipagricnaac ’ti ricnat’ sabali,
Gayyem ken cabusor ket innac tulongan,
Ken iti rigatda makipagibtorac–
Pusoc silulucneng sadinoman.

tune→ (English 215)
]]> 20130929T054833Z 20130929T054833Z 142. Live For Others

Sapay coma agbiagca
Agpaay ’ti sabali–
Ti Manangisalacan
Castoy a nagbiag idi.

     Inaldaw nga agbiagca
     Agpaay ’ti sabali
     A casla kenni Jesus,
     Naayat ken naasi.

Sapay coma agbiagca
Agpaay kenni Cristo;
Isu ket nagbiag, natay
A gapu iti tao.

Sapay coma agbiagca
Cas ti tarigagayna;
Pusom managparabur
Ken managayat coma.

Inton biagmo manungpal
Iti Dios agawidca;
Nagdackelen ti ragsac
No magongonaanca.

tune→ (English 324)
]]> 20130929T054832Z 20130929T054832Z 143. Lord My Heart’s Deep Need

O Apo, ammom la unay
Casapulan toy puso;
Adtoyac iti saclangmo
Dumngeg iti timecmo.
Apo, iti pagayatam
Ket siaanamungac;
Iti saom a sibibiag,
O Apo, pennekennac.

     Cararuac ket sigagagar
     A Kenca ket mapnoac;
     Babaen ’ti Espiritum
     O Apo, marcaannac.

O Apo, ammom la unay
Casapulan toy puso;
Tignayennac a sumurot
Iti lawagmo, Apo.
Dawatec a tulongannac
Iti kinacapuyco.
Iti pannacabalinmo
Iyaspingnac ken Cristo.

O Apo, ammom la unay
Casapulan toy puso;
Ararawco ket imdengam–
Ti asim, ipaaymo.
Lagipennac cadi, Apo;
Parabur itdem caniac
Tapno innac macasurot
Inggat rupam makitac.

tune→ (English 200)
]]> 20130929T054831Z 20130929T054831Z 144. Take Up Thy Cross

“Ti cruzmo inca baclayen”
Kinuna ni Jesu-Cristo,
“No Siac ti inca suroten,
Paglicudam ti bucodmo.”

Ti cruzmo inca baclayen
Uray no madagsenanca.
Ni Jesus tumulong kenca–
Umanay ti paraburna.

Ti cruzmo inca baclayen
Ket dimo ibain coma
Ni Jesus ket nagsagaba
Tapno maisalacanca.

Ti cruzmo inca baclayen
Ket ken Jesus sumurotca;
Ti balligi magun-odmo
No agtulnogca Kencuana.

tune→ (English 96)
]]> 20130929T054830Z 20130929T054830Z 145. Jesus I My Cross Have Taken

Jesus, baclayec ti cruzco,
Ket sumurotac Kenca;
Uray no maum-umsiac,
Agpatuloyac latta.

     Maygapu caniac, O Jesus,
     Imbucbucmo ti daram;
     Uray amin wacsiendaca,
     Saanca a paglicudan.

Uray mapucaw ti amin
A panggep ken namnamac,
Nabacnangac kenni Cristo
Ta ti Dios adda caniac.

Uray lubong lacsidennac,
Mangnamnamaac Kenca;
Ti tao manangallilaw
Ngem Jesus, napudnoca.

Sicat’ innac pagcamangan
No maidadanesac;
Uray no adda ti rigat,
Kenca, adda inanac.

tune→ (English 25)
]]> 20130929T054829Z 20130929T054829Z 146. Heart and Purpose

Toy ti timec a naylangitan
A mangmangngegco a masansan:
“Ti Dios innaca casapulan,
Aywanam dayta pusom.”

     Mannubbotco, cadduaannac
     Agingganat taengmo,
     Ket parsuaem cadi caniac
     Ti napudno a puso.

Pagsanudennac ti butengco,
Lappedannac ti cabusorco;
Saludsudco iti bucodco,
“Napudno cad toy puso?”

Pammati mangpatalged caniac,
Namnama manglawag toy matac,
Ken ayat ti Dios ti mangsaluad
Iti panggep ken pusoc.

tune→ (English 381)
]]> 20130929T054828Z 20130929T054828Z 147. Help Me Lord

Tulongannac cadi, O Dios,
Iti innac pannagna
Tapno naimpusoan coma
Ti panagservic Kenca.

     Tulongannac nga agservi
     A sipupudno, O Dios;
     Siaayat, itdec toy biag
     A casla kenni Jesus.

Tulongannac cadi, O Dios,
Nga agpasaclaw Kenca
Tapno macaay-ayoac
Agingganat inggana.

Tulongannac cadi, O Dios,
Nga umimdeng la Kenca
Tapno dagiti simiasi
Ket matulongac ida.

Babaen ’ti naimpusoan
A panagservi Kenca,
Magun-od ti pannacapnec
Ti puso ken cararua.

tune→ (English 322)
]]> 20130929T054827Z 20130929T054827Z 148. No Reputation

Uray no awan ti dayaw caniac,
Kenni Jesus itedco daytoy biag;
Agmulaac iti Espiritu
Tapno ti balangat magun-odco.

Uray no awan ti dayaw caniac,
Kenni Jesus agtalinaedac;
Masapul ngarud a bumassitac
Tapno Isu ti dumackel caniac.

Uray no awan ti dayaw caniac,
Kenni Jesus ket mangnamnamaac
Iti dayag a nailangitan
A di maumsi ti siasinoman.

Uray no awan ti dayaw caniac,
Kenni Jesus ket sipepennecac;
Iti biag wenno ’ti ipapatay,
Carcarina ket pagtalcac unay.

tune→ (English 408)
]]> 20130929T054826Z 20130929T054826Z 149. Oh! For the Peace

Iti panagtalec Kenca,
Addaanac talna
Gapu ta ti pagimbagac
Ti panggepmo, Ama.

Dios, uray no mapaayac,
Rigat mapadasac,
Ket uray nacurapayac,
Umanayca caniac.

Uray mapucaw ti pigsac
Ken madagsenanac,
Ti pagayatam, O Ama,
Ti matungpal caniac.

Uray pay no maupayac,
Daytoy pagimbagac
Tapno toy lubong adayoac–
Sica ti asitgac.

Iti panagtalec Kenca
Addaanac talna,
Ta ti imam ti paggapuan
Ti pudno a pigsa.

Denggec ti timecmo, Ama,
Ket paiturongac;
Iti panagtalec Kenca,
Adda ti inanac.

tune→ (English 278)
]]> 20130929T054825Z 20130929T054825Z 150. Dear Saviour Let Thy Peace

O Manangisalacanco,
Talna itdem caniac;
Iccatem ti panagbuteng
Casta met ti panagduaduac.
Apo, asitgannac,
Ket saranayennac.

No umay ti rigat caniac,
Kenca, agcamangac;
Apo, Sica ti matmatac,
Ayatmo pangnamnamaac.
Awan ti pagbutngac
Ta salacnibannac.

Cadagiti pagdanagac,
Umasugac Kenca–
Apo, dinac cad baybay-an,
Itdem caniac ti liwliwa.
Casapulan toy biag
It-itedmo caniac.

Inton aggibus toy biagco
Ket awagannacto,
Ti ladingit mapucawto;
Agragsacac no mangngegco,
“Anacco umayca,
Ket aginanaca.”

tune→ (English 315)
]]> 20130929T054824Z 20130929T054824Z 151. Thy Perfect Love

Ayatmo coma, Apo,
Ti rumayray caniac
Tapno iti kinapudno
Agtalinaedac.

     Parayrayem caniac
     Nasged nga ayatmo
     Tapno diac ngad a sumiasi
     Iti kinapudno.

Ayatmo coma, Apo,
Mangguyugoy caniac
Tapno innac ngad tungpalen
Pagayatam caniac.

Cas ’ti panagayatmo
Agayatac coma;
Ragsacco ti agsagaba
Mairaman Kenca.

Dayta coma ayatmo
Ti mamagcaycaysa
Iti amin nga umilim
Nga agservi Kenca.

tune→ (English 216)
]]> 20130929T054823Z 20130929T054823Z 152. His Way is Best

Ti sao ni Jesu-Cristo
Mangririing itoy puso;
Ti cunana, “Agsubliac,
Agpuyatca, agcararag.”

     Kaimbagan ti dalanna,
     Surotec ti nagnaanna;
     Ti tarigagay toy puso
     Ket agbalin a napudno.

Ot-otobec daydi sao
A ni Cristo agsublinto
Tapno dagiti cucuana
Ket alaennanto ida.

Uray umsien ti caadduan
Daytoy nanumo a Dalan
Agbalinac a napudno
Inggat agsubli ti Apo.

Ti macapnec nga ayatna
Ken naruay a paraburna,
Dagitoy mangsaluad caniac
Inggat Isu ket makitac.

tune→ (English 282)
]]> 20130929T054822Z 20130929T054822Z 153. Tomorrow’s Path

Ti dalan no bigat ditay ammo
Ngem magnatay latta.
Agtalectay laeng iti Ama–
Ti dalan ammona.

     Iti ayat ket italtalimengna
     Ti masacbayantayo
     Ta ammona nga umanay ita
     Dagiti aw-awittayo.

Agpanpannuray iti ayatna
Bayat magmagnatay;
Addaan ti nasnec a pammati
Ket sumursurottay.

Dagiti peggad iti dalantay
Di nalmeng ken Ama;
Manipud iti silo ti basol,
Datay ilisina.

No ti langittayo ket naulep,
Saona ket denggen,
“Daytoy lumbes ket adda namnama
Nga aglawag manen.”

tune→ (English 270)
]]> 20130929T054821Z 20130929T054821Z 154. I Know In Whom I Have Believed

Am-ammoc daydiay pinatic–
Sumaclangacto Kencuana
’Ti aldaw ti panangocom,
Cawescot’ kinalintegna.

     Am-ammoc ni Jesu-Cristo,
     Ket patiec a saluadanna
     Dagiti carcarnerona
     ’Ti kaunggan ti pusona.

Am-ammoc daydiay pinatic–
Isu laeng ti pagtalcac;
Pagayatanna awatec
Uray maipababaac.

Am-ammoc daydiay pinatic–
Di matucod ti ayatna;
Awan ti pagpatinggaan
Ti dackel a paraburna.

Am-ammoc daydiay pinatic–
Panangocom diac pagbutngan;
Sitatalgedac iti Dios
Uray inton panungpalan.

tune→ (English 273)
]]> 20130929T054820Z 20130929T054820Z 155. I Know Not Why

Diac nga ammo ti gapuna
Ti Dios impalti’ngna
Ti parabur ken ayatna;
Biagco, sinubbotna:

     Ngem am-ammoc daydiay pinatic,
     Ket patiec unay inna aywanan
     Ti amin nga intalecco
     Ingganat panungpalan.

Diac nga ammo no casano
Iti sasaona
Naaddaanac pammati–
Pusoc napagtalna:

Diac nga ammo no casano
Ti Espirituna
Pinarsuana ditoy pusoc
Pammati Kencuana:

Diac nga ammo no caano
Ti isusublina
Wenno ti isasabatco
Iti iyaayna:

tune→ (English 271)
]]> 20130929T054819Z 20130929T054819Z 156. The Next Step

Ti masangoanan diac makita,
Ti pigsac diac manamnama,
Ngem sumaganad nga addangco
Italecco laeng kenca.

     Ti sumaganad nga addangco
     Saluadam iti panggep ti Dios;
     Ti namnamac adda la Kenca–
     Pabilgennac cadi, O Jesus.

Incarim umdas a parabur
Tapno suot pagballigian;
Umno a dalan insaganam
Tapno ti silo malissian.

Liplipaten, pannacapaay
Ken panaginbubucodan;
Sikikita iti sangoanan,
Surotec lat’ pagayatam.

No sumaganad nga addangco
Ket malingedan ti bagio,
Caddua ti Dios, magnaac latta–
Palintegennat’ addangco.

tune→ (English 277)
]]> 20130929T054818Z 20130929T054818Z 157. A Life of Overcoming

Ti biag ti panangparmec,
Biag ti panagdayaw:
Ti mapaadda kenca
Ita ken inaldaw.
Balligi ginatangna
’Diay cruz ti Calvaryo;
Nawayawayaanca
Babaen ken Cristo.

Cayatmo cad nga ammoen
Palmeng ti balligi?
Palubusam ni Jesus
A kenca, agari.
Ti nadudog a pusom
A kinayawanna,
Makipagballiginto
’Ti panagparangna.

Nupay sipnget manglacub
Iti pagpagnaam,
Magun-odmot’ balligi
No Isut’ matmatam.
Napasnec a pammati
Mamabileg kenca;
Iti pannakibacal,
Daytoy, pumigpigsa.

Bumara ti dangadang
Sacbay ti ’yaayna.
Dagiti immanamong
Macapagtacderda;
Gapu ta inawatda
Ti Dios iti biagda
Magun-oddat’ balligi
Nga awan inggana.

tune→ (English 294)
]]> 20130929T054817Z 20130929T054817Z 158. Strong in the Strength

Adda pigsa iti ayat, talec, kinaemma–
Uray iti kinacapuy agtuloyac latta.
Ni Jesus, Isu ti baggac, mangibagnos caniac,
Mangsilnag iti dalan, mangtarabay caniac.

Ti naraniag a silawna, mangmangted namnama;
Nawadwad nga asina ket mangipakpakita
Ti gameng sadi langit cadagiti napudno
Nga umag-agawa nga agservi ’ti Apo.

Daytoy pigsac ket sagutna– awan ti curangna.
Tinapay, danum a nabiag ket macapennecda.
It-itedna ti tunggal banag a casapulac;
Ti carina ket pudno– mamabacnang caniac.

Casano a patgec ti panangawagna caniac?
Bayat agdaldalyasat, masapul masuotac
Iti bagio ti sulisog ken ti kinatao;
“O inca cad agtalna,” arasa’s ti Apo.

tune→ (English 283)
]]> 20130929T054816Z 20130929T054816Z 159. Pressing On

Umagawaca ken agtuloyca
A makicaddua kenni Jesus;
Dica maupay wenno mabannog
Inggat pannagnam ket maturpos.

     Inca umagawa;
     Agbannog ken agcararagca
     ’Ta puso ken biagmo,
     Pagtalinaedem Kencuana.

Umagawaca ken di agtactac–
Kinasipnget agsacsacnapen;
Iti sibayna ket natalgedca
Uray peggad ket laslasatem.

Umagawaca ngad a sumurot
Cadagiti addang ti Apo
Ken cadagiti addan ’diay langit–
Sadiay, nagdanunan ti rag-o.

Inca makigayyem kenni Jesus
Bayat addaca ditoy daga.
Idiay langit, ur-urayennaca;
Agnanayon nga agdayawca.

tune→ (English 366)
]]> 20130929T054815Z 20130929T054815Z 160. May the Lord Depend On You

Iti pannakibacaltay
Gapu ’ti kinapudno,
Matalec nga ad-adipen,
Casapulan ti Apo.
Mapangnamnamaanca,
Mapagtalcanca aya?

     Mapangnamnamaanca,
     Mapagtalcanca aya?
     Bumileg, umingelca
     Tapno pagtalcannaca.

Intay ngarud makibacal
Cas soldado ti Apo–
Maibusor iti sipnget,
Pigsanat’ bilegtayo.
Ti Dios ket mangnamnama,
Mapagtalcanca aya?

Kitkitaennatay ti Dios–
Daytoy tulong cadatay.
No ni Jesus ti pangulo,
Macapagballigitay.
Dagiti mapagtalcan
Ket inna balangatan.

tune→ (English 372)
]]> 20130929T054814Z 20130929T054814Z 161. Clad in Your Armour

Amin a cabal icawesmo
Iti pannakidangadangmo;
Papigsaennaca ni Cristo,
Agballigicanto.

     Agpuyat ken agcararagca,
     Agdawat ket agballigica;
     Ni Cristo ket idalannaca,
     Salacnibannaca.

Agigamca ngad ti saona;
Agtulnogca iti bilinna;
Agmaingel ken aganusca,
Ket agballigica.

Ti cabal ngad ti kinalinteg
Icawes ket inca bumileg;
Ti calasagna mangsalindeg,
Agballigicanto.

Lintegem ti inca pannagna;
Pammatim silalagda coma;
Iti ayatna agragsacca,
Ket agballigica.

tune→ (English 373)
]]> 20130929T054813Z 20130929T054813Z 162. Youth

Agyamancami Kenca, O Apo,
Gapu cadagiti agtutubo
A mangay-ayat iti dalanmo;
Awis ti lubong, di icancano.

     Saluadam cad ida, Apo,
     Babaen ’ti pannacabalinmo
     Ta iti pagariam ket tumultulongda;
     Casla bin-i, biagda imulmulada.

No agar-ari ti kinatao,
Supsupringenna ti kinapudno,
Daddadaelennat’ pammatida,
Apo, salacnibam coma ida.

No ti Mannulisog mangallilaw
Tapno agsanudda ket mapucaw,
Ipaawatmo cad cadacuada
Ti panangigaga ti Amada.

tune→ (English 323)
]]> 20130929T054812Z 20130929T054812Z 163. How Sweet It Is

Nagsam-it ti ma’yadayo
Manipud basbasoltayo–
Sumurot ken Jesus!
Nagsam-it ti maluc-atan
Iti bucodtay a dalan–
Agtalec iti Dios!

O, nagsam-it no makita
Datay ket napacumbaba,
Napnoan paraburna!
Nagsam-it no mapaadda
Cadatay ti kinaemma–
Agbiag a natalna!

O, nagsam-it no ti biagtay
Iti Dios ket ipaaytay,
Ket aramatenna!
Nagsam-it no irucmatay
Di umno a panunottay
Iti imatangna!

Nagsam-it no ti cararua
Macagun-od ti inana
’Diay taeng ti Ama!
Ti ayat a nagdanunan
Ket intayto pagragsacan
Ingganat inggana.

tune→ (English 247)
]]> 20130929T054811Z 20130929T054811Z 164. How Sweet the Thought

Ni Amac Isut’ nagpanggep
Iti ragsacco ken liday;
Iti pannacasuotco,
Paraburna ket umanay.

     Nagsam-iten a maammoan
     Biagco inna salacniban!
     Iti pammati makitac
     Daydiay natay gapu caniac.

Iti ruar adda cabusor,
Iti uneg adda danag,
Ngem paraburna pagtalcac,
Pigsana pangnamnamaac.

Aniaman ti masacbayan,
Ti asina ti pagtalcac.
Iti panagpasaclawco,
Ni Cristo maipanayag.

Cayatco a masursuro
A paglicudan toy biagco
Tapno inton ayabannac,
Maiyaspingac ken Cristo.

tune→ (English 280)
]]> 20130929T054810Z 20130929T054810Z 165. Sweet Is the Rest

Anian a nagsam-it ti inana
Inton pannacapaay mamingga!
Ti pagayatam ti nagballigi,
Panggepmo caniac, tungpalem cadi.

     Itdem caniac daytoy nga inana
     Tapno Kenca, magunodcot’ talna.

Anian a nagsam-it ti inana
No ti kinatao maparucma!
Kenni Cristo ti biag mapabaro,
Mapasudi, ken macaay-ayo.

Anian a nagsam-it ti inana
Inton panagbannog ket mamingga!
Sicat’ maicari iti dayaw–
Mangmangted balligi ’ti inaldaw.

Anian a nagsam-it ti inana
Inton agwayaway toy cararua
Tapno makicaddua, Apo, Kenca,
Ken ’ti ilim ingganat inggana!

tune→ (English 317)
]]> 20130929T054809Z 20130929T054809Z 166. Dear Lord, When Dark

Apo, no dalanmi masipngetan
’Ti panagcararag, suroannacam
Ket ti laeng coma pagayatam
Ti matungpal.

Apo, no ti basol lumanlanlan,
Bumarbara dagiti dangadang,
Namnamami a ti pagayatam
Ti matungpal.

Uray cararuami madagsenan
Ken espiritumi mapaldaang,
Ti panggepmi ket ti pagayatam
Ti matungpal.

Ti pammacawanmo masapulmi
Iti inaldaw a pannagnami;
O Apo, ti pagayatam cadi
Ti matungpal.

Ti biagmo mamabileg cadacam;
Iti caaddam, agballigicam.
Agcaricam a ti pagayatam
Tungpalenmi.

tune→ (English 260)
]]> 20130929T054808Z 20130929T054808Z 167. Lord, in My Need

Apo, iti casapulac,
Tulongannac coma
Tapno ’ti daytoy nga aldaw
Napudnoac Kenca.

Uray pay no ti apagco
Ket diac nagayatan,
Ammoc, iti pagayatam,
Ket diac mapucawan.

No Sica, Apo, ti cadduac,
Natalingenngenac;
Uray bumusor ti amin,
Adda ti inanac.

No dalanco masipngetan,
Apo, kibinennac;
Aginggat lumnec ti init
Ket salacnibannac.

tune→ English 259)
]]> 20130929T054807Z 20130929T054807Z 168. Lead Me to the Rock

Apo, denggem ti ararawco Kenca–
Mariribucan, awan namnamac;
Kibinennac coma ket iturongnac
Iti Bato a dacdackel ngem siac.

“Adda ti namnama, padasem manen”–
Daytoy, Apo, pangliwliwam caniac;
Nupay naabacac, sitatalecac
Iti Bato a dacdackel ngem siac.

Kinatangsit, panaginbubucodan
Ken kinasukir ’yadayom caniac;
Tulongannac cadi tapno sapulec
Ti Bato a dacdackel ngad ngem siac.

No ti panggepmo ket diac maawatan
Ket ladingit ti mangpunno caniac,
Sapay coma ngarud a diac agduadua
Iti Bato a dacdackel ngem siac.

No masulisogac a mangilibac
Iti Apo a nangsubbot caniac,
Patibkerem cadi daytoy pammatic
Iti Bato a dacdackel ngem siac.

tune→ (English 288)
]]> 20130929T054806Z 20130929T054806Z 169. Lead Me On

O Jesus, siraragsacac
A paidalan Kenca
Iti dalan a nagnaam
Nga agturong ken Ama.

     Idalannac, O Jesus,
     Iti inca nagnaan
     Nga agturong iti Dios.

Pagay-ayatac la unay
Ti sumurot ken Jesus;
Pagragsacac a tungpalen
Ti pagayatan ti Dios.

Diac ammo ti masangoanac;
Ngem, awan ti butengco
Ta Sica ti mangibagnos
Cadagiti addangco.

Napateg a panunoten
Ni Jesus, idalannac;
Ti pusona agpangpanggep
Iti pagsayaatac.

tune→ (English 78)
]]> 20130929T054805Z 20130929T054805Z 170. Lord Jesus, Lead

Apo Jesus, idalannac cadi–
Kibinennac.
Ipaaymo cad ti asim, Apo
Ta nalaus ti kinacapuyco.

     Iti sipnget ilasatmo cadi
     Toy cararuac:
     Ket ti kinasukirco iccatem
     Ditoy puso.
     Di la ket ta mayaw-awanacto
     Ket mapucaw.

Apo, caniac, pagtalinaedem
Ti ayatmo;
No aramatem, Apo, toy biagco,
Isu-amin, Kenca, ipaayco.

Antabayannac cadi, O Apo,
’Ti inaldaw,
Apo, itdem cad caniac ti pigsa
Nga agtuloy ingganat inggana.

tune→ (English 46)
]]> 20130929T054804Z 20130929T054804Z 171. I Would Be True

Agtalinaedac a sipupudno,
Ta sitatalec caniac ti Ama
Nga aywanac dagiti gamgamengna–
Diac coma a dadaelen ida.

Agtalinaedac a sipupudno;
Sitatalec caniac ti ilina,
Ket tacderac ngarud ti kinapudno
Tapno diac coma paayen ida.

Agtalinaedac a sipupudno
Gapu cadagiti nayaw-awan,
Ket no sapulendanto ti Mannubbot
Masaracanda coma ti Dalan.

Agtalinaedac ngad a napudno
’Ti amin nga intalecna caniac,
Ket diac coma a paayen ti Ama
Aginggat rupana ket makitac.

tune→ (English 342)
]]> 20130929T054803Z 20130929T054803Z 172. Christ for Me

Nagricuten no ni Cristo
Di nagbiag agpaay caniac,
Ket babaen iti biagna,
Panggep ti Dios, naypanayag.

No di a natay ni Cristo,
Asi pay daytoy cararuac;
Babaen iti darana,
Namnama, naiyeg caniac.

Diac makapagna a sisiac
Iti dana daytoy a biag;
Ngem, ni Jesus adda caniac–
Isu la ti casapulac.

Masansan a maupayac,
Ngem ,Isu, ibabaetnac.
Iti trono ti parabur,
Pammabileg masaracac.

Panawacto daytoy lubong
Ket ni Cristo subliennacto;
No awagannac ni patay,
Umanay caniac ni Cristo.

tune→ (English 64)
]]> 20130929T054802Z 20130929T054802Z 173. Oh, for a Closer Walk

Pannakicadduac iti Dios,
Nadecdecket coma
Tapno inaldaw tungpalec
Ti pagayatanna.

Ti isusurot iti Dios
Mangted wayawaya;
Panagpasaclaw Kencuana
Ket mangted ti talna.

No ayatec ti bucodco,
Mapucaw ti biagco;
Itdec ti biagco iti Dios
Tapno agbunganto.

Ti panagtulnog iti Dios,
Mamapigsa caniac
Tapno daytoy kinataoc
Ket mapagballigiac.

tune→ (English 266)
]]> 20130929T054801Z 20130929T054801Z 174. Gracious Redeemer

Mannubbotco a pacaysalacanac,
Iti daram lat’ pacasubbotan.
Ti paraburmo masapulco unay
Tapno matungpalcot’ pagayatam.

Ti kinataoc cayatnac a lapdan,
Dagiti basbasol galutandac;
Itdem ngarud ti paraburmo caniac
Tapno Sica laeng ti pagserviac.

No awanca ket natangken toy pusoc–
Ayat ken asim ket casapulac;
Itdem caniac ti Espiritu Santo
Tapno ti bilegna ket maricnac.

Tarigagayco mapno ti parabur–
Tagicuaem, dalusam toy puso.
Iti asim, imbucbucmo ti daram;
Nagballigica, cucuanac Apo.

Apo, tulongannac cadi a magna–
Naan-anay ken awanan tulaw.
Iturayam tunggal capanunotac
Tapno Sicat’ innac idaydayaw.

tune→ (English 206)
]]> 20130929T054800Z 20130929T054800Z 175. Approved of God

Ti paca’y-ayoan ti Dios capatgan–
Ania pay cad ti tarigagayan?
Daytoy comat’ mangtignay cadatay
Nga idaton Kencuana ti biagtay.

Naca’y-ayoan ti Dios ti Anacna–
Isu canayon a nagagawa;
Tinurposna ti panagpagpagna–
Nagungar ket agar-ari ita.

Panggepco ti ma’yasping Kencuana–
Uray agibtorac a cadduana–
Ken cas cadagidi napupudno
A nagpaituray iti Apo.

Ti paca’y-ayoan ti Dios bendicion–
Dayaw ti tao ket di manayon.
Pagturayam cad toy pusoc, O Dios,
Tapno napudnoac cas ken Jesus.

tune→ (English 299)
]]> 20130929T054759Z 20130929T054759Z 176. Our Blest Redeemer

Ni Jesus a Mannubbottay,
Imbatiannatayo–
Mangliwliwa, Mangidalan,
Mangisuro.

O napudno ken nasam-it,
Pannakicadduana–
Iti nalucneng a puso,
Aginana.

Ti timecna ti mangiccat
Ti panagdanagtay,
Di umno a panunottay,
Ken amactay.

Cucuana amin dagitoy:
Ti talunggadingtay,
Panunottay a nasantoan,
Balligitay.

Caasiannacami cadi,
Espiritu Santo,
Ket aramidennacami
A taengmo.

tune→ (English 208)
]]> 20130929T054758Z 20130929T054758Z 177. How Blessed are the Undefiled

Nagasat ti awan tulawna;
Uray dakes aglicmotna
Ket magmagna iti Dalan
A kibkibinen ti Ama.

     Na’yasidegda iti Dios
     Gapu ’ti dara ni Jesus.

Nagasat ti awan tulawna
A ti Dios la ti pigsana;
Mangay-ayat iti Dalan,
Naimpusoan a magmagna.

Nagasat ti awan tulawna;
Iti basol di pa’yayos
Agsipud ta kumitkita
Ken sumursurot ken Jesus.

Nagasat ti awan tulawna
Nga agdaydayaw Kencuana;
Parabur ken Kinapudno–
Dagitoy ti pagrag-oanna.

tune→ (English 356)
]]> 20130929T054757Z 20130929T054757Z 178. I Need the Mind of Christ

Masapulco unay
Ti nakem ni Cristo
Tapno dagiti bilinna
Ket maipategco.

     Idalannac cadi,
     Espiritu Santo
     Tapno ma’yaspingac coma
     Kenni Jesu-Cristo.

Masapulco unay
Ti nakem ni Cristo
Tapno pagayatan ti Dios,
Ita matungpalco.

Ti nakem ni Cristo,
Masapulco unay
Tapno iti paraburna,
Ket innac rumang-ay.

Masapulco unay
Ti nakem ni Cristo
Tapno mapnoac ti ayat
Ken ti kinasanto.

tune→ (English 390)
]]> 20130929T054756Z 20130929T054756Z 179. My Refuge and Hope

Ti namnamac adda ken Jesus,
Isu laeng ti liwliwac;
Nupay narigat ti pagnaac,
Ammoc nga antabayannac.

     Uray basol licmutennac,
     Pusoc sitatalged latta,
     Ta ni Jesus la ti camangco;
     Namnamac, adda Kencuana.

Salacnibannac ti imana
Ta ti cabusor napigsa;
Agtalecac iti naganna–
Panagballigi itdenna.

Dinto sumina ti asina
Cadagiti umilina;
Ti kinacapsutda ammona
Ket pammapigsa itdenna.

Dagiti napapacumbaba
Ken dagiti naeemma
Ti pagtaengan ngad ni Jesus;
Ket, isuda ti ragsacna.

tune→ (English 295)
]]> 20130929T054755Z 20130929T054755Z 180. O God I Thank Thee

O Dios, agyamanac Kenca
Gapu ’ti dalanmo
Ken ’ti silaw a nanglawag
’Ti nasipngetan a biagco;
Pusoc si’anamong
Kenca a canayon.

Toy pusoc ket siyayaman,
Sidadayaw Kenca
Gapu ’ti pammendicionmo
Ken inca panagagawa
A mangipaawat
Iti saom caniac.

Ammoc a managbasolac–
Umar-ararawac
A tulongannac cad, O Dios,
A ti basol pagballigiac
Tapno toy cararua
Ket agwaya-waya.

Ti akikid a dalanmo
Ket innac pagnaan
Tapno makitada caniac
Ti rag-o a nagdanunan,
Ken pudno a talna
A naggapu Kenca.

tune→ (English 237)
]]> 20130929T054754Z 20130929T054754Z 181. O God of Bethel

O Dios a managsagana
Iti masapulmi–
Iti panagpagpagnami,
Idalannacami.

Dagiti carcararagmi,
Ipangagmo cadi.
O Dios dagiti ammami
Kibinennacami.

Iti naricut a biagmi,
Badangannacami;
Taraonannacam, O Dios,
Cawesannacami.

Iti panagpagpagnami,
Saluadannacami
Agingganat madanonmi
Balaymo, Amami.

tune→ (English 12)
]]> 20130929T054753Z 20130929T054753Z 182. I am Satisfied Indeed

Nagnaac idi ’ti sipnget,
Ni Jesus diac am-ammo;
Ngem, dimteng ti Evangelio
A caniac, namagrag-o.

     Ken Jesus mapnecac–
     Mapnecac ngad Kencuana;
     Canayon, paidalanac
     Iti Espirituna.

Ni Jesu-Cristo ti aric
Iti awan inggana;
Isu ti dalan ken biagco
Ket dicamto agsina.

Mapnecac unay ken Jesus;
Winayawayaannac;
Ket sumurotac Kencuana
A natay gapu caniac.

tune→ (English 368)
]]> 20130929T054752Z 20130929T054752Z 183. Loose Not Thine Hold

Cumpetca a naimbag ken Jesus, O cararua;
Nacaam-amac unay ti dalan–
Asideg ni Jesus, cumitaca.

     Ti rabii ket lumabas sacbay ti agsapa.
     Isu matmatam ta ti pagbutngam ket ammona.
     Ti panagbannawag ket dumtengto– aganusca.
     No dimo mailasin ti peggad, agtalnaca.

Ammo unay ti Apo ti dalan, agtalecca;
Uray pay no namnamam mapucaw,
Cumpetca ngarud latta Kencuana.

Agturedca, ta napateg unay ti gongona;
Ababa laeng dagiti biagtay–
Cumpetca a naimbag Kencuana.

No dayta ngad biagmo ket naurnos, O cumpetca;
Iti lawag wenno iti sipnget,
Masapultayo ti paraburna.

tune→ (English 338)
]]> 20130929T054751Z 20130929T054751Z 184. Jesus, The Very Thought of Thee

Jesus, no panunotenca
Pusoc napnoan ragsac;
Ngem, ad-adda ti ragsacco
No rupam makitac.

Awanen ti masaracan,
Canta wenno sao,
Nga ad-adda ti sam-itna
Ngem iti naganmo.

Cadagiti naeemma
Ken napacumbaba,
Sica la ti liwliwada,
Ken ti namnamada.

Ayatmo a naindaclan,
Saan a mayebcas,
Ngem daytoy nalawag unay
Iti nacapadas.

Jesus, Sica ti rag-omi–
Awanen sabali;
Iti ingganat inggana,
Sica ti dayagmi.

tune→ (English 13)
]]> 20130929T054750Z 20130929T054750Z 185. In Jesus Hands

No toy pusoc madagsenan
Ken diac a maawatan,
Itaclinco kenni Jesus
Ti diac a mabaelan.

     Itaclinco kenni Jesus
     Ti diac a mabaelan,
     Yantangay ammoc la unay
     Nga inna maawatan.

Saludsod dagiti tao,
“Ania ti kinalinteg?”–
Ti sao ken biag ni Jesus
Ti sungbat a natalged.

Matmatmatac a canayon
Ni Jesus a napudno;
Banbanag daytoy a lubong,
Amin, ket panawacto.

Isu ket makitadanto,
Sibibiag, agar-ari;
Ket agrucnoyto Kencuana
Isu-amin nga ili.

tune→ (English 287)
]]> 20130929T054749Z 20130929T054749Z 186. I’ve Vowed to be True

Nagcariac ken Mannubbotco
Nga Isu la ti pagserviac;
Napudno ti panggep toy pusoc
Aniaman ti mapasamac.

     Naisaocon ti irurucmac,
     Nakitulagac Kencuana;
     Paglicudac dagiti ragsac,
     Daytoy biagco ket cucuana.

Nagcariac ken Mannubbotco
Nga Isu la ti surotec;
Patgec la unay ti ayatna
Uray biagco pay ti itdec.

Nagcariac ken Mannubbotco,
Isu piliec a gayyemco;
Inton awagannac ni patay,
Ken Jesus cumuyogacto.

Diacto agbaliw iti caric
Uray pay agsagabaac;
Ti matay a caddua ni Jesus,
Naim-imbag ngem ragragsac.

tune→ (English 352)
]]> 20130929T054748Z 20130929T054748Z 187. Saviour, Keep Me True

O Manangisalacanco,
Itdem cad ti tulongmo
Tapno inaldaw magnaac,
Matalec ken napudno.

     Pagtalinaedennac
     A mapagtalcan Kenca;
     Ti pagayatam, Apo,
     Matungpal caniac coma.

Maparmecco ti cabusor
Iti caaddam caniac;
Mapagballigiac ti dakes
No la ket pabilgennac.

Iti panawen ti suot,
O Apo, saluadannac;
Ti nasam-it nga inana
Itdem iti cararuac.

Buyogam cadi ti pigsam
Daytoy tarigagayco–
Inaldaw makidangadang
Inggat calat, magtengco.

tune→ (English 336)
]]> 20130929T054747Z 20130929T054747Z 188. Can Ye Not Watch?

Di mabayag ti intay panagpuyat
Caddua ni Jesus iti dalanna
Tapno iti biag nga awan inggana
Makipagaritayto Kencuana.

     Gapuna, agtured ken agpuyattay
     Ket pabilgentay ti panggeptayo
     Ta sasaoen ti Manangisalacan,
     “Caniac ket makipagpuyatcayo.”

Di mabayag nga agsagabatayo
Cadagiti umsi, tooc, rigat;
Mabiit nga aglasattay ti bagio–
Calpasanna, adda ti balangat.

Di mabayag a sangoentay ti suot–
Calpasanna, adda ti inana;
Di mabayag bucod paglicudantay–
Calpasanna, biag awan inggana.

tune→ (English 395)
]]> 20130929T054746Z 20130929T054746Z 189. A Little While

Di mabayag nga ibturen
Ti panagbaclaytay ti cruz,
Ken panangsango ’ti umsi
A mairanud ken Jesus.

     Ti tiempo ilalaentay
     Agpuyat, agcararagtay;
     Bayat adda ti gundaway,
     Ken Jesus ket agservitay.

Di mabayag a sarangten
Dagiti cabusortayo–
Ti Dios ti adda cadatay,
Balligi malac-amtayo.

Di mabayag a tarayen
Ti lumba a rinugiantay
Inggat macaturpostayo,
Ket gongona magun-odtay.

Di mabayag nga aywanan
Ti pammatitay Kencuana.
Iwarnactay ti saona;
Madaydayaw ti naganna.

tune→ (English 396)
]]> 20130929T054745Z 20130929T054745Z 190. Patiently Continue

Siaanustayo nga agtuloy, coma,
Makicuyog ken Jesus iti dalanna.
Cadagiti suot, saoenna cadatay,
“Dicay agdanag, talna cadacay.”

“Dicayto baybay-an,” anian a liwliwa
Ti aggapgapu cadagiti bibigna,
“Aywanancayonto; dicayto panawan
Iti aniaman a capadasan.”

Awan ti naemma, naanus, napudno
A cas ken Jesus a sursurotentayo–
Iturongnatayo ket tawidentayto
Ti dayag ken ti gameng a pudno.

Siaanustayo nga agtuloy, coma,
A makidangadang a cacuycuyogna;
Ket ibilangnatay iti pinilina–
Mapagtalcan ingganat inggana.

tune→ (English 262)
]]> 20130929T054744Z 20130929T054744Z 191. Close To Thee

Jesus, Sicat’ cangronaan,
Capatgan iti biagco;
Bayat ’ti panagpagpagnac,
Gayyemca a napudno.
Asideg ngad Kenca,
Asideg ngad Kenca–
Iti amin a pannagnac,
Makicuyogac Kenca.

Saanco nga icararag
Nalag-an a panagbiag,
No di ti caaddam caniac
Iti panagsagabac.
Asideg ngad Kenca,
Asideg ngad Kenca–
Siraragsac, agbannogac
No la ket cacuyogca.

Inton ni patay ket sangoec,
O Apo, cadduaannac;
Ti ruangan ti pagtaengam
Ilucatmo cad caniac.
Asideg ngad Kenca,
Asideg ngad Kenca–
Iti biag nga agnanayon,
Makicadduaac Kenca.

tune→ (English 303)
]]> 20130929T054743Z 20130929T054743Z 192. Baro nga Jerusalem

O iti Baro nga Jerusalem,
Adda trono a nadayag;
Ket cadacuada nga agballigi
Mayted ti balangat ti biag.

     “Agingga iti ’yaayco,
     Agcararag, agpuyatca;
     Ti sinamar ti agsapa,
     Rumanraniag, agregtaca.”

“Aywanam ngarud daytoy naganco
Ta ngannganin ti ’yaayco;
Ti gongona nga agpaay kenca,
Di mabayag, itedconto.”

Sacsiam ti pammanecnec ni Cristo
Aginggat panagbannawag,
Nga Isu immay idi ket natay,
Ngem nagungar ket sibibiag.

“Iti mabiit ket umayacto.”
Petpetam a nasayaat
Ti namnamam nga adda ken Cristo–
Ti napateg a balangat.

]]> 20130929T054742Z 20130929T054742Z 193. Songs of Zion

O cantaem cadi caniac
Ti canta a nadiosan,
Bay-an laeng iti lubong
Ti canta a nataoan;
Ngem dagiti annac ti Dios,
Nagsam-it ti cantada–
Macatignay iti puso
Nga agdayaw Kencuana.

O iti panagbannawag
Cantaem, coma, caniac
Ti dackel nga asi ti Dios
A baro tunggal bigat;
No dumteng ti agmatuon
Ket puso madagsenan,
Cantaannac, iturongnac
Iti pagcararagan.

O cantaam toy cararuac
No ti rabii dumteng;
Oras ti ipupusayco
Ket umas-asidegen;
Amangan no agbutengac,
Inca cad ipangngeg pay
Caniac, dagiti cancanta–
Macaliwliwa unay.

Ti canta ti panagungar
Cantaem caniac coma;
Inton agsubli ti Apo
Ti liday, pucawenna.
Dinto mabilang a timec,
’Diay pagtaengan ti Dios,
Adda baro a cantada:
Canta ti Anac ti Dios.

tune→ (English 245)
]]> 20130929T054741Z 20130929T054741Z 194. Till Breaking of the Day

Parabur itedmo
Iti ilim, Apo;
Sititibkerdanto
Inggat agbannawag.

O Apo, pabilgem
Ti tunggal adipen,
Carnerom sapulen
Inggat agbannawag.

O agcaycaysacam,
Agkikinnibincam,
Ken mapagtalcancam
Inggat agbannawag.

Masapulmi unay
Tulongmo a naruay
Bayat agur-uray
’Ti panagbannawag.

tune→ (English 370)
]]> 20130929T054740Z 20130929T054740Z 195. Baptized in Jesus Name

Sipapacumbaba,
Itan, sumurotac
Ket iti nagan ni Jesus,
Mabautisaranac.

’Ti ipapatayna,
Maicanunongac
Ket iti nagan ni Jesus,
Mabautisaranac.

’Ti panagungarna
Ket mairanudac
Ket iti nagan ni Jesus,
Mabautisaranac.

Ti Dios ti dayawec;
Isu ti pagserviac
Ket iti nagan ni Jesus,
Mabautisaranac.

tune→ (English 267)
]]> 20130929T054739Z 20130929T054739Z 196. Rejoicing in the Lord

Agragrag-otayo
Kenni Jesu-Cristo–
Ay-ayatentay ti Apo
Bilinna ken sao.
Mabautisarantay
Kenni Jesu-Cristo,
Ita iwaragawagtay
A cucuanatayo.

Idi nangngegantay
Ti timec ti Apo,
Kencuana intay incari
A sumurottayo.
Mabautisarantay
Kenni Jesu-Cristo,
Isu ti kinalintegtay
Nga itantandudo.

Babaen ’ti ayat,
Kibkibinennatay;
Paidaldalan Kencuana
Lubong baybay-antay.
Mabautisarantay
Kenni Jesu-Cristo,
Isu ti dalan ken ti biag,
Ken ti kinapudno.

tune→ (English 268)
]]> 20130929T054738Z 20130929T054738Z 197. Thou Art Worthy

O Jesu-Cristo nga Ari,
Sica ti maicari
Nga incam pangidatonan
Ti casayaatanmi.
No ti rigat ket lasaten,
Innacam cad tulongan
Tapno incami icanta
Pagdayaw a nasantoan.

     Sinubbotnacami
     Babaen ’ti daram
     Idiay cruz ti Calvaryo
     Tapno matagicuam.

Cordero a napapatay
Sica ti maicari
Nga agtaeng ken agari
Cadagiti bibiagmi.
Ayat ken panagyamanmi
Kenca ket idatonmi;
Agnanayon maycarica
Iti panagdayawmi.

tune→ (English 385)
]]> 20130929T054737Z 20130929T054737Z 198. Wash Me from Sin

O Cordero ti Dios,
Ugasannac;
Babaen ’ti daram,
Dalusannac.
Amin a basolco
Ket punasem coma
Tapno mayaspingac,
Apo, Kenca.

O Cordero ti Dios,
Ugasannac;
Ti tarigagayco
Dumalusac.
Ket ipalubosmo,
Daram a naybucboc,
Daytoy ti mangdalus
Ditoy pusoc.

O Cordero ti Dios,
Ugasannac;
Sica ti pagtalcac,
Dalusannac.
Ket inaldaw, Apo
Daytoy pusoc ken biag
Ipaayco Kenca–
Dalusannac.

tune→ (English 17)
]]> 20130929T054736Z 20130929T054736Z 199. From Every Stain

Iti basol, Apo,
Ket dinalusannac–
Daytoy ti sagut a pudno
Nga incarim caniac.
Daan a panagbiag,
Paglicudac, Apo;
Iti cruz ket itaclinco
Ti amin a biagco.

Dagiti basolco
Diac ilinged Kenca;
Kinatangsitco guraec–
Napudnoac coma.
Uray no castoyac,
Apo, awatennac
Ta ti tartarigagayac
Waya-waya ken biag.

Tulongannac, Apo
Tapno magun-odco
Ti kinabacnang a pudno
Nga isagsagutmo.
Ti pannacabalin
Ken ti paraburmo
Ket umanay a saluadco
’Ti tunggal canito.

tune→ (English 24)
]]> 20130929T054735Z 20130929T054735Z 200. The Way to Calvary

Dalan ti Calvaryo,
Nagnaan ni Jesus;
Ti biagna ket indatonna–
Ti Cordero ti Dios.

     Yamanenmi unay
     Ti biag nga intedna,
     Ken napateg a darana
     Nga imparucpocna.

Ti basol ti lubong,
Amin binaclayna;
Gatad ti pannacasubbot
Ket binayadanna.

Inugasannacam
Gapu ’ti darana.
Panagayatmi ken Jesus,
Rumayray pay coma.

tune→ (English 389)
]]> 20130929T054734Z 20130929T054734Z 201. Calvary

Aguurnongcami, Apo,
Gapu iti naganmo;
Lagipenmi ti tuocmo
Iti cruz ’diay Calvaryo.

     Lagipenmi, Apo,
     Datonmo ’diay Calvaryo;
     Ti tinapay ken ti copa,
     Bagim ken daram ida.

Nagtuoc ken nagcararag,
Ket nagling-et ti dara
Ni Jesus ’diay Getsemani–
Datayo ti gapuna.

Nanipud ’diay Jerusalem,
Impanda ’diay Calvaryo;
Ni patay ket linac-amna,
Ket naluc-atantayo.

Kenni Jesus a nagayat
Ken nangdalus cadatay,
Panagyaman, panagdayaw:
Dagitoy idatontay.

tune→ (English 391)
]]> 20130929T054733Z 20130929T054733Z 202. Search Me, O God

Sukimatennac cad, O Dios,
Suotem daytoy biag;
Pudno a casasaadco,
Ipakitam caniac.

Sukimatem ti panunot
Ken panggep toy puso;
Iccatem ti macatulaw,
O Dios, iti biagco.

Ti caunggan daytoy biagco,
Sukimatem, Ama,
Agingganat masursuroc,
Umararaw Kenca.

Ita ta nagpasaclawac,
Innac masursuro
Ayatmo a di mayebcas
Nga adda ken Cristo.

tune→ (English 379)
]]> 20130929T054732Z 20130929T054732Z 203. When I Survey

No matmatmatac daydi cruz
A nagtuocan ni Jesus,
Makitac ti kinanomo
Ti panagservic ken biagco.

Awan maipannackelco
Malacsid ’ti cruz ni Cristo;
Amin a kinaubbawco
Ket paglicudac, O Apo.

Tuoc ti impalac-amda
Siit ti imbalangatda–
Makitac ngad ti ayatna
Iti panagsagabana.

Uray cucuac daytoy lubong,
Di umanay nga idaton;
Ti umno nga idatonco
Ket sibubukel a biagco.

tune→ (English 6)
]]> 20130929T054731Z 20130929T054731Z 204. Search Me, O Lord

Sukimatem cad toy pusoc, Apo,
Lawagam ti caunggan ti biagco;
Dalusannac ket maluc-atanac
Tapno Kenca macapagserviac.

Sukimatem cad toy pusoc, Apo,
Usigem no cucuanac a pudno;
Sica la ti tibker ti namnamac
Ket ti pammatic Kenca sibibiag.

Sukimatem cad, Apo, toy pusoc,
Guguram casla iti balitoc;
Dalusam cadi daytoy nakemco
Manipud nalmeng a basbasolco.

Sukimatem cad toy pusoc, Apo,
Ket kibinennac iti dalanmo;
Agtulnogac ngad iti timecmo
Inggat madanonco ti taengmo.

tune→ (English 380)
]]> 20130929T054730Z 20130929T054730Z 205. Not Redeemed With Gold

Di babaen ’ti balitoc
Sinubbotnac ni Jesus
Ngem babaen ’ti darana
Nga imbucbucna ’diay cruz.

     Ni Jesus ti nangsubbot,
     Nangisalacan caniac;
     Ayatna a di matucod
     Idiay cruz ket naypanayag.

Dinac sinubbot nga agbiag
’Ti kinabarengbareng;
Ti pigsa ken gundawayco
Ket innac ilalaen.

Dinac sinubbot nga agbiag
Cadagiti ragragsac;
Ababa laeng ti biagco,
Kencuana, agserviac.

O, nagdackelen nga asi!
Ni Jesus, sinubbotnac.
Nasantoan nga Anac ti Dios,
Naydaton gapu caniac.

tune→ (English 19)
]]> 20130929T054729Z 20130929T054729Z 206. Cleansing for Me

Dios, iti dara ni Jesu-Cristo,
Dinalusam daytoy biagco;
Uray nagdakes idi ti biagco,
Nagadu ti pannacaabacco
Pagtalcac latta ti carim, Apo–
Dinalusam daytoy biagco.

     Cadagiti amin a basolco,
     Dalusam cad toy nakemco.
     Manipud amin a panagamac,
     Dalusam toy panunotco.
     Iti buteng iti panagsao,
     Dalusam cad daytoy biagco.

Manipud amin a panagduaduac,
Dalusam cad daytoy puso;
Jesus, uray diac pay maawatan
Ket cas ubing innac paidalan;
Ti paraburmo innac pagtalcan–
Dinalusam daytoy biagco.

Iti buteng cadagiti tao,
Dalusam cad daytoy biagco;
Iti ayatmo papigsaennac
Tapno maypanayag a cucuanac–
Pinacawannac, daytoy ti cantac:
Dinalusam daytoy biagco.

tune→ (English 384)
]]> 20130929T054728Z 20130929T054728Z 207. There Is No Gain

Awan ngarud ti magongona
Malacsid, mapucawanca;
Ti bin-i tapno agbunga,
Masapul matay umuna.
Ipalubosmo cad aya
A ti biagmo di agbunga?

Ti agayat iti bucodna
Ken mangikedked ’ti biagna
Cadagiti carcararua,
Dackel unay ti pucawna.
Maituredmo cad aya
Nga awanandat’ namnama?

No ti anien ket matmatmatam,
Dagus, daytoy, maawatam:
Ti bin-i a naimula,
Natay, nagtubo, nagbunga
A cas ti biag a naumsi,
Nagcararag, nagballigi.

tune→ (English 404)
]]> 20130929T054727Z 20130929T054727Z 208. My Need

Dios, ti panangsalacnibmo
Ti masapul daytoy biagco;
Kenca ket adda ti talna,
Pannacapnec, ken inana.

Masapulco ti siribmo
Casta met ti paraburmo
Iti pannakibacalco
Ken panagbaclay awitco.

O masapulco ni Cristo;
Pagtalnaenna toy puso;
Lapdanna ti aramidco
A, Kenca, di macay’ayo.

Pammacawan masapulco
Cadagiti basbasolco;
Ti darana ti namnamac–
Mangdalus ’ti pusoc ken biag.

Napanglawac ngem mapnecac
Ta punnoennat’ pagcurangac;
Siwawadwad nga itedna,
Nabacnang a paraburna.

tune→ (English 204)
]]> 20130929T054726Z 20130929T054726Z 209. Go Labour On

Agtuloytay a mangtungpal
Iti pagayatan ti Dios;
Magnatay a siraragsac
Iti nagnaan ni Jesus.

Agtuloytay nga agservi
Kenni Jesus nga Apotay
Uray mapucawantayo;
Ti Dios gongonaannatay.

Adu dagiti matmatay
Nga awanan ti namnama;
Ti silaw parayrayentay
Tapno lawag, makitada.

Ditay coma nga agcapuy–
Agpuyat, agcararagtay.
Dagiti agalla-alla,
Iti Dios, ket iturongtay.

tune→ (English 330)
]]> 20130929T054725Z 20130929T054725Z 210. The Call to Labour

Ti awagmo a nangngegco ’di damo,
Jesus, ipangngegmo manen caniac;
Ti awag tapno amin ket panawac–
O ibagam manen, “Surotennac.”

Ipamatmatmo caniac ti paganian
Iti asideg wenno adayo
Tapno agmulaac wenno agani
Nga agpaay laeng Kenca, Apo.

Jesus, tulongannac tapno makitac
Ti tattao a nawarawara
Cas carcarnero nga awan pastorda–
Natayca ngad gapu cadacuada.

Iti asim, tignayem cad toy pusoc
Nga agayat cas panagayatmo.
Nabara a panggepco, parayrayem;
Ti napucaw, Kenca, iturongco.

Di coma lumamiis ti ayatco
No di ket tumibker ken bumara.
Masaracannac nga agbanbannog pay,
Intono aldaw nga agsublica.

tune→ (English 405)
]]> 20130929T054724Z 20130929T054724Z 211. Impelled by Love

Ti awag ti Dios nangngegac;
Diac ammo ti masacbayac
Nupay casta ti sungbatco,
“O ibaonnac cad, Apo.”

     Ginuyuguynac ti ayat
     A mapan manen ,O Apo,
     Ta narayray iti pusoc
     Ti ayat iti naganmo.

Mangmangngegco ti araraw
Ti carnero a napucaw–
Daytoy manen ti ibagac:
“O adtoyac, ibaonnac.”

Dagiti agcasapulan
Diac ida a paglicudan;
Ti canayon a sungbatco,
“Adtoyac ngarud, O Apo.”

Awitec ngad ti naganna,
Cas sungbat iti ayatna;
Ni Jesus innac matmatan–
Naan-anay nga ulidan.

tune→ (English 403)
]]> 20130929T054723Z 20130929T054723Z 212. Abide With Me

Apo Jesus, cadduaannac cadi
Ta sumipsipngeten ti aldawco;
No mapaay ken agladingitac–
Cadduaannac a canayon Apo.

Di mabayag ket mapucaw ti biag,
Dagiti ragragsacna ken dayag–
Sica laeng ti mataginayon;
Apo, canayon a cadduaannac.

Apo, paraburmo masapulco
Tapno ti suot mapagballigiac;
Sica laeng ti pangnamnamaac;
Apo, canayon a cadduaannac.

No cadduaca awan ti pagbutngac,
Pagdanagan, ken pagladingitac;
Agballigiac uray ken patay
No la ket Sica, Apo, ti cadduac.

tune→ (English 170)
]]> 20130929T054722Z 20130929T054722Z 213. Alone With God

No ti suot umapay caniac,
Ken narigat ti dalanac,
Babaen ’ti panagcararag,
Iti Dios, agmaymaysaac.

     Agmaymaysa a caddua ti Dios–
     Nagsam-iten nga inana;
     Ayat ken pannakicadcaddua
     Ket masaracan Kencuana.

Uray adda pacarigatan,
Nasipnget ti capadasan,
Pagayatanna maawatac
Iti caaddana caniac.

Pigsa masaracac Kencuana
Bayat ti innac pannagna;
Makitac ti kinaimnasna
Iti caaddac Kencuana.

Inton ni patay dumteng caniac
Ket iti Dios agawidac,
Nasged a tartarigagayac,
Kencuana, makicadduaac.

tune→ (English 409)
]]> 20130929T054721Z 20130929T054721Z 214. In Times of Deepest Darkness

Iti tiempo ti sipnget,
Ti rigat, ken liday,
Ti Dios umas-asideg;
Liwliwaennatay.
Babaen ’ti asina,
Palintegennatay–
Pannakicadcadduana
Ket sumamsam-it pay.

Saantay nga agbuteng
Iti masacbayan;
Ti ayat ti nagpanggep
Tunggal capadasan.
Ita ket naparmeken
Buteng ken ni patay;
Babaen ’ti pammati,
Langit makitatay.

Cararua, agtuloyca
Langit ket ragpatem;
Aramid ti Dios kenca
Ket inna turposen.
Ti ayat ti mangmangted
Ti balligi kenca;
Magun-odmo ken Cristo
Biag awan inggana.

tune→ (English 292)
]]> 20130929T054720Z 20130929T054720Z 215. Only Remembered

Ti bituen agpucaw iti agsapa,
No ti init lumgac iti daya;
Castoy ti ilalabas ti biagtayo–
Aramidtay la ti malagipto.

     Malaglagipto, malaglagipto
     Dagiti la inaramidtayo;
     Ditoy daga, manungpal ti biagtayo–
     Aramidtay la ti malagipto.

Inton lumabas dagiti nagmula,
Dagiti agapit sumucatda
Ta masapul ngad nga aginanada–
Malagipto ti inaramidda.

Ti la kinapudno nga insaotay
Ken ti la bin-i nga immulatay,
Ti bunga dagitoy malaglagipto
Uray datay ket malipatanto.

Urnongento ni Jesus ti cucuana,
Ket ti balangat ket awatenda;
Dagiti napudno nga adalanna
Malagipto ti inaramidda.

tune→ (English 397)
]]> 20130929T054719Z 20130929T054719Z 216. Called Home To Rest

Naayabanen tapno aginana–
Daytoy ti pagayatan ti Ama;
Idiay langit ket natalged, natalna,
Awan ti ladingit wenno lulua.

Agur-uray ti naruay a supapac
Ken ti nailangitan a ragsac
Iti makipagtawid kenni Cristo
A limmasat cadagiti rigat.

Naayabanen tapno aginana
Ket ken Jesus makirupan-rupa;
Sadiay ni patay ket di agballigi,
Dagiti anghel agcancantada.

Ti timecmo mangliwliwa cadacam,
O Dios, Sica laeng ti rag-omi;
No puspusomi napno ti leddaang,
Ti caaddam ngad ti maricnami.

tune→ (English 410)
]]> 20130929T054718Z 20130929T054718Z 217. Nearer, Still Nearer

Iyasidegnac, Apo, Kenca–
As-asideg iti pusom coma;
Isadagnac cad Kenca, Apo,
Salucobannac iti ayatmo,
Salucobannac iti ayatmo.

Iyasidegnac Kenca, Apo,
Uray awan ti maidatonco
No di managbasol a puso;
Ugasannac iti daram, Apo,
Ugasannac iti daram, Apo.

O Dios, Kenca iyasidegnac,
Dakes a dalanco paglicudac,
Ti kinatangsit ken basolco;
Itedmo caniac ni Jesu-Cristo,
Itedmo caniac ni Jesu-Cristo.

Iyasidegnac Kenca, Apo,
Bayat caadda pay daytoy biagco;
No dumteng ti ipapatayco,
As-asidegac Kenca, O Apo,
Agnanayonac iti sidongmo.

tune→ (English 125)
]]> 20130929T054717Z 20130929T054717Z 218. When Life Is Ended

Intono dumteng ti ipupusay,
Diacto masapul ti agbuteng;
No ni Jesus ngad ti saranayco
Pannagnac ket natalingenngen.

Uray nasipnget ti aglawlawco,
Isu ti silaw a naraniag
A mangsilsilnag iti dalanco
Inggat maturpos ti pannagnac.

Ni Jesus ti Manangidalanco,
Pinarmecna ngarud ni patay;
Isu ti Manangisalacanco;
Basbasolco inna binaclay.

Iti nadayag a panagungar,
Bumangonacto a cadduana;
Isu dayawec a naimpusoan–
Cararuac ket linuc-atanna.

tune→ (English 412)
]]> 20130929T054716Z 20130929T054716Z