1. Jesusmanta Willawaychej Jesusmanta willawaychej, Sonqoyman grabawaychej. Watejmanta willawaychej, K’acha willaykunata. Cielomanta uyarinchej Pay nacekusqantaqa. Diosta yupaychasqa kachun, Kay pachapi sonqo tiakuy. Jesusmanta willawaychej, Sonqoyman qhelqawaychej. May sumajchej willaykuna. Ujtawan willawaychej. Ch’innejman pusasqa kasqa. Supay Payta probasqa, Yarqhaywan ch’akiwan ima. Tukuyta atipasqa. Willaychej ruwasqanmanta, Llakisqa purishaspa. Qhesachasqa, qak’arisqa, Mana wasiyojchu kasqa. Muchusqanta willawaychej, Ñak’arisqanmantapis. Cruzpi tumbapipis kasqa. Chanta kausarimusqa. Sut’ita kunan rikuni. Munakuwasqantaqa. Payllata qhatisajpuni, Noqapaj wañusqanrayku. English→ Tell me the story of Jesus español→ Cuenta la historia de Cristo 2. Jesusmanta astawanraj Jesusmanta astawanraj Yachayta noqa munayman. Munakuyninmanta astawan Wajkunaman rikuchiyman. Jesusmanta astawan Yachayta munayman. Payta munakusajpuni. Payta yupaychasajpuni. Jesusmanta yachakuyman Sumaj munayninmantapis. Diospa espiritunnejta, Chay kikinta rikuchiyman. Jesusmanta astawan Yachayta munayman. Aychaypa munaynintataj Kallpayninwan atipayman. Jesusmanta qhelqasqata, Yachachiway, parlawaytaj. Sumajta yuyarikuspa, Sut’ita Payta rikusaj. Jesusmanta astawan Yachayta munayman. Chanta noqa yachakuspa, Payman jina tukuykuyman. English→ More about Jesus español→ Más de Jesús es nuestro 3. Jesusllamanta willarisunchej. Jesusllamanta willarisunchej. Kausayninmanta parlasunchej. Payta sut’ita rikunanchejpaj Oqharisunchej sutintaqa. Jesusllamanta willarisunchej. Yachakusunchej payllamanta. Kamachejkunaj kamachejninmin Kasqanrayku yupaychasunchej. Sumaj Jesusqa Salvadorninchej. Juchasninchejta Pay aparqa. Pampachaytapis Pay qowarqanchej. Juchasninchejqa Paypi karqa. Jesusqa k’ata kamachejninchej. Sumaj ruwaymin munaynenqa. Cheqan yanninta tarikorqanchej. Kusisqa Payman takisunchej. English→ Jesus is our only message español→ Solo Jesús es nuestro 4. Ancha sumajpuni willay Ancha sumajpuni willay Cheqan sonqoman. Ñaupajmanta kunankama Jesusqa kikin. Juchasapa runataraj Salvayta munan. Waqajkunamampis payqa Sonqochayta qon. Kunan, qayna, wiñaypajpis Jesus kikinmin. Tukuy waj jinaman tukun, Payqa ni jayk’aj. Juchasapa runajpaqa Paymin kausaqen. Atienekuspa jamullay, Payman chimpakuy. “Noqa ma juchachaykichu.” Nispa Jesus nin. “Amaña juchallikuychu. Sonqochasqa riy.” Yachan qochá thañichiyta Sinchi wayrapi. Paypi almayki tarenqa Samarikuyta. Mana juchayoj kaspalla Cruzpi muchorqa. Munajtiyki jamullayña Yanapasonqa. English→ Oh how sweet the glorious message español→ Oh cuan dulce el mensaje 5. Munasqaykiman jina ruwaway. Munasqaykiman jina ruwaway. Manka ruwaj kanki, t’uru kani. Khuyakuwaspa kausayniyta Ajinata ruway, Señor Diosníy. Munasqaykiman jina ruwaway. Sonqoyta pichay, kunampacha. Ñaupaqeykipi k’umuykuspa, Perdonniykita mañakuyki. Munasqaykiman jina ruwaway. Noqa sayk’usqa jamushayki. Tukuy atiyqa Qampallata. Llankhasqaykiwan thañichiway. Munasqaykiman jina ruwaway. Maymanchá rinki, qhatisqayki. Uyarisuspa kusikusaj; Qhapaj kayniykita rikusaj. English→ Have Thine own way español→ Manda oh Cristo 6. Jesusqa rikuwaspa Jesusqa rikuwaspa Chinkaj, wijch’usqata, Pay chimpaykamuwarqa Oqhariwarqataj. Wasinman pusamuwaspa Kusisqa q’epimuwarqa. Khuyakuwasqanrayku, Munakuwasqanrayku, Qhapaj yawarninta jich’asqa, Juchasniytataj mayllawarqa. Qhawariy k’irisniyta, Rikuy yawarniyta. Salvasunayraykumin Noqa muchorqani. Tukuy munakuyninwantaj Reparachin ruwasqanta. Chay sajra kausayniyta Yuyarikojtiyqa, Payta qonqapusqayta. Mana yachanichu, Imaraykuchus munarqa Cuentaymanta muchuytaqa. English→ In tenderness he sought me español→ El buen Pastor al verme 7. Janajpachamanta Janajpachamanta Noqa jamorqani. Mayta muchorqani Yarqhaywan ch’akiywan. Qanrayku muchuni. Imá ruwapuwanki. Ñak’arichiwanku Cruzpi warkhuwaspa. Chakatawarqanku, May jasut’iwaspa. Chayta muchupuyki. Imá ruwapuwanki. Salvakunaykita Munaspa wañuni. Salvajniyki kani, Qan wañunaykita. Wañuniña noqa. Imá ruwapuwanki. Qanta munakuspa Llakiypi karqani. Wajchayakorqani Qhapaj kanaykipaj. Kay tukuyta qampaj. Imá ruwapuwanki. English→ Thy life was giv’n for me 8. Unaymanta munarqani Unaymanta munarqani Juturimanta ujyayta, Ch’akiyniyta thasnunaypaj. Ch’akillawajpunitaj. Pitachus mask’asharqani, Chaywan tinkukuniña. Yawarwantaj mayllawarqa. Paypi sonqoy kusisqa. Chay lastrojata mikhuspa, Ni jayk’aj sajsanichu. Yarqhaywan llawch’iyakuni Llakisqa, wajcha kaspa. Pitachus mask’asharqani, Chaywan tinkukuniña. Munakuywan sajsachiwan, Khuyakuwasqanrayku. Wajcha kaspa mask’arqani Almaypa kusiyninta. Ch’awkallata tarispaqa May phutisqa karqani. Pitachus mask’asharqani. Chaywan tinkukuniña. Noqa kusiyta tarini. Paypi almay kusisqa. Kausay yaku phullchimushan. Ashkha cheqan t’anta tian. Qhespichiwaj noqapajqa Ma tukukuj suyayniy. Pitachus mask’asharqani. Chaywan tinkukuniña. Wiñaypaj jap’inawampaj, Kunan llimphuchashawan. English→ All my life long I have panted español→ De algún manantial 9. Dios ajllasqasninta jallch’an. Dios ajllasqasninta jallch’an. Tukuy ruwaynenqa cheqan. Umachaspa khuyakuywan Ma allinta cheqanchan. Sapa p’unchay Pay qowanchej Janaj pacha t’antata. Mañakojtinchej pakaypi Chakisnimpi suyaspa. Ajllasqasninta phaskaran Supay watanasmanta. Kallpayta qowanchejpuni, Llakiypi, waqaypipis. Ajllasqasninman Dios junt’an Paypa qosaj nisqanta. Jark’awanchej juchamanta, Allin sonqo kajtinchej. Almasta wajyashampuni Sumaj munakuyninman. May kusikuy phullchikushan Ashkha bendicioneswan. English→ God is faithful to His chosen español→ File es Dios a su rebaño 10. Jesús Salvawajniypi Jesús Salvawajniypi Noqa confiakuni. Ima pisiwajtimpis, Payman willakuni. Salvador Jesusman Tukuy gloriay kachun. Munakuywan salvawan, Yupaychasqa kachun. Jesús salvawajniyqa, Ancha munakujmin. Jesús khuyawajniyqa May pacienciayojmin. Waqaychaway, Jesusníy Ama urmanaypaj. Sach’api rama jina Kausáy tarinaypaj. español→ En Jesús, mi Salvador 11. Janaj pacha himno jina Janaj pacha himno jina Misk’ita uyarini. Chay Cristoj palabrampuni Thañichiykuwaspa. Puertoman pusaj yanta Rikuchiway, Tatay. Ama saqerpariwaychu, Jesús, Capitanníy. Munayniykiman jinalla Pusaway, Dios Tatay. Maymanchus Qan wajyawanki, Chayman noqa risaj. Laqha wayq’opi purijtiy, Mana rikojtiyqa, Munayniykita ruwanaypaj Feta qowaypuni. Wiñay puerto qayllakunña. K’anchayta rikuni. Noqa manchachikuniraj. Señorniy pusaway. español→ Dulce cual himno del cielo 12. Tarpuj tarpuspa purin, Tarpuj tarpuspa purin, Wasinta saqespa. Munakuywan purishan, Mujuta apaspa. Payta mana dakunchu Chiripis, ruphaypis. Cielomanta mujuta Sumajta tarpushan. Chay ancha sumaj muju Sonqoyman urmachun. Qhawaspa, waqaychaspa Poqoy kapuwanqa. Sonqoy chay sumaj jallp’a. Chaynejta poqochin. Kanqachá qhorasllachu Rumiraramanta. Sajraqa p’isqos jina Mujuta qhechonqa. Mana poqochenqachu Rumirara jallp’a. Diospa palabrasnenqa Sumaj muju jina. Sonqo tiasqata qowan, Khuyakullawantaj. Chay mujuta jap’iyta Sonqoyman munayman. Ajina Dioswan khuska Wiñaypaj kausasaj. English→ The living words of Jesus español→ El sembrador camina 13. Yawarlla chakatanaqa Yawarlla chakatanaqa, Maypi Cristo ñak’arisqa, Chaypi qhawaspa Salvajta, Sonqoy Payman kutirerqa. Qhapaj kayniy, kausayniytaj Cristo chakatanan karqa. Payta munani qhatiyta, Kausayniypis Paypaj kanqa. Makisnintaj, chakisnintaj Yawar phullpujlla kasqanku. Umampipis khishka pillu, Juchayrayku churakusqa. Puka p’acha jina cruzpi, Jesusta yawar qhatasqa. Noqaj kanaypi wañusqa, Mundoman wañuni Paypi. English→ When I survey the wondrous cross español→ Al contemplarle en la cruz 14. Juchasapa, uyarikuy, Juchasapa, uyarikuy, Jesusmin wajyasunki. Diosniykiman kutirikuy, Salvayta munasunki. Kunallan riy Jesusman Chakatasqa wañojman. Yaykuy ari, kausayman. Wañuychus qanman jamunman, Imanawaj chaypacha. Mana pichasqa, juchaswan Riwajchari muchuyman. Ama qhesachaychu Diosta. Salvacionta qosunki. Pay apasqa juchaykita, Qonasumpaj kausayta. Cristo wañusqa chay cruzpi Qanta qhespisunampaj. Qanrayku warkhusqa kasqa, Yawarninta jich’aspa. 15. Pantarqani purispa Pantarqani purispa Lomakunaj ch’innimpi. Sajra yanta rishaspa Urmarqani qaqapi. Qampi, Jesús, confiaspa, Suyayniyta churani. Urmasqa ovejaykita Oqhariway, Michejniy. Cruzpi wañusqaykiwan Sajramanta jark’away. Yawar jich’asqaykiwan Juchaymanta mayllaway. Qampi, Jesús, confiaspa, Suyayniyta churani. Kay wajcha ovejaykita Salvay, arí, Michejniy. Chinkayniyta rikuspa, Qanman, Jesús, jamuni. Qhespiyniyta mask’aspa Qanllaman chimpamuni. Qampi, Jesús, confiaspa, Suyayniyta churani. Chinkasqa ovejaykita Pusakapuy, Michejniy. 16. Noqa wajcha purishani Noqa wajcha purishani, Juchasniyta apaspa. Qhespiyniyta mask’ashani Kay pachapi musphaspa. Mayllamanchus kallashani, Samakuyta mask’aspa. Ñawismanta tutayani Chinkasqayta waqaspa. “Juchallikuj chay wañonqa,” Nejta uyarishani. “Yanqamin ruwasqasniyki,” Santa Biblia niwashan. Mayllapitaj salvacionta Juchaymanta tarisaj. Jesucristoj yawarnimpi, Chaypi salvación kashan. Diospa Churin chakiykiman Juchasniywan jamuni. Kausayniyta Qanllamanña Sonqoytawan qopuyki. Sirvisuyta sapaykita Tukuy sonqo munani. Pusakuway gloriaykiman, Qampallataña kani. 17. Karu llajtapi karqani Karu llajtapi karqani, Yarqhaywan, llakiyniywan. Ancha p’enqaypi karqani Juchallikusqayrayku. Laqhamanta llojsipuspa, Tatayman noqa risaj. Manaña wawan jinachu, Wata runa jinalla. Wasinman pusaykuwarqa. Kasqay jinallataña. Noqa, mañakoj runata Paywan mikhuchiwarqa. Karumanta rikuwaspa, Pay ojllaykamuwarqa. Noqata munakuwarqa Juchaypi kashajtiypis. Ruwasqayta willarqani, May munasqa Tatayman. Payta p’enqachisqayrayku Ma Pay jina kajtiypis. Noqa mana yachanichu Pay uyariwasqanta. P’enqachiwaj juchaymanta Mana parlawarqachu. Pay p’achalliykuchiwarqa Aswan sumaj p’achawan. Wasinman yaykuchiwarqa Wiñaypaj kakunaypaj. 18. Uj ancha sumaj p’unchay Uj ancha sumaj p’unchay Sonqoypi waqaychani. Laqha yanta rishajtiy, Diospa iskay kachasnin Taripawarqanku. Cristomanta parlaspa, Munakuywan yanniyta K’anchaykuwarqanku. Sumachej willaykuna. Yachay juchasniyta Pampachapuwasqanta, Suyayta qowaspa. Cristo kayman jamorqa. Munakuywan wañorqa, Kausachinawampaj. Laqha puriyniymanta Kutirikuytawanqa Kacharisqa karqani. Mayta kusikorqani, Ni jayk’aj yuyasqa. Chay jatun kusikuyqa Qonqachillawarqataj Ñaupaj llakiyniyta. Kunanqa yachaniña Wajkunaj llakiyninta, Laqhaj kamachiynimpi Chay llulla kusikuywan Purisqankurayku. Paykuna usuchinku, Diospa khuyakuyninta, Wiñay kausaytapis. español→ Un dia venturoso 19. Yugoykiman wataykuway Yugoykiman wataykuway Munakuy watanaswan. Qanwan llank’ayta munayman Yuyayniykiman jina. Yugoykiman wataykuway Phaskarasqa kanaypaj. Chanta thaskiymanta thaskiy Qanmanta yachakusaj. Yugoykiman wataykuway Ma mundojpa kanaypaj. Kachariwasqaykirayku Qanwan purisajpuni. Yugoykiman wataykuway Samarikullanaypaj. Waj yugo sayk’uchiwanman. Qanwampuni purisaj. Yugoykiman wataykuway Sut’iyaymantapacha. Inti yaykupunankama Noqa qanwan purisaj. English→ Bind me in Thy yoke español→ Unceme en yugo tuyo 20. Kausayqa tukukonqa Kausayqa tukukonqa, Laqhe jina urmanqa, Llant’a jina ninapaj. Diosta mask’ay. Sapa p’unchay phawashan, Phawaj jinataj nishan: “Jamuy cuenta qoj Diosman.” Diosta mask’ay. Mask’awaj, mask’awaj, Kunan tiempo kashajtin, Diosta mask’ay. Sichus qan tardanki chay, Dios punkuta wisq’anqa, “Ña tardeña,” nisonqa. Diosta mask’ay. Runaj kallpan tukukun. Bausi jina chinkapun. T’ika jina ch’akipun. Diosta mask’ay. Mayus jina usqayta Mama qochaman yaykun. Jinallataj rishanki, Diosta mask’ay. Diosta wajyay sonqowan, Cheqamanta nanaywan. Jesusnejta perdonan. Diosninchejqa. Mana Diosta kasuspa, Perdonta qhesachaspa, Taripachikuwajtaj. Diosta mask’ay. English→ Life at best is very brief español→ Vida breve es acá 21. Jesuspa chakisninnejpi Jesuspa chakisninnejpi, Kay t’unasqa sonqoywan, Chukuspa, uyarispataj, Pay sonqochawampuni. Khuyakuywan parlawaspa Sonqoyta k’ajachiwan. :: Kallpachaspa munakuywan, Sonqoyta qhallallachin. :: Payllata uyarinanchej, Sapa p’unchay, sapa dia. Kallpachakusunchejpuni, Paymanta mañakuspa. Enemigonchejman rina, Ma manchachikuspalla. :: Tukuyta atipasunchej, Sinchita sayaykuspa. :: Tatanchejta kasunachej, Uyanta rikunapaj. Pay mosojyachiwasunchej, Espiritunta qospa. Noqanchejwampuni kanqa. Payta uyarijtinchej. :: Kallpayojpuni kasunchej Uyarisqanchejrayku. :: English→ Sitting at the feet of Jesus español→ A tus pics, Jesús sentados 22. Kasqay jinalla jamuyki Kasqay jinalla jamuyki, Makiy ch’usaj ma kallpayoj. “Jamuy”, niwasqaykirayku Señor, wañusqaykirayku. Kasqay jinalla jamuni, Llakiypi waqaspa kani. Wañuyta chinkasqaytawan Rikuspa, Cristo, jamuyki. Kasqay jinalla jamuni, Mana pichakuyta atispa, Qanllaman pej yawarninmin Almayta rit’iyachiwan. Kasqay jinalla jamuni, Munakuyniykí rikuspa Kausayta, perdonta, pazta Mask’aspa, Cristo jamuyki. English→ Just as I am=, without one plea 23. Noqa ofreceyki Qanman Noqa ofreceyki Qanman Tukuynin kayniytaqa. Munanitaj sapaykita Sirvisuspa wañuyta. Qampata kani, Servicioykipaj. Noqamanta imatapis Ruwanaykipaj. Dueño kay kausayniymanta Kamachiyki kanaypaj. Yachachiwaytaj sumajta Tukuy munayniykita. Pusawaytaj makiymanta Amaña urmanaypaj. K’anchaytaj arí, yanniyta, Allinta purinaypaj. Chakisniykiman churani Tukuy kapuwajniyta. Kunanqa, Señor, jap’iway Kay apamususqayta. 24. Noqarayku, noqallapaj Noqarayku, noqallapaj, Cristo muchoj jamorqachu. Janaj pachata saqespa, Pay qokorqa noqarayku. Noqarayku karqa arí. K’umuykukuspa jamorqa. Tukuyniyta payman qosaj. Pay qhespichiwasqanrayku. Noqarayku, noqallapaj, Chay sumachej willaykuna. Suyayta chayachimuwan. Juchasniyta qhechupuwan. Noqarayku, noqallapaj, Getsemanipi mañarqa. Ashkha nanayta aparqa, Noqarayku k’aspi cruzpi. Noqarayku, noqallapaj, Yawarnintataj jich’arqa. Mana ch’urkikuspallataj, Noqarayku pay wañorqa. English→ Was it for me español→ Seria por me, tabmién 25. Necesitaykipuni Necesitaykipuni, Señor Jesús, Diosníy. Qanlla salvawanki Juchasniymantaqa. Señor, necesitayki, Necesitaykimin. Bendicinawaykipaj Qayllakamuyki. Necesitaykipuni Sumaj Señor Jesús. Qan jina ni pipis Samachiwanmanchu. Necesitaykipuni, Ladoypipuni kay. Tentacionespitaj Señorniy, jark’away. Necesitaykipuni Tukuy kausayniypi. Qan kusichiwanki Llakikuynintimpi. Necesitaykipuni, Yanapawajniy kay. Yannillaykipiña Noqa purinaypaj. English→ I need Thee every hour 26. Qayllaykiman pusarikuway Qayllaykiman pusarikuway. Munasqay, sonqoykiman pusaway. Qampa qayllaykipitaj kasaj. Chayllapi jallch’away, Salvadorniy. Chayllapi jallch’away, Salvadorniy. Qayllaykiman pusarikuway. Ni imatapis qosuyta atinichu. Kay juchasapa sonqollayta. Llimphuchaway, yawarwan mayllaway. Llimphuchaway, yawarwan mayllaway. Qayllaykiman pusarikuway. Pantachij juchata saqeshani. Mundoj kusiyninta saqeni. Munasqa Jesusniyta qhatisaj. Munasqa Jesusniyta qhatisaj. Qayllaykiman pusarikuway, Kay jallp’a patapi kausashaspa. Chaymanta Qanwan kausakusaj. Aswan qayllaykiman pusakuway. Aswan qayllaykiman pusakuway. English→ Nearer still nearer español→ Cerca, más cerca, oh Dios 27. Kunan tantakusqa kayku Kunan tantakusqa kayku, Sutiykipi, Tatayku. Yanapayniykí qowayku. Qanllapi suyayniyku. Qan Señor, sonqochaway. Kay t’una sonqoytaqa. Jallch’ariway sonqoykipi, Qanmanta kausanaypaj. Qhasillapuni kasunman, Mana Paywan purispa. Yanapayniykitapuni Mask’achiway, Señorniy. Karunchasqa mundomanta, Ujllachasqa mañayku. Jesusta rikuchiwayku, Sajramanta jark’aspa. Rama sach’allapipuni Poqonampaj qhepakun. Qampi qhepakunaykupaj Yanapawayku, Señor. English→ In the name of Jesus gathering español→ Reunidos hoy estamos 28. Tantakuyku sutiykipi Tantakuyku sutiykipi Noqaykuwan kay. Espirituykita qospa Sonqochawayku. Qampa sarusqasniykipi Purichiwayku. Qan jina ñak’arispataj Kusikusqayku. Qanmanta mañakojtiyku Uyariwayku. Kallpaykita qowaspaqa Suyachiwayku. Yanapariwayku, Señor Parlajtiykupis. Espirituykinejllata Parlachiwayku. Runata manchachikuyqa Qhasillapuni. Kay kausayllata qhechuyta Atin chayllata. Kay aychayku sayk’ukuspa Llawch’ichakuyku. Qanwan mosojyachikuyku Espiritupi. English→ As we gather now together español→ En tu nombre hoy 29. Qanman, Diosníy, oraciompi Qanman, Diosníy, oraciompi, Kay pachapi may llakisqa, Qanman jamuni feniywan Willasqayki llakiyniyta. Mashka kutita tarini Qampi yanapawajniyta. Mashka kutita tarini Chhika bendicionestaqa. Qanman, Diosníy, oraciompi, Cheqa kayniykipi creespa Wajyakuyki mañakuspa Ñak’ariypi rikukuspa. Uyariwanki yachani, Mañakusqaytaqa, Señor. May kallpachay jamuwanqa Qanmanta, Dios, oraciompi. Kunan, Diosníy, oraciompi, Almaypaj kusikuynin kay. Kay waqay, llakiy pachapi Mañakusunallaypuni. Uj p’unchaypi Qanwan kasaj, Wiñay gloriaykipi, Señor. Manaña mañasqaykichu Ñaupaqeykipi kaspaña. 30. Jesusniywan noqa kayman Jesusniywan noqa kayman Cielopi, maymanchus rin. Chaypi Payta qhawariyman Sonqoy yuyaynimpi nin. Suyarispa qhawariyman Pay kikinta jaqaypi. Suyarispa Señorniypi, Atienekusqa kani. Payta ni rikunirajchu Kunan, ñawisniywanqa. Watejmanta jamojtenqa, Pay rikuchikuwanqa. Noqa chaypi kusikusaj Uyanta qhawarispa. Tukuy imata saqespa, Payta taripaj risaj. Señorniypa ojllaynimpi, Sonqoy, “Kusikusaj”, nin. Tiakuj munakuynimpi Sonqoy yuyaynimpi nin. 31. Sumajta munakuyniyki, Sumajta munakuyniyki, K’ajachun sonqoypi. Ajinata kusikuspalla, Qhatisqayki Qanta. K’ajachun sonqoypi Cheqan munakuyniyki. Allinta waqaychawankipuni Sumaj yanniykipi. Munakuyniykinejllata, Almayta kallpachay. Tukuy sonqoywan munayniykita, Noqa ruwanaypaj. Sumajmin munakuyniyki, Wiñachun ashkhata. Kusikuspapis llakikuspapis, Yupaychasqayki, Dios. Munakuyniykinejtawan, Ujllachariwayku. Tukuynin kamachiykunaykita Sumajta jallch’aspa. English→ May Thy perfect love, O Lord español→ Tu perfecto amor, Señor 32. Ama ch’inlla kaychu, Tatay. Ama ch’inlla kaychu, Tatay. Khuyakuspa, parlaykuway. Misk’i parlawasqaykita Uyarisuyta munayman. Qanta qhawaspa suyani. Qampi kausayta tarini. Ujtawan sonqochawanki Waqaspa llakikojtiyqa. “Pajtá” nispa niwajtiyki, Jasut’inawaykipajpis. Kusiyniyojpuni kasaj Munakuwasqaykirayku. Llimphuchaway nisqaykiwan, Sinchita sayarichiway. Thaskiyniypi kallpachaway Munayniykita ruwanaypaj. Wataway munayniykiman Sonqoy Qanman k’askanampaj. Imatapis kamachiway. Tukuy sonqo kasusqayki. English→ Lord, be not silent unto me español→ No te desentiendas de mi 33. May sumajta rijch’awan May sumajta rijch’awan Munasqa Salvador. Kausayniypi ruwasqayki Munakuyniykipi. Sumaj yanniykipitaj Chakisniy thaskishan. Ñaupaj qhasi kausayta Saqepuniñamin. Aswan ñaupajman riyta, Yanapaway, Tatay. Mundota saqenaypaj, Qanman k’askakuspa. Mundo, aychay, supaywan Jark’ayta munawan. Sajrata rikuchiwan Urmachinawampaj. Mundo ch’usaj kasqanta Kunan rikuniña. Qanta qhatisunaypaj Yanapaway, Tatay. Kausayniy tukukojtin Pilluta qowanki. Wiñay kausajkunawan Khuskachakapusaj, Kausay tukukuykama Qanta qhatisqayki. Chantá uyarisqayki “Jampuy sumaj waway.” English→ So strange it seems and wondrous español→ Tan grande me parece 34. Tukuchiway, Tatay Tukuchiway, Tatay, tukuchiway, Churiykiman jina, tukuchiway. Tukuy ruwasqaypi, tukuy parlasqaypi, Yuyasqaypi ima, Payman jina. Yachachiway, Tatay, yachachiway. Munaynillaykita yachachiway. Sapay kashaspapis, kasuyta munayman, Llakiypi kaspaqa, mask’asqayki. Rikuchiway, Tatay, rikuchiway, Cheqan kayniykita, yanniykipi. Mana rikojtiyqa, fenejta purisaj, Sinchita sayasqa, suyasqayki. Kausakunaykama yachachiway. Iskaychakojtiyqa, sayachiway. Ma rikuyta atijtiy, pusariway, Tatay. Kausay tukukojtin, jap’ikuway. English→ Teach me Thy way, O Lord 35. Jesuswan purispa Jesuswan purispa, Paypi kusikunchej. Palabranta munakuspa Payllata kasunchej. Jesuspa sutimpi Bautizachikuspa, Pay noqanchejpi kasqanta Mundoman willanchej. Munakuyninrayku Parlaykuwarqanchej. Karupiraj kashajtinchej, Qayllachiwarqanchej. Jesuspa sutimpi Bautizachikuspa, K’anchaypi purisqanchejta Mundoman willanchej. Sumaj munayninta Ruwayta munanchej. Sonqosninchejta kallpachan Espiritunnejta. Jesuspa sutimpi Bautizachikuspa, Paypi kusikusqanchejta Mundoman willanchej. Tatanchejpa makin Pusaykachawasun. Makimanta pusawanchej. Mundota saqenchej. Jesuspa sutimpi Bautizachikuspa, Cheqan kayta, yannintawan Mundoman willanchej. English→ Rejoicing in the Lord español→ Andemos con Jesús 36. Sonqoy qampi samarishan. Sonqoy qampi samarishan. Kusisqa takisaj. Chay pakasqa pujyunejpi Noqa sajsakuni. Kay t’uru vasota ruwanki, Makiykipi kani. Kay jallp’a pata yakuwan Ch’akillawampuni. Wiñay kausayta munani. Kaypi kashampuni. Munakuyninta mask’ani, Qayllallapi kashan. Mosoj takiywan munayman Agradecekuyta. Payman yupaychasqa kachun Munakusqanrayku. Pisi kallpayoj kashaspa, Yupaychaykipuni. Manchachiy qanman pusawan Qanta mask’asuyta. Kusiy chayaqey kapuwan. Ma rikunirajchu. Makiykiwan jallch’awanki Noqata wiñaypaj. Sonqoy qampi samarishan. Sonqoyta jallch’anki. Nisqaykita uyarispa, Kusisqa kashani. “Chayaqey kanki,” almay nin, Ma manchachikuspa. Tataymin kasqaykirayku. Atienekusqayki. English→ My heart is resting,O my God español→ Mi corazóon descansa en ti 37. K’umuykukuspa K’umuykukuspa, Janaj pachamantamin, Kayman jamorqa, Munakuynimpi. Cordero jinalla, Calvariopi muchorqa. Mana ch’urkikuspa, Pay wañorqataj. Cristo, Salvadorniyqa, Qan phaskarawarqanki. Kunanmanta qhepaman Kasusqaykimin. Diospa churinta Ama llakichinachu. Yawarnintamin Cruzpi jich’arqa. Mana suyayniyoj, Musphaspa risharqanchej. Juchasninchejmanta, Salvawarqanchej. Jesusman jamuy, T’unasqa sonqoykiwan. Llakiyniykita Payman willakuy. Jucha q’epiykita Pay qhechupusonqataj. Llawch’iyayniykipi Kallpachasonqa. English→ From heaven’s glory español→ Del cielo y gloria 38. Yapaykuriway feniyta. Yapaykuriway feniyta. Sajramanta jark’ariway. Ñawisniyta qhawachiway Munasqaykí rikunaypaj. Yapaykuriway feniyta. Fepa jark’ananta qoway, Supayta atipanaypaj, Urmachiyta munawajtin. Yapaykuriway feniyta, Mana poqoyta rikojtiy. Munajtin llawch’iyakuyta, Señor sonqoyta kallpachay. Yapaykuriway feniyta, Llakiyniy atipawajtin. Sonqochaj chimpaykamuway, Sonqoyta thañichiwaytaj. Yapaykuriway feniyta, Kausay p’unchay tukukojtin. Almay kutimpusojtinña Suyayniy qanllapi kanqa. English→ Increase our faith, beloved Lord español→ Danos más fe, amado Dios 39. Jesusniypi kusikuni. Jesusniypi kusikuni. Pisiwasqanta qowan. Mundopi jallch’ashallawan Tukuy purisqasniypi, Tiakuspa paypa llanthumpi Samakuyta tarini. Kusikuy tian ladollampi. Tutapipis takini. Jesusniypi kusikuni. Paypi kallpachakuni. Puñuymanta rijch’arijtiy, Pay parlawan noqawan: “Jamuy munasqay, noqaman. Amataj llakikuychu. Kaypi noqawan kakunki, Kusikuspa ladoypi.” Jesusniypi kusikuni. Munasqayta tarini. Khuyakuspa qhawawanña. Qhapaj kayninta qowan. Ajllasqay waranqamanta. Amigóy, Salvadorníy. Munakuynimpi kashaspa, Qhepakusaj chayllapi. Jesusniypi kusikuni. Paypi wiñay kausay tian. T’ukuna munakuynimpi Samarikushallani. Juchamanta jark’awanqa Wiñaypaj wiñaynimpaj. Llojsispa kay jallp’amanta Uyantataj rikusaj. English→ All my springs arise in Jesus español→ De Jesús mis goces manan 40. Sonqoy may llakisqa kajtin, Sonqoy may llakisqa kajtin, Noqa mana entiendejtiy, Tukuyninta saqepuni Jesuspa makisnimpi. Tukuyta Paywan saqeni. Pay entiendewampuni. Makisnimpi saqepuni, Imatachus Paylla atin. Sonqosninchej tapukuspa, Iskaychakojtinkoqa, Diospa munayninlla kachun. Pay sut’inchawasunchej. Jesusta qhawanipuni. Payllapi suyayniy tian. Tukuy kay pachapi kajta Uj dia saqepunay tian. Tukuyninchej rikusunchej Kamachej jampojtenqa. Jatun kajpis, juch’uy kajpis, Payman k’umuykukonqa. English→ When my heart is heavy 41. Tukuy ima tiapuwajtimpis Tukuy ima tiapuwajtimpis, Imapaj kausayniy walej kanman. Sonqoy tarenqachu kusikuyta Kay phuyu jinalla pasajpi. Kay pachapi tukuy kapuwajtin, Qhasilla kanman, ma Jesuswan. Mundoj kusiynin may pisi kanqa, Diospi tarisqaymanta nisqa. May qhapajpis kayman karqa chayqa, Runawan yupaychasqa kaspa, Ni samariytapis atiymanchu, Mana suyayniyoj kaspaqa. Tukuy ima tiapuwajtimpis Qhasilla kanman, ma Jesuswan. Ma Paywan kausayta atiymanraj, Nipuni wañuyta atiymanchu. Chhika kusiyta Diospi tarini. Sonqoyta kallpachawampuni. Tukuy juchasniyta pampachawan, Llakiykunaspi, sonqochawan. Kapuwajtin noqa Jesusniylla, Pisiwasqayta qowampuni. Wañojtin phaskarasqa karqani, Phaskarasqapunitaj kasaj. English→ If alll things were mine español→ Aunque tenga todo y no 42. Munayniykimanjina kaytaqa Munayniykimanjina kaytaqa Noqa munayman, Qanwan purispa. Kay pachapi kausaspa, Señorniy, Munasqaykimanjina ruwasaj. Munayniykimanjina Jesusqa Mana jayk’aj urmaspa atiparqa. Pay munayniykita tukucherqa. Kausarimuspa qanwan tiakorqa. Munayniykimanjina puriyman, Ñak’ariypipis, kusikuypipis. Ñaupaj churisniykijina, Tatay, Noqapis kasusqayki tukuypi. Munayniykipi kusisqa kani. Runaj yuyasqan chinkapullanqa. Uj kausashaj rikuchiku jina Señor jap’iway kay kausayniyta. English→ Approved of God, what more español→ Ser aprobado, no anhelo 43. Yanapajninchej kanmanchu Yanapajninchej kanmanchu, Sonqosninchejta entiendej, Rikukojtinchej may llakiykunapi. Pitaj jatun khuyakuywan, Munakuywan qhawaspa, Pisiwasqanchejta qollawanchejtaj. Ujlla tian, Jesuslla. Paypi suyayninchej kanqapuni. Laqha llakiykunapi, Tarikojtinchejpis, Jesusqa amigonchejpuni kanqa. Pi juchasapa runaman, Llamp’u sonqota qonman, Llakiyrayku sonqon laqha kashajtin. Juchasninta pampachaspa, Ujtawan kusichinman. Cruzpi yawarninta jich’asqanrayku. Pitaj amigonchej kanqa, Llakiypi kusiypipis, Q’episninchejta apaysiwasunman. Yanninchejtataj k’anchaspa, Sajramanta jark’aspa, Noqanchejta kausachiwasunmanchu. English→ Is there anyone can help us español→ Hay alguno que comprende 44. Ruwasqayta qhaway, Tatay. Ruwasqayta qhaway, Tatay. Rikuchillawaytaj Imaynachus kasqaytaqa, Umachakunaypaj. Qan kay sonqoyta rejsinki, Puriyniyta ima. Sonqoypi pakasqa kajpis Sut’imin qampajqa. Rikuchij k’anchayniykiqa Sonqoyta k’anchachun. K’umuykakamususpataj Yupaycharisqayki. Chay qampaj chakisniykipi Astawan yachasaj, Kay munakuyniykimanta. May t’ukuna kasqa. English→ Search me, O God! español→ Hay alguno que 45. Dios parlasojtin, sonqoykiman, Dios parlasojtin, sonqoykiman, Qanta munan sonqochasuyta. Ama jark’aychu, jamullayña. Pay wajyasojtinkama qanta. Saqerparisqata karqanki. Yanapajniyki ma karqachu. Cruzpi yawarninta jich’arqa, Juchaykita qhechunasumpaj. Khuyakuynimpi, munakuspa, Salvadorta kachamusorqa. Qampa cuentaykipi wañorqa, Yawarninwantaj mayllasorqa. Dios wajyasunki, suyashanraj. “Kunan noqaman jamuy churiy. Yugoykitaña aparikuy Tarinkipuni samakuyta.” Kausayta qoyta munasunki. Qhespichisonqa juchaykita. Espirituta sonqoykiman Kamachinampaj churasonqa. English→ God in His mercy pleads español→ Dios, al hablarte al 46. Llakiykunapi rikukojtiy, Llakiykunapi rikukojtiy, Kishkas ukhupipis purijtiy, Sonqochasqa, noqa yachani Yuyawasqaykita. Yuyarikuwanki. Yuyarikuwanki. Ni jayk’aj manchachikusajchu Yuyariwajtiyki. Jallp’a pata kausayniyrayku Sonqoyqa laqhayayta munan. Noqa kallpachakunipuni Yuyawasqaykipi. Phuyusqapipis, sut’ipipis, K’anchaypipis, laqhayaypipis, Kusisqa kashaspa yachani Yuyawasqaykita. English→ Amid the trials which I meet español→ Si entre pruehas me 47. Uj k’ata kausayniyoj kani. Uj k’ata kausayniyoj kani. Bausi jina pasapushanña. Valorniyojta mask’akusaj, Lugar kajtinraj kay pachapi. Kausayniyta qosaj Diospatamin tukuyniy kanqa. Paypallata kasaj. Wasinman wiñaypaj wajyawan. Chajras ruthunapajña kanku. Khuyakuywan chayta qhawani. Kay k’ata kausayniyta qosaj. Pisi atisqayta ruwasaj. Wajcha kausayniyta qopuspa, Pachaj kutitawan jap’isaj. Noqa mundota qonqapuspa, Tukuyniywan Payta servisaj. English→ I have only one life on the earth español→ Una vida no más tengo yo 48. Sumaj michejniy Señorqa. Sumaj michejniy Señorqa. Waqaychawampuni. Ni imata pisichiwanchu. Q’omer pampaspi michiwan, Kallpachallawantaj. Sutinrayku pay pusawan. Cheqan yanninnejta. Laqha wayq’ota puriyman, Mana ni ima sajramanta Manchachikusajchu. Varaykiwan tojnuykiwan, Qampi suyachiwan. Mikhuyta qowankipuni Wajkunajpa ñaupaqempi. Munakuyraykumin. Sumaj q’apaywan umayta Jawiwankipuni. Vasoyta phullchirichinki. Qanwan khuska wasiykipi Wiñaypaj tiakusaj. English→ The Lord’s my Shepherd 49. Qhatisqaykipuni Qhatisqaykipuni, rispa yanniykipi, Ni jayk’aj llawch’iyakusajchu. Qanta uyarispa, kasuspa, qhatispa, Llamp’u espirituykiyoj kasaj. Calvariopi qan muchorqanki, Juchasniyta cruzpi apaspa. Tukukuykama qhatisqayki, Qan jina cruzniyta apaspa. Sapa tutamanta jatarispa noqa Uyaykita mask’asunay tian. Atipachiwanki, yanapawankitaj, Kusisqalla qhatisunaypaj. Tuta chayamojtin, puñukunay kajtin, Sonqochasqamin noqa kasaj. Maypachachus pantakorqani, urmaspa, Qan qhespichiwarqankipuni. Chay dia chayamojtin, wañupunay kajtin, Qan wajyariwasqaykirayku, Sonqochasqa kasaj, kusisqa ripusaj, Wiñaypaj khuska kananchejpaj. 50. Sumaj yanniykimanta, Dios Sumaj yanniykimanta, Dios, Agradecekuyku. Laqhamanta orqhowaspa K’anchayniykita qowanki. :: Qanta yupaychayki. :: Agradecesqa kay sonqoy Qanman takisunki. Sonqo tiasqa kasqaymanta, Munakuyniykimantapis, :: Qowasqaykirayku. :: Ancha juch’uylla kasqayta Noqa yachaniña. Yanapaway atipayta Jark’awasqanta yanniypi. :: Kacharisqa kaspa. :: Tukuy sonqo yanniykipi Puriyta munani. Wajkuna rikunankupaj Sonqo tiasqa kasqaytaqa. :: Qampi kusikuspa. :: English→ O God, I thank Thee for the way español→ Oh Dios, to doy las gracias 51. Uj sonqota, qoway, Tatay, Uj sonqota, qoway, Tatay, Cheqan kajta, llamp’u kajta. Qampaj jina, kachun, Señor Yuyasqaypi, ruwasqaypipis. Kay rumi sonqoyta, llamp’uyachiwaspa, Uj sumaj sonqota, qoway, Señor Tatay. Uj yachay sonqota, ama jayajtachu. Qampa sonqoykiman jina, qoway. Uj llimphu sonqota, qoway. Mana ajina kajtiypis. Espirituyki paypi kachun, Munayniykita ruwanaypaj. Qhasita parlajtin, chayta qonqachiway Noqa perdonaypaj, Qhespichiwaj jina. Llakiykunawampis, llimphuchaway, Señor. Sonqoy qampaj jina, kachun, Tatay. Uj sonqota, qoway, Tatay. Ama iskaychakojtaqa. Runa masiy sayk’ukojtin, Yanapasaj chay q’epinwan. Wawqeypa nanaynin, sonqoyta nanachin. Paypa llakiyninta, sonqoywan rikojtiy. Chejniwaj kajtimpis, yanapasajpuni. Chay llamp’u sonqota, qoway, Tatay. English→ Give me a heart, that’s tender, true español→ Un corazón dame, Señor 52. Cristopi hermanos kanchej, Cristopi hermanos kanchej, Ujchasqas munakuynimpi. Diospa ñaupaqempi sonqonchej ujllataj, Jinapis kanqa cielopi. Tatanchejpa ñaupaqempi Wicharin oracionninchej. Ujlla suyayninchej, ujlla kusiyninchej, Ujllataj cielo llajtanchej. Onqoypi khuyanakunchej, Llakiypipis sonqochay tian, Waqayta t’aqanchej hermanonchejrayku Yanapanakunchej yampi. Karuman t’aqanakuspa, Chaypacha sonqonchej nanan. Almanchejpitajri ujllapuni kanchej, Ujllataj cielopi kasun. 53. Ñaupaqeykiman, Dios Tatayku Ñaupaqeykiman, Dios Tatayku, Kay wawasniyki qayllamuyku. Redimisqastaj, mayllasqastaj; Señor Jesuspa yawarnimpi. Gloriata qoyku Diosniykuman Kay pachapipis, jaqaypipis; Honrasqa kachun sutiykiqa, Kunampis, tukuy wiñaypipis. T’antá p’akispa yuyariyku Señor Jesuspa wañusqanta. Kay copapitaj yuyariyku Chay cruzpi yawar jich’asqanta. Jinallatataj yuyariyku Jesús ujtawan jamunanta. Pacienciawantaj suyashayku Phuyupi rikurimunanta. Allin kausayta sonqotawan Tukuyniykuman Qan qowayku. Allinta sirvisunaykupaj, Wajyawasqayku Qan chaykama. 54. Noqaj juchaymanta Noqaj juchaymanta Llimphuchaway. Yawarniykinejta Kunan llimphuchay. Qan rantipuwanki Phaskarayniytaqa. Munakuy sonqoypi Kunan kamachin. Noqaj juchaymanta Llimphuchaway. Munayman Qan jina Noqa tukuyta. Puka yawarniyki Noqata pichachun. Kay llimphu sonqoyta Qanman qopuyki. Noqaj juchaymanta Llimphuchaway. Atienekuykitaj K’umuykukuspa, Tukuy sajramanta Jallch’anawaykita. Kusisqa purisaj Pusawajtiyki. English→ Wash me, O Lamb of God español→ Lávame, oh Jesús 55. “Ujllachakuchunku, Tatay,” “Ujllachakuchunku, Tatay,” Pay yachachisqasnimpaj Tatanmanta mañaporqa, Manaraj wañushajtin. As ñaupaj kajkunawan, Kaypi kajkunawampis, Ujllachasqa kanchej kunan, Ujlla wiñaynimpajtaj. “Paykuna ujlla kachunku Imaynatachus kanchej. Sajramanta waqaychapuy.” Diosmanta mañaporqa. Ujllachakuna, Señor. Mundoman rikuchispa Noqayku wawasniykimin Cheqampi kasqaykuta. “Qowasqayki kajkunata Kay mundopi kashaspa, Sutiykipi jallch’arqani, Mana chinkanankupaj.” Kunan waqaychawayku Qampi kakunaykupaj, Uj sonqolla, uj munaywan, Qanta kasunaykupaj. English→ “May they all be one” Titles, First Lines, and Chorus 32 Ama ch’inlla kaychu, Tatay. (title) 32 Ama ch’inlla kaychu, Tatay. (first) 4 Ancha sumajpuni willay (title) 4 Ancha sumajpuni willay (first) 33 Aswan ñaupajman riyta, (chorus) 49 Calvariopi qan muchorqanki, (chorus) 12 Chay ancha sumaj muju (chorus) 52 Cristopi hermanos kanchej, (title) 52 Cristopi hermanos kanchej, (first) 37 Cristo, Salvadorniyqa, (chorus) 9 Dios ajllasqasninta jallch’an. (title) 9 Dios ajllasqasninta jallch’an. (first) 45 Dios parlasojtin, sonqoykiman, (title) 45 Dios parlasojtin, sonqoykiman, (first) 53 Gloriata qoyku Diosniykuman (chorus) 11 Janaj pacha himno jina (title) 11 Janaj pacha himno jina (first) 7 Janajpachamanta (title) 7 Janajpachamanta (first) 3 Jesusllamanta willarisunchej. (title) 3 Jesusllamanta willarisunchej. (chorus) 3 Jesusllamanta willarisunchej. (first) 2 Jesusmanta astawanraj (title) 2 Jesusmanta astawanraj (first) 1 Jesusmanta Willawaychej (title) 1 Jesusmanta willawaychej, (chorus) 1 Jesusmanta willawaychej, (first) 39 Jesusniypi kusikuni. (title) 39 Jesusniypi kusikuni. (first) 30 Jesusniywan noqa kayman (title) 30 Jesusniywan noqa kayman (first) 21 Jesuspa chakisninnejpi (title) 21 Jesuspa chakisninnejpi, (first) 6 Jesusqa rikuwaspa (title) 6 Jesusqa rikuwaspa (first) 10 Jesús Salvawajniypi (title) 10 Jesús Salvawajniypi (first) 35 Jesuswan purispa (title) 35 Jesuswan purispa, (first) 14 Juchasapa, uyarikuy, (title) 14 Juchasapa, uyarikuy, (first) 31 K’ajachun sonqoypi (chorus) 17 Karu llajtapi karqani (title) 17 Karu llajtapi karqani, (first) 22 Kasqay jinalla jamuyki (title) 22 Kasqay jinalla jamuyki, (first) 47 Kausayniyta qosaj (chorus) 20 Kausayqa tukukonqa (title) 20 Kausayqa tukukonqa, (first) 6 Khuyakuwasqanrayku, (chorus) 37 K’umuykukuspa (title) 37 K’umuykukuspa, (first) 14 Kunallan riy Jesusman (chorus) 4 Kunan, qayna, wiñaypajpis (chorus) 27 Kunan tantakusqa kayku (title) 27 Kunan tantakusqa kayku, (first) 46 Llakiykunapi rikukojtiy, (title) 46 Llakiykunapi rikukojtiy, (first) 20 Mask’awaj, mask’awaj, (chorus) 33 May sumajta rijch’awan (title) 33 May sumajta rijch’awan (first) 5 Munasqaykiman jina ruwaway. (title) 5 Munasqaykiman jina ruwaway. (first) 42 Munayniykimanjina kaytaqa (title) 42 Munayniykimanjina kaytaqa (first) 53 Ñaupaqeykiman, Dios Tatayku (title) 53 Ñaupaqeykiman, Dios Tatayku, (first) 25 Necesitaykipuni (title) 25 Necesitaykipuni, (first) 54 Noqaj juchaymanta (title) 54 Noqaj juchaymanta (first) 23 Noqa ofreceyki Qanman (title) 23 Noqa ofreceyki Qanman (first) 24 Noqarayku karqa arí. (chorus) 24 Noqarayku, noqallapaj (title) 24 Noqarayku, noqallapaj, (first) 16 Noqa wajcha purishani (title) 16 Noqa wajcha purishani, (first) 15 Pantarqani purispa (title) 15 Pantarqani purispa (first) 11 Puertoman pusaj yanta (chorus) 28 Qampa sarusqasniykipi (chorus) 23 Qampata kani, (chorus) 29 Qanman, Diosníy, oraciompi (title) 29 Qanman, Diosníy, oraciompi, (first) 27 Qan Señor, sonqochaway. (chorus) 32 Qanta qhawaspa suyani. (chorus) 26 Qayllaykiman pusarikuway (title) 26 Qayllaykiman pusarikuway. (first) 49 Qhatisqaykipuni (title) 49 Qhatisqaykipuni, rispa yanniykipi, (first) 44 Ruwasqayta qhaway, Tatay. (title) 44 Ruwasqayta qhaway, Tatay. (first) 10 Salvador Jesusman (chorus) 9 Sapa p’unchay Pay qowanchej (chorus) 45 Saqerparisqata karqanki. (chorus) 25 Señor, necesitayki, (chorus) 40 Sonqoy may llakisqa kajtin, (title) 40 Sonqoy may llakisqa kajtin, (first) 36 Sonqoy qampi samarishan. (title) 36 Sonqoy qampi samarishan. (first) 18 Sumachej willaykuna. (chorus) 48 Sumaj michejniy Señorqa. (title) 48 Sumaj michejniy Señorqa. (first) 31 Sumajta munakuyniyki, (title) 31 Sumajta munakuyniyki, (first) 50 Sumaj yanniykimanta, Dios (title) 50 Sumaj yanniykimanta, Dios, (first) 30 Suyarispa qhawariyman (chorus) 28 Tantakuyku sutiykipi (title) 28 Tantakuyku sutiykipi (first) 12 Tarpuj tarpuspa purin, (title) 12 Tarpuj tarpuspa purin, (first) 34 Tukuchiway, Tatay (title) 34 Tukuchiway, Tatay, tukuchiway, (first) 41 Tukuy ima tiapuwajtimpis (title) 41 Tukuy ima tiapuwajtimpis, (first) 40 Tukuyta Paywan saqeni. (chorus) 18 Uj ancha sumaj p’unchay (title) 18 Uj ancha sumaj p’unchay (first) 47 Uj k’ata kausayniyoj kani. (title) 47 Uj k’ata kausayniyoj kani. (first) 55 “Ujllachakuchunku, Tatay,” (title) 55 “Ujllachakuchunku, Tatay,” (first) 43 Ujlla tian, Jesuslla. (chorus) 51 Uj sonqota, qoway, Tatay, (title) 51 Uj sonqota, qoway, Tatay, (first) 8 Unaymanta munarqani (title) 8 Unaymanta munarqani (first) 17 Wasinman pusaykuwarqa. (chorus) 43 Yanapajninchej kanmanchu (title) 43 Yanapajninchej kanmanchu, (first) 38 Yapaykuriway feniyta. (title) 38 Yapaykuriway feniyta. (first) 13 Yawarlla chakatanaqa (title) 13 Yawarlla chakatanaqa, (first) 19 Yugoykiman wataykuway (title) 19 Yugoykiman wataykuway (first) 46 Yuyarikuwanki. (chorus) Quechua language hymnbook Published in 1997 ebook version: 11.10.15 Titles, First Lines, and Chorus